醉和里

營業中

休息中

以前耐唔耐都會食 覺得佢不過不失啦還好既但裝修之後再幫襯佢 因為我係打落去叫外賣唔知價錢亦預左都要7-80蚊架啦 但真係冇諗過一個海鮮炒烏冬外賣要109蚊 冇乜特別唔會再食

有親戚係外國返嚟香港，一於帶佢哋嚟試下香港最有特色嘅嘢，大排檔！最後去左為人熟悉嘅黃大仙冬菇亭，試左依間醉和里，依到有冷氣，熱辣辣嘅天氣啱晒，一睇份Menu，選擇多，5個人叫左5樣野食，嘢食份量都多，而且鑊氣好足，而且唔會趕人走，多人想慢慢傾計，又想試地道野食嫁話，係一個唔錯嘅選擇

呢間嘅服務態度極差， 嘢食又極多油極之差， 十問九唔應之餘， 除咗收錢乜都唔理你， 地方又污糟，嘢食又難食， 重有個侍應丫，你叫佢落單佢全程黑口黑面，十問九唔應， 講咁多都冇用，食過就知中幾大既伏

行完街行到累，一個男人可以去食D咩野?禁就梗係大排檔啦，自問唔係一個大食既人，都忍唔住叫左兩個小菜。叫左個椒鹽肉排同一個咕嚕雞丁。肉排夠入味，唔怕乾，入口結實，最香既係佢肉與肥油之間既交界，食落去惹味得泥又有油香，再配上兩口白飯，今日咩累都值得。雞丁睇落無骨，食落去大啖大啖真係好爽，入味，酸酸地，夠開胃，送飯，一流。

十月一日消費券一早攞咗，國慶跑馬日食咗白果，捉咗靚媽陪我去行，黃大仙中心，由北館行到南館，因為就腳去咗呢間食店食晚飯，是日合共點了三個小菜和一瓶啤洒，先評個涼瓜炒牛肉，真係好咸，連我呢個出名重口味嘅肥佬，都覺得咸，反之個北菇炆鴨掌D冬菇就夠淋吾夠味，要點落碟涼瓜牛肉索佢D汁先有味道，鴨掌就正常味道，三個小菜最正就係個，菜心炒什燴，味道恰好，什燴料豐富值得一讚，平心而論，此店係做到有大牌檔風味菜式，份量足，鑊氣夠每道小菜都係熱辣辣上枱，加上價錢街坊價，三兩知忌或一班朋友，在此店食飯，吹水，飲啤酒都係一個不錯選擇

一天到黃大仙，在黃大仙中心的另一邊，老伴知道小的喜歡地道小店，便提意到「醉和里」的大排檔去。其實咱們試過冬菇亭那一帶的餐廳，幾乎是沒有一家好味的。以前光顧有籠籠點心的大排檔與咱們用餐的時間總失諸交臂，當點心都賣清光，咱們才始到達，結果這回倆小口子拐個圈子，走到冬菇亭的後方，試一試這家名曰「醉和里」的排檔。進入這地道街坊舖，自己招呼自己是常識罷！見到街坊們都是拿著茶壺走到熱水機處自行加水，以為咱們也可有樣學樣地自己弄茶？卻不見茶壼與茶葉。那麼就先點菜再順便問一問。瀏覽餐牌，老伴專一地揀他鐘情的雙拼碟頭飯。小的則見有點心選擇，於是叫了潮洲粉果與乾蒸牛肉球。向姐姐查宣一下如何點茶，姐姐先了解小的要那一款茶，然後再煞有介事地問是不是只一位要茶。由於老伴之雙拼飯套餐連飲品，而且他亦向來不喜歡熱飲。於是小的點頭稱是。及至姐姐打了單回來，小的方知原來這兒的茶芥為5元一位，好心的姐姐確定只小的一個人飲茶，單上的茶位亦大方地只計算一位，非常均真。老伴的雞脾腸仔飯配黑椒汁一看便知是炸得過了火。雞脾的外皮是脆卜卜非常乾焦的樣子，腸仔有兩條，幸好也不算炸得太燶。至於這一客飯的黑椒汁則是異常地深黑，廚師大概是以

