公開「整容」前黑歷史!鄺潔楹醜女大翻身解構變靚之謎|即時新聞|繽FUN星網|on.cc東網

公開「整容」前黑歷史!鄺潔楹醜女大翻身解構變靚之謎

2021年07月25日 15:03
東網電視
更多新聞短片
唔少女星都曾被質疑整容,其中無綫小花鄺潔楹(Judy)就曾被翻出多年前拍廣告時嘅照片,被指與現時嘅仙氣靚樣截然不同,直指「面目全非」!不過Judy未有介懷,反而大方拍片公開黑歷史照片,直認的確有「整容」般嘅分別。片中佢晒出17歲喺美國讀緊高中嘅相,見當時嘅佢面脹脹、豬膽鼻,而且身形大咗成個碼,第1眼真係認唔出係Judy,不過佢就解釋因為有箍牙修飾面形,加上當時比依家重足足30磅,所以先有咁大分別:「當你瘦30磅嘅時候真係可以達到整容級嘅效果!」
之後,佢再晒出多張讀書時期嘅照片,見佢為迎合外國朋友而特意曬黑,加上打扮、妝容成熟,反而較現時更顯老氣。佢又分享獨門「整容」秘技,指全靠一招變靚:「我個鼻其實我係Keep住不停咁捏,當你由10幾歲開始日日捏自己個鼻,去到20幾歲真係會見到個變化。」