Promenade 西餐廳

營業中

休息中

同前同事慶祝生日 見呢間餐廳網上有買二送一 折實每個人360蚊左右 見個餐單都有生蠔 蟹腳 帶子 所以就訂左呢間2月16日去食一入都去餐廳都幾闊落 我地被安排坐於近生蠔位置 非常方便我地觀察人龍長度 再決定幾時排隊最好 平日黎講都算好多人 見好多長枱 應該都係家庭聚會較多中菜選擇唔算多 牛坑腩 炒芥蘭 自選配料的粥檔 但自助餐食呢類野太飽肚 所以冇咩點食過中菜中菜區隔離有飲品區 咖啡 茶 水 罐裝飲品 可樂 雪碧 無糖可樂等西餐方面 一邊有燒魷魚 豬頸肉等申燒類 味道不過不失一邊 薄餅 肉丸 意大利燉飯 蒸蛋 太多飽肚野所以都係淺嚐 味道冇深刻印象凍食 長腳蟹都新鮮 少少偏咸 但整體質素好食 生蠔算大隻 同埋人龍唔算好長 成個自助餐食左30隻有多刺身 最失望是沒有帶子 同埋刺身比既分量真係超級超級少 好細片同得一兩片 味道算中下 放題左右質素 顯然不是主打 而且人龍都幾長 所以拎左一次就冇再做甜品 好多選擇 士多啤梨梳乎里 味道唔錯但偏甜 movepick 雪糕 好多新款口味 有藍莓芝士 蛋糕楊枝金露 足料但不明為何有椰果係入面 令糖水更甜 口味亦唔太夾 芒果拿破崙 脆度 甜度都好好

記得幾年前食過，心絲絲會想再回味，終於今次成功回味一翻。好耐無食自助餐了，逢節日氣氛都想食自助餐，於是encore幾年前食過嘅。環境大致一樣，食客亦一樣多。自助餐時間由18:30至22:00，一開始出現排長龍一定係排龍蝦、長腳蟹……等等，所以今次就改變左少少策略，先食咗甜品，再去食龍蝦。榴連巴馬臣芝士脆酥好香榴連味，餅酥脆可口，配合得好夾。榴連果肉撻整塊榴連果肉加上撻皮一齊咬，口感好實在，好正。芒果拿破崙招牌必食，芒果肉甜，拿破崙餅鬆脆，忌廉滑而不膩。生蠔🦪係新鮮嘅，肉質鮮嫩，但比較細隻，龍蝦🦞肉嫩。鵝肝多士都好味。還保持水準，食物種類繁多，特別係蛋糕甜品區。

優惠訂購平台買二送一優惠都會海逸可以話由細食到大當年我都係喺戶外帳幕結婚所以每年都會黎食自助餐慶祝疫情三年冇黎依舊都係多款式係賣點最吸引係午餐有生蠔紅白酒任飲今日生蠔好出色肥美鮮甜姐姐洗得好乾淨冇沙的另外有塊類似「北京烤鴨烤餅」又係好好食生蝦同長腳蟹都新鮮太多熱盤類冇可能試曬有四款榴連甜品最好食係榴連拿破崙非常脆又唔太甜呢個價錢係非常抵的唯一要改善係清潔方面枱上既鉸剪、鹽樽都有污漬

好幾個月冇寫食評📝，趁呢排得閒補返，位於紅磡鐵路站旁嘅都會海逸酒店，相信唔少人試過，步入餐廳，長長嘅buffet枱一望無際😮，你就知幾誇張，沿途擺放着各式各樣食物，種類繁多，牌面絕對比其他酒店優勝🏅冷盤🦞☆☆ 有即開生蠔、長腳蟹、龍蝦、翡翠螺、蝦、青口等。當日生蠔超肥美，厚身兼重蠔味，一月嚟時都冇咁肥，長腳蟹鮮甜，龍蝦一般，眼見隔離枱班後生仔，後勁凌勵，下半場依然一碟又一碟，年青人真係唔同D，自問quota有限，投降👐🏻刺身🍣☆☆ 三文魚、吞拿魚、帶子、赤蝦、劍魚腩、馬刀貝。我主攻帶子、大隻又鮮甜🤤熱盤🍲☆☆ 煎鴨肝、慢煮西冷牛扒、咖喱、燒味、天婦羅、生滾粥、蒸魚、燉湯，唔好問我係咪全部都好食，我答你係都呃你啦……有乜可能全部試晒，不過試咗幾款，真心不錯😋自助水吧☕️☆☆ 供應咖啡、茶、連菊花蜜都有甜品🍰 ☆☆ 各款糖水、蛋糕、雪糕、pancake 等。鍾意飯後甜品嘅你一定喜歡，芒果拿破崙大受歡迎，見侍應refill不停自助餐整體達80分以上🧡🧡🧡，淨係即開生蠔已經值回票價，性價比高👍🏻

