百樂門宴會廳

營業中

休息中

今日一家大細嚟飲下午茶，真係冇諗到現在香港的酒樓服務會是這樣，食物質素差，款式唔多，侍應態度非常惡劣，未到4:00走來恐嚇我要埋單唔係收正價，不知所謂，最離奇係我入嚟嘅時候亦都冇人同我講過四點前一定要埋單結帳走人，咁點解你四點未到又冇人走嚟主動同我埋單，一走來就恐嚇我叫我自己出去埋單呢？真係莫名其妙，價錢亦都唔見得有什麼便宜，服務係0，但仲要比+1，冇下次，有時真係唔怪得人唔留港消費，不講價錢，淨係服務質素已經冇得比，好似俾錢食飯仲要受佢哋氣，份工唔想做嘅，好心就唔好做啦做到咁樣。

今日去咗百樂門，食咗一餐正！先講下嗰個菠蘿叉燒包，外皮鬆化得嚟又有咬口，叉燒夠味，簡直係一啖口幸福嘜！鳳爪軟糯，入口即化，帶點微辣，放入口一啖酥皮鬆脆嘅蛋撻，窩心又滿足。個燒賣呢，“彈牙”嘅口感同鮮甜嘅味道真係得嚟又唔膩口。牛肉球外表焗得金黃，一啖落去嗰種彈性十足，滿滿嘅肉汁真係正！而家講吓郁手郁腳都忍唔住要讚下嘅皮蛋瘦肉粥，味道滑潤得嚟又夠香，有種溫暖你胃嘅感覺，一啖一啖都令人覺得滿足呀！至於鳳爪排骨飯就係咁多粒排骨埋晒喺飯面上，俾人一種小有成就感。食咗呢餐，真係覺得好抵食！每款都係精心製作，份量又足，食到心都暖笠笠。明明只係簡單嘅一餐，但呢度嘅每樣點心都足以令我記住，真係幾好食，滿足到我嘅美食靈魂！🍲🍢🍡

嚟到九龍灣MegaBox行街，到咗中午1:30左右開始覺得肚餓，於是就上咗10樓開始搵嘢食，行吓行吓發現13樓煌府同14樓百樂金宴都有兩點下午茶優惠，下午兩點後入座埋單時會有半價優惠，開頭開頭見到王府個裝修比較光猛，先揀煌府食下午茶，但因為有晚宴包場關係，所以冇得係煌府食下午茶，於是就去咗百樂金宴。攞咗位之後，好快就有得入座，同埋依家係用數碼點，所以我哋一點完餐之後好快就有得食，食物質素都OK，叫咗點心加粉面夾埋六樣，埋單都係$230左右，人均$77 ，係MegaBox餐廳嚟講都非常超值。大大碗燒鵝瀨粉燒鵝味濃肉質鮮嫩潮式糯米卷好耐未試過喺酒樓食糯米卷，一食落口有返細個食糯米卷嘅味道南翔小籠包小籠包就較為失色，可能因為之前去完上海食小籠包嘅關係，小籠包冇乜湯汁，個味道完全係比下去鮑汁菜苗炆伊麵下午茶價錢非常優惠，又夠大碟，味道不過不失紅燒皇子鴿下午茶時段，乳鴿香脆可口，但每枱只可嗌一隻小心食流沙包要小心熱辣辣嘅流沙包，一咬落去啲汁係會標晒出嚟

中秋節晚飯叫12人套餐，難食到不得了，所以相都唔影。大碟的，有不新鮮的龍蝦伊麵(一食就知係死蝦), 有靭到趙唔到的柴皮义燒拼盤，有聲稱的荷葉飯(炒好的飯放在一塊荷葉上，不是先用荷葉包好飯，上菜先打開), 也沒有荷葉香味，普通炒飯一個。紅豆沙好ok，但入面的湯丸是“叔”的😡.最嬲最嬲係一次過上菜，6時20分下單, 6時45分已上左六大碟菜，跟本食唔切，張枱亦擺唔到菜但都繼續出菜，同所謂的經理講，問佢點食得切，叫佢遲啲起菜得唔得，佢話唔得，廚房係咁出，我地問佢咁點擺到,佢就話先放係後面枱仔，咁點樣同時食到餸菜呢？過左一陣，未上魚，雞就上壽飽，之後再揾另一位經理講才可以停止經上菜。百樂門實在無心做好，保証以後不會再幫襯。

