【主動調查】大家知唔知,路邊嘅殘疾人士專用泊車位🅿️咩人可以用?

除咗行動不便嘅殘疾人士可以用之外,今年年頭開始,接載佢哋嘅司機都可以用喇。對啲唔識揸車嘅殘疾人士係方便咗嘅,不過泊呢啲專用泊車位,係要事先申請證明嘅。

新措施本意係好,但有人向公署投訴,點解呢?因為多咗人爭?

⋯⋯

申訴專員決定主動調查🔍,研究吓運輸署簽發證明🖊️嘅情況,同時睇吓專用泊車位嘅供應、使用條件同監察工作又有無需要改善嘅地方📝

如果你有咩意見 ,歡迎喺10月23日之前寫電郵📧俾我哋:complaints@ombudsman.hk

#路旁殘疾人士專用泊車位 #殘疾駕駛者 #運輸署 #藍證 #灰證 #濫泊 #一位難求 #主動調查 #申訴專員公署 #OmbudsmanHK #directinvestigation

查看更多
可能是道路和文字的圖像

【一年容易又中秋🎑

大家仲記唔記得上年點過中秋節?今年雖然疫情都仲未退晒,但相信節日氣氛濃好多🏮

申訴專員公署祝各位中秋節快樂🌕,希望大家可以好好享受同家人好友共聚團圓,一齊開開心心食月餅🥮、賞月慶祝佳節🐇

⋯⋯ 查看更多
可能是文字的圖像

【申訴專員嘉許獎2021】

話咁快又一年,我哋嘅年度大事「申訴專員嘉許獎」頒獎典禮🏆今年將會係11月4日舉行。而我哋嘅前期工作都已經進行得如火如荼🔥,特別係拍攝🎥得獎者嘅獲獎心得同分享。想知邊個政府部門獲得公營機構獎,又有邊啲公職人員獲個人獎,就要密切留意住喇👀

#申訴專員公署 #申訴專員嘉許獎 #年度盛事 #Ombudsman #OmbudsmansAwards #workinprogress #前期工作準備中 #密切期待

可能是顯示的文字是「 2021 THE OMBUDSMAN'S PRESENTATION CEREMONY OF AWARDS 申訴專員嘉許獎頒獎典禮 NOV:: : work workin in iprogress 製作進行中」的圖像

【全面調查報告】喂吖 明明話咗1年4次,點解會變咗5年3次架⁉️

話說公署收到投訴💬,指民政局喺《社區發展政策聲明》承諾與非政府機構每季🗓️召開一次「社區發展論壇」🗣️,但過去5年只開過3次論壇,民政局話佢哋有好多渠道收集意見✍️,因此佢哋會按需要開論壇,而且大家都明架,唔使改《聲明》📃 喎。

公署調查🔎之後,認為民政局係一廂情願。每季召開論壇係民政局同業界共識,如果局方認為冇需要每季召開論壇,應該透過修訂《政策聲明》或在《聲明》📃 內加以補充說明。

⋯⋯

公署認為投訴成立✔️,民政局原則上都接納咗公署嘅建議。

▶️調查報告詳情,可以上我哋嘅網頁了解 (https://ofomb.ombudsman.hk/abc/zh-hk/investigation_reports)。

#申訴專員公署 #申訴專員 #ombudsman #民政事務局 #HAB #社區發展論壇 #communitydevelopment #調查報告 #政策聲明 #投訴