幾年次已經開始食呢間自助餐，一向都有讚冇彈，食到年年都會join會籍。尋日食返佢嘅午餐自助餐，真係極之失望✖️✖️✖️✖️✖️✖️✖️✖️✖️✖️✖️✖️✖️✖️✖️1）冇咗雪糕櫃🍦以前haagen dazs 雪糕杯雪條任食，而家得返人手比雪糕球。2）沙律菜少咗一半的選擇。3）熱野生煎包，燒賣餃子，青炒菜心，麵，蝦餃都冇得食。以前有羊架天婦羅串燒，而家得番薯蕃茄，煎雞扒😅，佢最出名嘅雞翼都冇咗🥲4) 叉燒，雞呢啲全部都冇晒，真係發生咩事😅真係一啲都唔值得再去，仲要成$500.一個，$500食呢啲真係超級唔抵食😅極之唔推介

食物應有盡有，👍🏻👍🏻👍🏻👍🏻👍🏻👍🏻👍🏻🥳😋🥳🥳🥳🥳服務可以，可能侍應唔係太夠人，人手缺乏，環境都好好，可以再嚟㗎！應有盡有！疫情後保持食物、環境、服務水平，最好嘅一間👍🏻一家五口一致認為可以再去🥳👍🏻😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋

每一間酒店自助餐都有佢哋嘅特色，其中呢一間🌸Promenade🌸 ，見到好評都唔錯，所以就嚟試吓佢，位於紅磡都會海逸酒店裏面嘅間西餐廳，環境唔錯，好寬敞，餐廳旁邊有一張張落地玻璃，而出邊就係露台花園，自助餐區分兩邊，集於一身，雖然睇落去嘢食嘅種類唔多，但係佢哋大部份嘅食材都新鮮，質量唔錯👍🏻👍🏻🍣刺身刺身方面一定會有三文魚，吞拿魚，𩶘魚，赤蝦，帶子等，仲有新鮮即開嘅生蠔，長腳蟹，龍蝦，螺肉，壽司方面都有各種唔同嘅款式😆😆🥘熟食至於熱食嘅方面，都有來自世界各地嘅美食，中式地道嘅有燒鵝，咕嚕肉等，泰式方面就有冬蔭公炸雞，各類沙律等，唔少得有越南同印度菜，越南蝦片，印度薄餅，咖喱角等😋，西式菜方面就有京燒魚柳，龍脷柳等等，湯嘅會有中西式嘅湯，法式洋蔥湯就係其中一款😍佢哋嘅甜品🍰都非常吸引，有即製嘅疏乎厘，椰汁雪耳燉水晶燕窩，鮮奶燉蛋白等，呢幾款都係必食之一，其次有經典朱古力噴泉，芝麻波，馬卡龍，布朗尼，香芒布甸，紅酒啫喱或者芒果撻等🤤🤤🍹嘢飲方面都係自助形式，有紅茶底，菊花露，仲有咖啡機等，水果方面雖然款式唔多，但係都有新鮮嘅有西瓜，哈密瓜，蜜瓜😋呢度既自助餐雖然款式唔算好多，但由前菜到主菜

紅磡區超爆場Buffet，閒日星期二都可以爆場😱Buffet區分隔清晰，而且相當長生蠔區，每人每次 2 隻，蠔肉細，蠔味零，已被樓面姐姐浸洗到冇晒海水刺身區近門口側，有 6 款：赤蝦、三文魚、吞拿魚、鯛魚、帶子、赤貝。赤蝦大大隻，但要自己開殼，蝦腸未去！三文魚超大厚切帶子原粒執比你其他冇試到，興趣不大冷盤款式一樣多，除咗沙律菜外，有 4 款芝士：Brie、Emmental、Cheddar等煙三文魚唔太鹹👍Parma Ham正常凍海鮮最吸引都係波士頓龍蝦身同鉗，但唔係隻隻都咁多橙色膏。其餘有：翡翠螺、蝦、藍青口、鱈場蟹腳燒牛肉部位有啲似牛柳，亦可能係肉眼芯，肉質嫩、冇筋但有嚼勁煎鵝肝係串燒位置，開始咗Buffet一個多小時，師傅開始煎，熱辣辣好好味，如果有多啲醬汁會更好芒果拿破崙個樣好睇，酥皮已經淋晒漏晒氣總括而言，以7xx價位食係可接受，但唔會有第二次，我覺得正常人好難食得晒所有款式，如果可以縮一縮種類，降一降價會更好順帶一提，侍應生雖然年輕似Parttime，不過收碟速度快，有禮貌而且冇黑面情況

