今年娛樂圈旺生B，宋熙年、李亞男、鍾嘉欣先後宣佈懷孕，齊齊榮升靚媽行列！巧合地三人都係華姐出身，美麗與智慧並重，陀B時的大肚造型更無浮腫情況，絕對是美麗的大肚婆！
登入 瀏覽本網站，可獲取積分換領專屬優惠
點擊查看專屬優惠
宋熙年
宋熙年貴為2007年華姐冠軍，美貌無庸置疑！自2016年跟陳智燊結婚後，一直keep住做東張西望主持及密密接job，又同老公齊齊拍Vlog做youtuber，另覓財路。愛情事業得意，佢都keep住運動如拳擊、跑步、肌肉鍛練等，唔俾自己發福，幸福靚太當之無愧。
人人話懷孕中的女人最漂亮，宋熙年做咗大肚婆後，四肢纖細，愈樸素的打扮愈顯年輕，丸子頭造型予人可愛減齡感覺。
懷孕7個月時，她著上one-piece體態輕盈，女人味十足！
7月懷胎拍攝的大肚寫真，擺咩pose都難佢唔倒！
宋熙年剛剛舉行Baby Shower，邀請了李亞男、胡杏兒、陳爽、朱璇等出席。橙色背心連身裙再加belt，半身照面尖尖，如同懷孕前一樣無分別！
鍾嘉欣
懷上第二胎的鍾嘉欣依然keep住美好身段，肥肚不肥身，手腳及臉上無浮腫，唔睇肚仔都唔似有咗！
4月時，當時陀B 5個月的鍾嘉欣大曬泳衣相，手抱囡囡Kelly，肚仔唔算大，身形依然索爆！
6個月身孕時，鍾嘉欣穿上鬆身白長裙，在公園與囡囡合影，長曲髮pure打扮，重拾少女心，完全唔似媽媽。
鍾嘉欣為2004年華姐冠軍，出道時獲封「嘉欣BB」，俘虜不少少男粉絲。今年34歲的她依然好有女人味，婚後完全無師奶味，保養得宜，即使大肚仍常常返港接job出席活動，好受客戶歡迎。
得知好姊妹李亞男懷孕，鍾嘉欣點會放過齊齊影大肚照的機會？
李亞男
2005年華姐冠軍李亞男，身高超過170cm，model身形fit爆！懷孕超過3個月的她肚仔開始大，但著裙裝依然青春無敵。
著上短裙、短褲的李亞男，大曬索腿，比時下年輕女生更charm，點睇都唔似33歲大肚婆！
她與宋熙年互摸肚仔，綁馬尾的她更顯活力。
唔知李亞男遲啲會否學鍾嘉欣及宋熙年般影返輯大肚寫真呢？