大台劇《飛虎之潛行極戰》正式在黃金時段開播，劇中有不少亮點，包括有吳卓曦及黃宗澤這對舊拍檔相隔多年再合體，以及有苗橋偉、吳岱融、張兆輝等老戲骨演技大爆發，還有就是有一大班爆肌大隻仔飾演熱血到爆的飛虎隊，簡直集集都有eye candy！
登入 瀏覽本網站，可獲取積分換領專屬優惠
點擊查看專屬優惠
1.梁裕恆（Flow）
故事有不少飛虎隊的操練、行動的鏡頭，導演亦不吝嗇發放福利，有一幕成班飛虎大隻猛男在更衣室裡半裸入浴，影到一位型男拎住花灑沖身，胸肌、腹肌、人魚線樣樣齊，周身肌肉，震撼眼球！他就是2016年參加港男比賽的梁裕恆（Flow）。
Flow曾經係消防員，為參選港男而辭去消防員工作，雖然最後大熱倒灶，但簽約無綫，算係可以keep住有機會。Flow對保持身形，可謂不遺餘力，日日做gym做運動行山，絕不怠惰，更會在Instagram晒肌益粉絲！Flow有健身教練資格，早前亦參加了健美比賽更奪得冠軍，超厲害！
2.伍禮騫(Thomas)
在《飛虎之潛行極戰》飾演飛虎隊員「蛇王」的伍禮騫，又係勁大隻，2016年參加香港先生選舉進入最後十強，雖然三甲不入，但在表演環節跳鋼管舞，足已令人留下深刻印象！Thomas跳起鋼管舞，做出Flat Pose，真係爆哂肌！
Thomas在加入TVB前其實已經是特約演員和模特兒，這次參演飛虎，大大增加曝光率。
3.趙勁皓（King）
《飛虎之潛行極戰》裡面，仲有較熟面口的趙勁皓（King）。2012年A-F在香港開設分店時，出動一眾大隻型男做宣傳，而King就獲選成為香港代表，並順勢進軍娛樂圈。King擁有一身結實肌肉，又靚靚仔仔，獲不少品牌垂青，2013年更推出爆肌寫真集，並涉足電影圈。
King很喜歡運動及健身，自己本身都係私人健身教練，前幾年開設了King's Fitness，除了教減肥、修身及增肌外，更提供伸展、飲食餐單和運動創傷等不同種類的課程，就連陳柏宇、吳浩康、洪卓立等歌星名人都是他的學生。他更參加過不少健美先生比賽，穩佔頭幾名。
King與老婆盧頌之（Dada Lo）2017年結婚，並於同年誕下愛情結晶，King話家人係佢努力工作的原動力。
4.郭子豪（Arnold)
26歲的型男郭子豪（Arnold），近期很紅，去年在劇集《親親我好媽》被網民追捧，到《三個女人一個「因」》戲分急增，與黃智雯有牀戲，唔少得當然仲有不少爆肌鏡頭，手瓜起哂腱，好身段表露無遺。
高學歷的郭子豪畢業於倫敦大學帝國學院機械工程系，工程師高薪厚職，但他個性坐唔定，所以決意當藝人並放棄高薪厚職。
郭子豪將健身變成事業咁濟，更由今年初開始增磅，體重由170幾磅，增磅到210幾磅，甚至希望可以去到250磅，咁搏命增重和操肌，因為參加了8月的健美比賽，他更向阿King偷師，教他擺pose和上油，為比賽做足準備。