《萬千星輝頒獎禮2021》昨晚（2日）完滿結束，除咗賽果備受熱議外，原來昨晚紅地氈上亦出現咗一個小彩蛋，就係一直有「翻版鍾嘉欣」之稱嘅《聲夢傳奇》人氣王鍾柔美（Yumi），終於同本尊「真‧鍾嘉欣」同框合照兼受訪，令粉絲們直呼驚喜。見2人拍埋一齊時，五官及氣質都相當神似，鍾嘉欣都直認覺得相似，認為對方有自己少許影子，更大爆原來一直都有留意Yumi：「其實《聲夢》一班新人個個都好優秀，同埋佢哋有首兒歌叫《Hands Up》，我想啲仔女學廣東話，就日日畀佢哋聽，不斷洗腦！我好鍾意Yumi佢好有自然嘅星味，佢好享受表演，佢好有潛質，前途無可限量！」
東網網站 : https://on.cc/東網Facebook專頁 : https://www.facebook.com/onccnews/