假日食飯度度都多人，今晚同朋友突然想起好耐冇打冷，大家就决定去黄大仙食飯😆好耐都冇去過黃大仙冬菇亭打冷🦀🐙🐡依度最出名係醉和里🍺🍺我地成8:00坐低🍴🥛好彩有位👍我地都好肚餓即刻要點菜啦！可能假日我地又晏去，好多好想食既鹅片，聖子，乳鴿都冇哂😑我地就點了👇👇韭菜豬红$55豬红好滑😋加辣椒油绝配👍南乳炸雞件$88雞炸得啱啱好🐔但南乳好啖口唔夠味😅可能我地比較喜歡濃味椒鹽鲜鱿$108即叫即炸唔會太硬啱啱好👍唔會太油🍺餸酒一流椒鹽豆腐$63炸到外皮香脆😋豆腐夠嫰滑軟啫啫油麥菜$68菜新鲜味道剛剛好唔會啫到太老😆鹵水拼生腸，墨魚，红腸，腩肉$138好大碟😁墊底用了芽菜同籮白😋吸收哂鹵水汁非常之入味豉椒大蜆 $128大蜆大部份沒有沙👍粒粒都厚肉😋蜆汁又夠濃酥炸大腸 $73依個炸大腸不得了😋炸到外脆內軟🤭厚厚脂肪但肥而不腻總括來講食物都唔差，6個人埋單都唔貴，係假日去好多款菜式都冇哂，我諗平日去可能會好啲嘅😉

黃昏與同事在摩士公園踢完波，走到黃大仙這間冬菇亭食晚飯。因為五點就到，所以餐廳內沒有太多食客，我們可以叫下午茶，星洲炒米或乾炒牛河連飲品也是$50叫了半打啤酒，便開始小炒。菠蘿咕嚕肉：經常有鑊氣，杯配料很爽脆，咕嚕肉很入味，外層走油所以很脆，整體感覺非常高質。新炒涼瓜：非常好吃，非常甘甜，豉椒味配搭非常嘢未。豉椒炒鵝腸：這個價錢最貴，但有點失望。鵝腸炒得不夠入味，而且配料配搭不太合適，鵝腸也不夠爽脆。椒鹽鮮魷：可以形容詞真店之寶，外面揸得非常鬆脆，魷魚本身爽彈，完全可以一口咬開，外脆內爽，配搭結束，完全冇得輸。總結，性價比非常高，啤酒再配小菜，絕對是男人的浪漫。

好有鑊氣嘅大排檔小抄，叫左炒魷魚、啫啫雞、金銀蛋菜同一碟雜錦滷水，四個人食。碟滷水真係好·大·碟（碟size差唔多係正常size 兩倍），有五六款都係食唔哂，真係好抵食。除返開每人百三蚊應該係因為酒水白飯叫多左。

🐾 醉和里 (黃大仙)🐾-椒鹽鮮魷$108✔️茄子炆魚腩煲$88✔️豉椒炒蜆$128✔️-椒鹽鮮魷:即叫即炸！完全唔會係冧咗個皮咁樣🤣魷魚又唔會太熟😋椒鹽落得啱啱好唔會太鹹😋😋最緊要係唔油😺-茄子炆魚腩煲:我覺得依個好抵食呀$88！不過$88就唔好預佢真係有好多😂😂2個人都夠食嘅🤣茄子入曬味！正！-豉椒炒蜆:蜆大部分都冇沙，而且唔會話好似碟野剩係得啲殼咁🤣🤣——————————————(非專業,完全跟據個人口味☺)食物:7/10環境:6/10服務:6/10人均消費:$150———————————————▪店舖名稱: 醉和里 (黃大仙)▪店舖地址:🔸 黃大仙正德街熟食亭2號舖-----------------------

好耐無去打冷啦終於都忍唔住要去食番次😂——————————————————本身想食滷水鵝片但睇唔到有人叫無版睇但其他滷味又好想食所以最後都叫左個三拼豬耳 墨魚 生腸超大碟 下面仲有啲花生豆腐啲豆腐吸晒滷水😋😋豬耳爽脆 墨魚彈牙 生腸爽口佢當日話有新鮮大蜆 大隻又無沙於是就叫咗碟豉椒炒蜆又真係隻隻鮮甜大隻又無沙👍🏻👍🏻好快清左碟😂😂為左食番啲菜叫左個雜菜粉絲煲入面都有好多小海鮮又大煲好彩最後無叫蠔餅如果唔係一定食唔晒🥴🥴——————————————————☨ 滷水三拼 $118☨ 粉絲什菜煲 $68☨ 豉椒炒蜆 $128