又幾開心喎😆😆原來星期日下午茶場有半價💞第一次兩公婆帶住兩個女去飲茶去到百樂門門口已經有人排緊隊等拎下午茶飛🫖一夠兩點開始叫人入咗茶樓地方都好闊落坐得好舒服之後就用Apps自己鍾意食我哋帶咗好多款唔同嘢食有燒賣，牛肉球，皮蛋瘦肉粥，鳳爪，鳳爪排骨飯，菠蘿叉燒包，叉燒包，燒鴨瀨粉，蛋撻仔等等呢個菠蘿包叉燒包都幾特別兩個大人兩個小朋友食咗勁多嘢！都係二百幾數埋單🤭👍🏻佢哋亦都有足夠嘅BB櫈所以今次食得好舒服， 兩個女自己亦都坐定定咁食嘢👍🏻既然咁抵個星期可以再去食啦😆

我們真的很喜歡飲茶，這裏是用QR code落單的，我們今日點了蟹籽燒賣，山竹牛肉，蜜汁叉燒包，紅燒乳鴿，鮮蝦腸粉，香芋西米露.。乳鴿很嫩滑，味道剛好，不會太鹹。點心係即叫即蒸，上枱仲係熱辣辣，燒賣肉質結實，冇乜肥肉，腸粉係原隻蝦，皮夠薄蝦爽。可惜芋頭西米露冇乜芋頭，得三小粒，實在太少，今日係下午茶，點心半價，坐得也很舒服，超值。

六點鐘前入去. 有個黑衣的代應非常惡, 話末夠鐘. 跟住我問只有10 分鐘, 跟住佢又好唔好脾氣咁話唔可以入嚟, 跟住我問可以點, 佢又好唔好脾氣咁話出去等呀。最後也不敢幫襯

十三點，在MegaBox泊車，停到15樓，很正常。因為帶著BB，不能扶手梯往下走，乖乖等升降機。落一層就是百樂門，跟美女說四大一BB，在這高峰時段，竟然有位！我們給安排了一張中型的桌子，很舒服，把嬰兒椅佈置好，把嬰兒車收好，就看看有什麼好吃的。桌面除了點心卡外，就沒有任何菜單！酒樓裡有個機械人在穿梭，工作人員沒幾個！正在納悶，怎樣才能有東西吃，發現了桌子上有個QR Code，乖乖拿出手機來，看看是否手機落單。手機上不是所有項目都有的，例如腸粉，怎麼按，都不顯示！可能是要求有駐場師傅吧！點心蝦餃、燒賣只有三粒，個兒較大。食物整體不錯，覺得鹽巴多了DD。點心定價較高，不過埋單後，發現正價點心八折。也不計較了。這酒樓，捱得過疫情，已經不容易。精簡人手、開源節流。那個巡邏機械人是為客人提供額外餐具筷子🥢、辣醬等佐料。埋單是拿著桌面上的點心卡出去櫃面結帳。步出酒樓，門外竟然有人排隊等入座！下午茶優惠時段吧！

簡左幾間酒樓，決定係依到食春茗飯😆價錢唔係最平，但最岩食同食埋環境，可以接受😂🤣加上我之前已經係到食過飯，都覺得質素幾好，就簡番佢😆。不過，不足既就係佢哋冇房，只用圍板圍住，所以我覺得4-6人食飯會比較適合，其他都冇問題。12位＄3,888脆皮乳豬拼盤冇影到😂正常味道翠芹蚌片蝦球西芹唔會太重草青味，西芹同蚌片都夠爽脆，蝦球彈牙有蝦味👍🏻 每粒size都唔會太細。發財好市大利味道夠濃，髮菜好索汁，蠔豉夠鹹香，份量都好多👍🏻金沙海皇卷炸得夠香口香脆👍🏻紅燒雞絲生翅足料👍🏻唔會只得水，配醋正翡翠金錢玉掌生菜底，玉掌皮滑，菇食落爆汁，好入味清蒸原條金花尾新鮮有魚味，魚唔多骨又夠嫩滑🥰一品脆皮燒雞外皮夠香脆，燒雞肉質唔乾柴，啖啖肉😆錦繮炒飯炒到粒粒分明夠乾身夠味😁鮮菇炆伊麵味道正正常常，炆伊麵唔會太濕/太乾，保持微微口感，唔會太腍鴻運團圓係紅豆沙湯圓，味道夠香甜香濃👍🏻精美凍糕係桂花糕，清香桂花味👍🏻

