【武漢肺炎】周柏豪為囡囡做足防疫措施 考慮搭飛機後自我隔離|香港01|即時娛樂

【武漢肺炎】周柏豪為囡囡做足防疫措施 考慮搭飛機後自我隔離

撰文:
最後更新日期:

周柏豪大年初二(26日)參與無綫節目《金鼠迎春接萬福》,有女萬事足的柏豪,談到現時事事都以BB為先;電話長期處於低電量的狀態亦沒有去充電:「一個鐘幫囡囡換兩次片,根本唔得閒撳電話,於是長期冇電都由得佢。(親力親為照顧BB?)由Day1開始到而家都係,呢個係責任嚟,希望BB健康開心成長。」

周柏豪認為現時平安健康最重要。(梁碧玲攝)

近來武漢肺炎肆虐,周柏豪說自己會做好消毒與戴口罩等防疫措施:「而家大家見到我冇係因為要做嘢、冇辦法,但係好開心見到幕後100%嘅同事、手足都帶緊口罩。」柏豪和太太亦談好今年農曆新年不去大型團拜:「可能細細地幾個親戚嚟屋企見下BB,盡可能都唔會畀佢哋抱BB,佢哋都好識做唔會自己抱。」為保護BB,柏豪又會定時為BB探熱:「BB唔出街、唔會帶佢周圍走,亦都唔會同佢太過近、成日哄佢錫佢。(會忍唔住?)以前一日錫十啖,而家一日錫一啖!」

周柏豪在肺炎肆虐前已有先見之明、買了不少口罩,皆因自己除了工作以外甚少出門,會將口罩讓給家人及老人家使用。(梁碧玲攝)

周柏豪不時都需要到外地工作,問到會否因為疫情而減少這類工作,他說:「有時唔係自己決定減唔減少,而係好多活動都會因此而改期、甚至取消;愈多人聚集嘅地方傳染機會就愈高,減少傳染機會(取消)都係必要,都冇辦法。」周柏豪下星期亦需要乘飛機到馬來西亞和新加坡工作:「都會做足保護自己嘅措施。」柏豪又說現在回家之前都會用酒精消毒:「我有同太太商量,搭完飛機返嚟要唔要自我隔離幾日,睇下有冇事先再返屋企。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。