《愛回家》賈名昇船河攬女　13比堅尼女郎施愛的抱抱

處境劇《愛．回家之開心速遞》成功捧紅一班新演員，好似「金城安」周嘉洛成功入屋，獲睇好嘅佢依家仲可以衝出《愛回家》，被欽點加入古裝劇《痞子殿下》，前途無限！不過小鮮肉又點止得佢一個，最近「賈名昇」鄒兆霆都好有睇頭，佢仲參加《明星運動會》拳擊賽，大晒力的表現。周身肌肉嘅鄒兆霆尋日（18日）喺一號風球下都照出海遊船河，仲威威晒出畀13位比堅尼女郎圍實嘅「人生勝行組」靚相，唔怪得佢都要直豎拇指啦！

同班女神鬥性感嘅佢，原來係都係「肥仔潛力股」，早前佢就貼出操肌前嘅凸腩照，個肚似足佗B 5個月咁誇張，本身佢又愛運動，貼地打籃球一啲都冇擺「明星款」，唔怪得網友都話今次佢呢個「賈名昇」終於都可以升呢做真明星。