查看更多
可能是顯示的文字是「 FORUM 」的圖像

【主動調查】大家屋企附近有冇阻街嘅問題呀即係左邊間鋪放晒D貨出黎,右邊又有紙皮雜物咁呢,攪到條行人路窄窄,甚至要行出馬路,好危險❗️有嘅PO張相出嚟睇吓❗️

阻街嘅問題真係幾頭痛,好多時都牽涉幾個部門,有啲情況唔知係咪權責不清或者協調不足,於是問題都係遲遲解決唔到。

今次公署決定展開主動調查🔍,研究下政府嘅規管工作,睇吓相關部門嘅執法同清理行動,以及跨部門嘅協調機制。

⋯⋯

如果你有咩意見📝,歡迎你喺9️⃣3️⃣0️⃣日之前寫電郵俾我哋:complaints@ombudsman.hk

#阻街 #主動調查 #申訴專員公署 #申訴專員 #ombudsman #民政事務總署 #食環署 #地政總署 #環保署 #路政署 #效率促進辦公室

查看更多
可能是戶外的圖像

【《公開資料守則》個案】 🤔究竟睇一份報告嘅公信力同認受性,係睇內容,定係睇背後個小組成員嘅名單呢

最好梗係兩樣都睇喇

商經局上年成立嘅檢討港台管治及管理專責小組發表咗一份報告📋。之後公署收到投訴💬,話商經局唔肯公開小組成員名單,係違反《公開資料守則》。

⋯⋯

公署調查🔎之後,認為理想做法係提供公職人員嘅姓名同職銜;而且公務員亦唔應該期望因為怕被『起底』而推JOB。不過喺呢件事上,公署認為商經局已經公開咗小組所有成員嘅職系同主要成員嘅名👥,再公開其他支援成員嘅姓名去加強報告嘅公信力同認受性,又真係冇必要嘅🤔而且向公眾交代報告結果嘅,係商經局,而唔係專責小組。

所以公署認為局方未有違反《守則》要求,投訴係唔成立✖️

▶️調查報告詳情,可以上我哋嘅網頁了解 (https://ofomb.ombudsman.hk/abc/zh-hk/code_informations/index)。

#公開資料守則 #調查報告 #商經局 #香港電台 #港台管治及管理專責小組 #起底 #申訴專員公署 #ombudsman

查看更多
未提供相片說明。

【申訴知多啲👀🧐考下大家,公署係咪可以查所有政府部門嘅行政失當🤔

答案係:

👉公署可以查《申訴專員條例》附表1第1部入面所列嘅政府部門(同27個公營機構)既行政失當,但政府部門就唔包公務員敍用委員會秘書處、香港輔助警察隊、香港警務處及廉政公署。

⋯⋯

👉不過,如果你想投訴嘅事係同《公開資料守則》有關,咁就所有政府部門都係喺公署嘅職權範圍之內。

如果想了解多啲,可以去呢度睇睇👇
第397章 《申訴專員條例》
https://www.elegislation.gov.hk/…/cap397!zh-Hant-HK@2021-04…

#申訴知多啲 #職能及權力 #正面看投訴 #共建好制度 #行政失當 #公共行政 #調查 #全面調查 #主動調查 #投訴 #調解 #公開資料 #申訴專員公署 #申訴專員 #ombudsman

查看更多
未提供相片說明。
未提供相片說明。
未提供相片說明。
未提供相片說明。

【主動調查】🤔大家知唔知道對上一次檢視太平紳士制度係幾時呢

1️⃣9️⃣9️⃣9️⃣‼️

任何制度或措施運作咁多年後,👀檢視吓都好正常。太平紳士巡視計劃亦唔例外,所以公署展開🔎有關「太平紳士巡視計劃下法定巡視的運作安排」嘅主動調查。

⋯⋯

公署做調查,從來都無預設立場,亦冇針對個別政府部門/機構,焦點係👀睇吓計劃下法定巡視的運作和安排係咪可以再改善👍,同埋消除外間嘅誤解同質疑,與時並進‼️

▶️如果想了解多啲,可以去呢度
https://ofomb.ombudsman.hk/…/zh-HK/press_releases/detail/288

#太平紳士 #太平紳士巡視計劃 #太平紳士條例 #主動調查 #申訴專員公署 #申訴專員 #ombudsman

查看更多
可能是摩天大樓的圖像

🥇家朗話你知】上星期公署出咗個食環署執行🦟防蚊同滅蚊工作成效嘅調查報告📄,其實我哋自己都要做足保護措施👍,睇下🥇奧運金牌得主張家朗點講啦😍😍😍

▶️想睇返報告詳情,可以去
https://ofomb.ombudsman.hk/…/files/DI441_Report_Full_set_TC…

⋯⋯ 查看更多

【主動調查報告】唔講唔知,原來香港地平日唔用廣東話或者英文溝通嘅人增加咗超多😮,喺2006到2016間增加咗八成!