一班同事OT完都係想輕鬆下，醉和里成為第二次OT之選，貪佢味道不死鹹，蔬菜新鮮，這個雜菜粉絲煲真是要讚，一上台我已經聞到果陣菜青的味道，點知同事一食就話d菜好青，好新鮮，不是菜頭菜尾求其煮埋一煲，而且整煲菜一點都唔油，甚至係滴水出來，暫時係我食過最好食的雜菜粉絲煲！滷水鵝夠滑，汁唔會死鹹！粉絲蒜蓉開邊蒸蝦非常惹味，粉絲索曬d汁連同蝦一齊入口，簡直享受！啫啫滑雞煲，雞沒有太厚粉，個汁唔會勁鹹，食完唔會口渴！最後就是胡椒豬肚湯，是夜寒流，整個熱辣辣胡椒湯，即刻暖入心，湯夠胡椒味，只是覺得酸菜鹹咗小小，但是爽口搭夠，食了不少！整體來講，呢間大排檔的味道最得我歡心，現在多數都係味精多，汁鹹，菜油，食完勁口渴狂飲水，希望保持水準！

同多年朋友聚聚會食個飯😂當然要揀番啲長大回憶嘅大排檔啦！今次番嚟黃大仙醉和里唔知係咪老闆個位四眼哥哥一樣咁熱情一樣咁Nice而野食味道都係多年不變咁好食首先唔會唔嗌同嗌錯一定係拼盤啦！百零蚊已經有勁多材料仲要係有鵝片出面啲拼盤無番23百都唔會食到鵝片我覺得最出色一定係大腸，豬腩肉同鵝片入味又唔咸粉絲肥牛煲肥牛好多，唔會覺得孤寒炒蜆好出色👍🏽👍🏽👍🏽👍🏽佢係用啲大蜆嚟炒同應該係做過吐沙處理粒粒都彈牙新鮮無脆口！西蘭花同菜心都好新鮮爽口配啤酒開開心心傾番晚！

一行三人去試試喺黃大仙區都好出名有好多年歷史嘅大排檔冬菇亭-醉和里，呢度有好幾間餐廳一齊經營，最尾揀咗食醉和里！我哋7:30pm到達，好彩一到達就有一張空咗嘅細枱，唔使等位就可以直接入座！入座後我哋略略點了數個小菜，正想開始今日嘅話題，小菜好快立即奉上，真快手！🤗🧡西蘭花鮮魷一上到黎見到佢咁大碟都有啲嚇親呀，西蘭花同魷魚都大大塊！ 西蘭花口感清新爽脆，搭配鮮美嫩滑的鮮魷魚，魷魚的鮮味完全融入西蘭花中，加上去腥增香的蝦醬，食到屋企人都停唔到口🤣🧡啫啫滑雞煲天氣開始涼，梗係叫返煲品小菜暖下身！上桌時還滋滋聲、香噴噴，熱騰騰又惹味。呢間雞煲嘅特別之處係佢竟然會落埋豬潤，補上加補🤣🤣，雞肉十分嫩滑。（可惜冇本人最鍾意芫荽，加上芫荽就絕配啦！）🧡回鍋牛肉煲第二個煲類小菜揀咗回鍋牛肉煲，同樣上桌時還滋滋聲、香噴噴，熱騰騰，廚師亦都好重上落咗好多牛肉片，啖啖肉，配上香辣嘅口味，好開胃！最後三個人食三個餸都食唔晒，因為碟碟都好大碟啊🤣🤣🤣唯有打包拎走返屋企再食 哈哈總括來講，呢間餐廳啲餸菜都大件夾抵食，價錢公道，係唔錯嘅晚餐同宵夜之選👍🏻

旅行回來已經11點，商場的食肆都收市了。幸好冬菇亭的餐廳是24小時的，真的是救星啊。當時的客人很多，外面也下著雨。我們一行5人，叫了5個餸菜，2碗白飯和2碗粥。蒜蓉炒白菜仔白菜仔很新鮮，加上蒜蓉一起炒是無敵的。不過前提是你要喜歡蒜蓉。星洲炒米雖然剛剛從新加坡旅行回來，但因為太喜歡星洲炒米，所以也叫了一個來吃。味道略嫌偏鹹，但配上粥一起來吃，還是很好食的。白粥雖然這白粥看上去平平無奇，但卻是我很喜歡的質感。每次打冷，都喜歡叫一碗白粥。感覺沒有白粥，就少了一點打冷的風味。豉椒炒蜆這道菜是侍應推介我們吃的，他說這些蜆十分新鮮，而且沒有沙的。所以我們也叫了一道來試試看。結果真的十分好吃，我們也吃不出有沙。只是有一點美中不足的就是那些洋蔥可能很早已經切好的，所以吃起來有一點點的不新鮮。滷水鵝片拼墨魚打冷又怎麼可以少得鵝片呢！鵝片滷得很入味，墨魚也很爽口，個人口味喜歡沾著辣油一起吃。一口粥，配上一口鵝片或墨魚，十分之滿足。西蘭花炒鮮魷西蘭花和魷魚都炒得很香，即是本身不太喜歡吃菜，也覺得很好吃。