每樣食物賣相唔錯，但就偏咸，有待改善🌟蝦球炒西蘭花🌟蝦球夠晒大隻，啖啖肉，夠滿足，但偏咸🤪🌟翅🌟都係一樣偏咸🤣🤣🤣🤣🌟龍蝦伊麵🌟龍蝦都多肉，個汁其實唔差，但都係偏咸🤣

前一日早上打電話預約訂座翌晚食飯，當晚去到門口職員先講話當晚一早包場有婚宴唔接其他訂座，如果係咁大單婚宴一早被包場，接電話既人係發緊夢？ 仲接訂座？ 當時職員仲推卸話有接電話會寫低，但簿仔無寫低有訂座，唔通我特登黎到屈你地啊？ 再講多兩講，職員再求其推卸責任話應該替工唔知道接左你電話…咁大個集團做野可以咁求其，不知所謂既安排！

九龍灣黎講算係最正，冇伏，蝦餃大粒，燒賣冇肥肉，包點亦都中規中矩，好食過x香好多甜品黎講都多選擇，中西式都有，唔算太甜，夏日炎炎最愛食芒果甜品，芒果都幾新鮮夠熟唔酸

今天輕鬆一下，和同事去飲茶。這間酒樓很大，坐得舒服，裝修很靚，枱與枱之間有一定空間，可以增加社交距離。我們叫了兩個孖寶，再加兩碗湯粉，十分滿足，飽晒！羅漢上素粉果皮薄餡料多，十分好吃。燒腩卷大大的，現在很少酒樓有這個點心，今天邪惡一下，味道不錯。鮮蝦餃是我最喜歡的，這間酒樓的鮮蝦餃皮薄餡多，蝦大大隻，而且是孖寶配以茄子也只是$38。茄子雖然是孖寶但竟然有四個。茄子煎🉐️很香，魚肉大大嚿，沒有太多油。燒鵝瀨$26，算是抵食，鵝燒得很惹味香口，切雞瀨粉也不差，無雪雞味。

平時都有去呢度飲開茶有次見到門口poster係星期六點心半價即刻搵個星期六同屋企人來試/星期六去到都唔使點等位基本上點心紙上嘅點心都有半價優惠樓底高嘅酒樓，空間感唔錯唔會太嘈，唔會太壓迫/—雪山叉燒包—每次都會必食外脆內軟，一試難忘/其他點心都係正常偏好食唔會太咸，上枱仲係熱辣辣👍🏻

難得嘅假期就同屋企人出咗去飲茶，好彩呢度嘅防疫措施都好似做得唔錯，感覺會安心啲因為佢嘅枱都瞓得幾開同埋側邊會有張細枱係擺消毒用品感覺會好啲嘅～☀️蝦餃蝦餃雖然得兩粒，但係又真係幾好味，佢嘅蝦餃好大舊入邊啲蝦肉好大份，味道都好Juicy，所以都真係幾好味。而且佢嘅蝦餃皮同平時見到嘅唔一樣佢有兩條有顏色嘅，雖然都唔係好食得出係咩味但係咁比起其他就會特別少少啦😂🌙蒸蘿蔔糕蒸蘿蔔糕係一個好普通嘅嘢，但係個人嚟講都好鍾意食蒸蘿蔔糕多個食煎嘅，而且都好鍾意佢嘅蘿蔔糕入邊係有一絲絲嘅蘿蔔咁樣會比較有咬口所以個人比較鍾意😜🌟咖喱牛腩根飯呢個味道都唔錯，但係呢個會有少少辣不過都係可以接受到嘅～因為咁樣先會比較滋味！啲牛腩嘅數量都正常，所以整體黎講都OK嘅～