咁佢哋點樣可以使用公共服務呢

當然係靠傳譯啦🗣咁呢啲官方傳譯嘅服務係點夠唔夠質素又好唔好呢原來各個部門都有少少𢱑頭🤯🤯🤯

⋯⋯

公署於是就政府外聘傳譯服務做咗個主動調查🔎,今日就公布咗個調查報告📋,向政制局提出咗合共5️⃣項建議,包括: 統籌協調同建立外聘外語傳譯員嘅中央資料庫; 制定便利甄選外聘傳譯員及採購程序嘅措施; 探討外聘傳譯員有冇違反保密要求或專業操守協議嘅情況,作出適當嘅跟進; 提醒政府探討以遙距形式提供傳譯服務嘅可行性; 收集使用者對其他中國方言傳譯服務嘅需求。

調查報告詳情,可以上我哋嘅網頁💻了解(https://ofomb.ombudsman.hk/abc/zh-hk/direct_investigations)。

#政制及內地事務局 #民政事務總署 #司法機構政務處
#傳譯 #主動調查 #結果 #建議 #申訴專員公署 #申訴專員 #ombudsman

查看更多
可能是文字的圖像

【主動調查報告】🦟你有冇試過一出街就俾蚊咬有冇試過比啲蚊搞到成晚無覺好瞓😡又有冇試過連塊電蚊拍都拍爛埋唔係講笑😫,我真係試過😫

公署就食環署執行🦟防蚊同滅蚊工作嘅成效做咗個主動調查🔎,今日就公布個調查報告,指出食環署喺管理登革熱病媒監察計劃、執行防治蚊患工作、運用蚊患投訴數據,同埋監管防治蟲鼠隊呢幾方面都有不足之處🤔🤔🤔

公署就向食環署提出咗合共8️⃣項建議,當中包括:適當整合每月發布嘅數據、善用數據以更精準地反映本港蚊患實況、盡早為「密度指數」制訂唔同級別同分級說明、妥善備存防治工作記錄、整理同分析蚊患投訴詳情,同埋全面審視同檢討用嚟監管防治蟲鼠隊嘅兩份工作守則內容,以提升監察效能等等。

⋯⋯ 查看更多
未提供相片說明。

【主動調查】🤫「太平紳士」你就聽得多啦! 咁「太平紳士巡視計劃」你又知唔知係咩嚟先🧐🧐

☝️「太平紳士巡視計劃」其實即係講緊太平紳士會根據法例嘅規定去指定3️⃣8️⃣間院所進行法定巡視🕵️‍♀️,而羈留、扣留同住院嘅人士可以➡️向太平紳士反映意見同提出投訴,而太平紳士亦可以提出意見同建議,幫助改善院所嘅設施同服務嘅管理。

