法拉驚現色情短片點擊近百萬 - 太陽報

08/10/2010

播放本新聞相關短片

法拉驚現色情短片點擊近百萬

繼不少女星被移花接木炮製鹹相後,想不到歪風吹向短片,有龍友近日自製「香港大波中心」系列短片擺上YouTube,專門特寫女星胸脯,咪神陳法拉與清純鍾嘉欣點擊率更位列榜首!

近年不少女星的肖像被移花接木製作鹹相放上網的例子屢見不鮮,無論是純過蒸餾水或是公認身材一絕的女星,差不多無一幸免被惡搞,如Jessica C.早前被鹹網挪用性感照作招徠,即時激到她生蝦咁跳。如今這股歪風仍然繼續吹,還有蔓延趨勢,有龍友(攝影愛好者)近日四出瞄準女星的胸脯,製作一系列名為「香港大波中心」的片段放上YouTube,不少上榜女星大呼被侮辱!

怒斥「唔好咁鹹濕」

該系列雖名叫「香港大波中心」,匯集陳法拉、吳佩慈、林嘉綺、熊黛林、周倩圯與Rosemary等中、港、台性感女星名人,但向來出名是「微波仙子」的鍾嘉欣及Ana R.亦榜上有名,足見公信力不足之餘,更予人覺得這些片段是巧立名目。片中不少鏡頭特寫女星的胸脯或腰肢,但點擊率出奇地高,法拉與嘉欣的短片點擊率逾82萬榮登榜首,成為龍友尤物。

擁有34C上圍的法拉無辜成為色情短片主角大為激氣,她說:「雖然唔使為呢啲嘢上心,但我嘅感受只係覺得因為追查唔到源頭,網友就可以唔負責任,叫佢企出嚟就唔會啦!網上愈進步就愈多唔尊重,討論區嘅批評好多唔經大腦,希望大家唔好咁鹹濕!(點保障自己?)龍友喺二樓影落嚟大堂,冇辦法!唔通披黑布出嚟咩!希望大家尊重我哋。」向來是「微波爐」一族的嘉欣則說:「冇睇過,唔知真定假。其實唔擔心得咁多,平時出入我都會好小心!」同樣榜上有名的周倩圯更氣上心頭,怒插行為變態:「好傷風敗德!好變態!咁嘅行為同色魔冇分別,同強姦冇分別!」

Ana:「我都係大!」

只有32A上圍的Ana R.亦無端上榜,她昨日為床上用品品牌行騷時笑說:「我都係大?我真係唔知道有呢啲片,亦唔知啲片想表達啲乜,如果表達唔好嘅嘢,我會好唔開心!」不過,Ana坦言不介意被聚焦胸前,因為這是她工作一部分。問到有否考慮隆胸?她說:「十年前已經想過,都想做手術但一直冇做!」

專案組