其實都幫襯左幾次，主要係因為性價比高，食物選擇多之餘，檸茶檸水奶茶可以任飲，雖然係平嘢，但係一般酒店自助餐得一杯真係唔夠飲，比晒你飲成本低之餘，仲可以令到顧客滿足，飲飽食醉缺一不可嘛，有嘢食有嘢飲咁先夠回圓滿。網上訂位仲做緊折頭，真係勁抵。今晚係夏天主題，主要係多左大排檔嘢，好似辣酒煮螺，粉絲蒸扇貝，咖哩炒蟹，仲有用椒鹽整麵包蟹，當然仲有主角椒鹽瀨尿蝦，椒鹽瀨尿蝦，椒鹽瀨尿蝦，重要既嘢講三次，當然唔會好似鯉魚門咁成隻手臂咁大隻，但係都叫有誠意，任食瀨尿蝦喎，仲想點，亦都相當入味，廚師下下一拎出黎基本上係秒殺，真係要眼明手快，不過亦都refill得好快。另外基本嘢都係水準，長腳蟹腳又粗又甜，一定算多肉，仲有生蠔，片皮鴨，鴨肝多士，刺身亦唔孤寒，總共有七、八款，師傅係可以每款比兩三塊你，擺滿隻碟仔，唔似得有d酒店自助餐每次限拎幾多款咁。甜品除左一般有既雪糕，蛋糕，生果，朱古力噴泉等寺，仲有火燄蛋糕，雪糕蛋糕加酒精香味都幾特別，仲有即整梳乎厘，燕窩等等。最後要讚下黎經理，服務好態度好，亦樂意接聽取意見，總之係好滿足既一晚。

短期內再訪嘅抵食自助餐平日自助餐午餐真係幾抵食，有蟹腳又有生蠔，又有榴槤甜品，魚生等等，啲榴槤甜品幾好食，生蠔就要睇吓嗰日多唔多排隊，有時太多人我就放棄佢，蟹腳都會keep住添唔驚食唔飽，甜品嘅種類都好多又有Haagen雪糕真係唔錯!

紅磡呢間自助餐真係幫襯咗好多次，因為性價比真係好高，通常買佢平日有折嘅自助餐，都只係三百幾蚊一個人有蟹腳又有生蠔食，不過佢嘅生蠔每次都要排隊，每次攞兩隻佢嘅魚生都幾新鮮另外仲有榴槤甜品質素好高，所以覺得好抵食食咗好多次！#buffet #food #yummyfood #yummy #lunch

主打海鮮及榴槤和熱情果，食物款式多達𝟰𝟬款!⃞ 重點是價格不貴，有即開生蠔、蟹腳等都是每位$𝟻𝚡𝚡 !̲!̲!̲環境之前來過都是來喝喜宴🤣 沒有來過這邊吃自助餐，想不到地方很大！先帶大家看一次有甚麼吃！ 「仲夏海鮮夜市集」自助晚餐 優惠價$𝟻𝟽𝟶起 供應時段：每天𝟼:𝟹𝟶-𝟷𝟶:𝟶𝟶𝚙.𝚖.平日原價要$738一位！我在官方的𝚎𝚂𝚑𝚘𝚙 買享高達 𝟼 折優惠，便宜很多呢！主打避風塘海鮮系列，包括：避風塘炒辣麵包蟹、辣酒煮東風螺、椒鹽瀨尿蝦、黃金蝦、金銀蒜蒸扇貝等，還額外每位惠顧贈送鮑魚花膠螺頭佛跳牆乙份～～ 避風塘系列很香口，麵包蟹蟹肉不乏，配搭避風塘炒料很惹味；我平常少吃東風螺，這裏的東風螺也能吸引我，乾淨有嚼勁；扇貝也不錯，蒜香味足。冷盤必有的自助沙律吧、刺身(三文魚、北海道、帶子、赤貝肉、阿根廷赤蝦、劍魚腩及吞拿魚)、芝士盤。當然不少得即開生蠔、凍熟蝦、紐西蘭青口、熟龍蝦鉗、翡翠螺、雪花蟹腳及波士頓龍蝦。熱葷有香煎鴨肝配洛神花蜂蜜、燴加州提子牛肋肉、草莓醬汁烤豬排骨、香橙孜然香草燒春雞、北京片皮鴨 (只限於星期五至日及公眾假期供應)、慢煮西冷牛扒、即煮粥檔配自選配料等。酒店生意十分好，