申訴專員今日宣佈主動調查🔍太平紳士法定巡視嘅運作同安排,包括相關部門喺太平紳士巡視前同期間提供嘅支援,以及巡視後嘅跟進工作,睇下有無可以改善嘅地方💪

⋯⋯

如果你有咩意見💬,歡迎你喺8️月15日之前寫電郵📧俾我哋:complaints@ombudsman.hk

#太平紳士 #太平紳士巡視計劃 #太平紳士條例 #主動調查 #申訴專員公署 #申訴專員 #ombudsman

查看更多
可能是文字的圖像

【主動調查】🌈放假諗住去離島relax下,但搭船嗰陣有冇留意下船上有冇水泡同救生衣😟🚤 船細細隻係唔係可以載到咁多人其實有冇牌嘅呢

😬乘客嘅安全真係不容忽視‼️申訴專員今日就宣佈主動調查🔎海事處同運輸署就🚤船隻違規經營街渡服務嘅規管制度同工作係咪足夠同有效。

如果你有咩意見,歡迎你喺8月15日之前寫電郵📧俾我哋:complaints@ombudsman.hk

⋯⋯ 查看更多
可能是一人或多人和水體的圖像

📖年報】香港申訴專員2020/21年報今日出街喇👏👏👏

🔎今年嘅投訴數字破晒紀錄‼️

▶️想知多啲,可以睇份新聞稿 ⋯⋯
https://ofomb.ombudsman.hk/…/zh-hk/press_releases/detail/280

查看更多

【主動調查】考下你:圖中邊間🏘村屋最高起咗幾多層

你冇理由唔知我講緊僭建嘅👀我哋都明新界村屋僭建嘅問題係好嚴重,我哋都明屋宇署2️⃣0️⃣1️⃣2️⃣年開始以「分類規管、按序處理」嘅執法政策處理🏘僭建問題係有佢理由嘅,之但係到依家所謂優先取締嘅新起或者起緊嘅🏗,甚或違例情況好嚴重嘅僭建物仲周圍都係😧,咁即係點呢

申訴專員今日宣佈展開主動調查🔎,審研屋宇署同地政總署對新界村屋僭建物🏘嘅執管措施同效能,睇下有無可以改善嘅地方。

⋯⋯

如果你有咩意見,歡迎你喺7月29日之前寫電郵📧俾我哋:complaints@ombudsman.hk

#村屋 #村屋僭建 #僭建物 #違規僭建物 #違例建築 #屋宇署 #地政總署 #主動調查 #申訴專員公署 #申訴專員 #ombudsman

查看更多
可能是天空的圖像

【主動調查】大家認為👵🧓長者幾多歲開始唔適合揸車70歲80歲

的確,人嘅視力👀、體能💪、反應能力,甚至係認知能力,都會隨住年齡增長而減弱,影響到駕駛能力🚗;但年齡又唔一定反映一個人嘅體格噃🤔

現時運輸署要求7️⃣0️⃣歲或以上嘅駕駛者要提交醫生簽署嘅「體格檢驗證明書」,先可以申請到🚗駕駛執照,但係呢份證明書只包括體格檢查範圍,無任何指明嘅檢驗項目。你覺得有冇問題呢

⋯⋯

申訴專員今日就宣佈展開主動調查🔎,審研運輸署對駕駛執照申請人/持有人體格證明嘅要求係咪適切。

如果你有咩意見,歡迎你喺7月29日之前寫電郵📧俾我哋:complaints@ombudsman.hk

#運輸署 #駕駛執照 #駕駛人士 #體檢 #體格證明 #主動調查 #申訴專員公署 #申訴專員 #ombudsman

查看更多

【主動調查】亂拋垃圾都罰💸$1,500啦,反而棄置車輛好似咩事都冇

你又知唔知原來由2️⃣0️⃣0️⃣7️⃣年到宜家都未有成功檢控棄置車輛嘅案例呢

全港多區都有出現棄置車輛嘅問題,呢個情況仲要多年嚟都冇改善😡😡😡 究竟問題出現喺邊到 係唔負責任嘅車主多咗 定係有關部門採取嘅措施唔見效

⋯⋯

申訴專員今日就宣布展開主動調查🔎,審研運輸署同地政總署對棄置車輛呢個問題所採取嘅措施有冇成效🧐,同埋提出一下改善建議。

如果你有咩意見,歡迎你喺7月22日之前寫電郵📨俾我哋:complaints@ombudsman.hk

#棄置車輛 #私家車 #電單車 #佔用政府土地 #運輸署 #地政總署 #主動調查 #申訴專員公署 #申訴專員 #ombudsman

查看更多
可能是道路的圖像