帝豪海鮮酒家 (已結業)

今次到帝豪海鮮酒家飲茶，位於將軍澳培成里10號明德邨明德商場1樓103-104號舖。 第一次到這裏， 下午茶點心都幾抵食😁，燒腩仔河粉$21.8、蹄香干蒸牛肉$19.8、滑雞絲粉卷$19.8、鵪鶉蛋燒賣$22.8、鮮蝦菜苗餃$22.8、 粟米煎花枝餅$22.8、金絲脆麻花$13.8。 〰️燒腩仔河粉 ～ 燒腩仔卜卜脆，但河粉就唔夠滑。 〰️蹄香干蒸牛肉 ～ 干蒸牛肉的肉質紮實，爽口彈牙。 〰️鵪鶉蛋燒賣 ～ 每次見到有鵪鶉蛋燒賣都必點， 燒賣啖啖肉香味。〰️滑雞絲粉卷 ～ 粉卷皮香滑又薄， 餡料鮮嫩美味。 〰️鮮蝦菜苗餃 ～ 鮮蝦和菜苗兩者味道好夾， 清爽好味。 〰️粟米煎花枝餅 ～ 香脆可口，配上喼汁幾好味。 〰️金絲脆麻花 ～ 鬆化的脆麻花配上蜜糖，美味！ 價錢大眾化， 點心質素不錯， 值得一試。

家住坑口，街坊推介，本來甚少去明德，今日特登試外賣，抵食外賣九折，點心大大件，味道正宗，確實滿意，可能是其他附近做得太差。有我最鍾意的炸芋角。現在很少酒樓肯做，個個也是中央廚房，番蒸點心

疫情下巳很少多過4人一同晚餐了！那日用openrice 訂枱慶祝小姨甥DSE考得好成績🎉晚上一行7人，分開了2張枱一同品嚐了女侍應極力推薦6人餐$698，因太開心忘記拍照！套餐內有: 花膠濃雞湯、欖菜骨、上湯蝦仁伊麵、西芹炒蝦仁北寄貝、半隻燒鵝、清蒸龍仔一條，椒鹽鮑魚6隻、蕃茄浸時菜，水晶飽，紅豆沙。值得一讚是燒鹅皮燒得很脆還暖暖，欖菜骨很香口，湯及鮑魚也很好味，紅豆沙也有陳皮味整體食物及服務很不錯👍

今日突然間呢就想食點心咁就諗住近近地搵間酒樓啦打電話去落外賣都非常順利嘅啲外賣攞到返屋企就見到過蝦餃同張紙全部黐埋晒好似痴左張紙巾喺上面咁都費事麻煩食咗個餡就算之後呢一開盒奶皇包就見到個奶皇包上面加咗料咁就冇得唔打電話去啦打電話去都話好好嘅整返個奶皇包同蝦餃俾我叫我過去攞點知去到嘅時候佢淨係整咗盒奶黃包俾我喎根本就冇打算處理蝦餃件事之後我就叫佢開返我退比佢嗰盒野睇吓之後佢先話整返個蝦餃俾我經過哩件事之後我真係覺得俾錢買難受今次係最後一次幫襯！好講返點心質素先點心仲規中舉冇話特別好食都冇話特別難食個人覺得性價比唔算特別高。

限聚令下，逢週末、週日四圍搵食艱難，唯有到朋友屋邨內的酒家開餐。原來，酒樓最近剛剛裝修過，地方整潔，光線充足，每張枱有屏風相隔，枱與枱之間亦有足夠距離，令人坐得舒服，又食得安心...海斑兩味，頗貨真價實，炒斑片，用蜜豆伴碟，份量大，斑片味道佳，無腥味，肉質夠結實彈牙...炆斑頭腩，用煲仔上，熱辣辣的，炸將薄，骨腩厚肉，有肉汁，火候控制到家！好送飯呀！燒鴨例牌，一般蝦醬通菜，又係大大份的，蝦醬味道剛剛好，味道不太搶，不油膩，通菜既嫩又可口...估唔到，屋邨內的酒家，街坊小炒，甘有水凖...好味又抵食呀...

有一段時間沒來過這家酒樓，比較值得一提的是以下幾款食物：川芎白芷燉大魚頭 侍應一上菜便有一股藥材香味襲來，喝下去藥材味雖然不濃，但味道不錯。除了菜式名字提及的3種材料，還有很大塊的當歸和2隻雞腳。煎蘿蔔糕 偏硬，料又少，實在不好吃。而且上菜時並沒提供醬料。我們向侍應要求，侍應竟然問我們究竟要什麼。可歎現在酒樓都不當甜醬麻醬是例牌了。芝士海蝦焗伊麵 芝士非常充足，海蝦有7隻，下料慷慨，味道也好，不膩。奇怪的是酒樓用紫洋蔥，而且洋蔥每片都切得很大塊，蔥頭還連著至少三層洋蔥，實在馬虎。香麻糖不甩 茶樓少見的甜品，質感尚算煙韌。椰汁馬豆糕 曾在這裏吃過兩次，質感軟棉，入口即化，市面難求。這次也點了椰汁馬豆糕，可惜大小縮了水之餘，質素也是市面上爽口的一般貨式。

今日要去到將軍澳同親戚食飯，都走吾甩係去茶樓食中菜嫁喇。無計啦，係得茶樓又可以比啲親戚坐得舒舒服服，吹耐啲水又吾會限時要趕你走。叫左都好幾個餸。叫左條蒸魚，好新鮮，清蒸永遠最能保留魚既鮮味。撈埋豉油葱，真係好撘。仲叫左個豆腐菜煲，依個就清清地，吾會好咸。飲佢幾啖湯都吾怕。燒乳鴿，因為有小朋友，佢地中意食香口野，見佢地用手拎住黎食，真係好滋味！最後仲有個果盆，飯後甜品呀。西瓜菠蘿都有，但菠蘿就太生，太酸了！

普通的屋邨酒樓，呢個商場選擇吾多，但貪佢夠就腳，一行入去，環境尚算ok ，光線充足，一邊牆全是玻璃窗可以望到外邊的景色，但好普通，點心吾算多，都係傳統的點心，炒米粉很普通，沒什麼特別之處，釀茄子太大舊，好厚！味道一般！蝦卷很香口，點個㴔汁尚算可以芋頭糕好好味，煎得剛剛好！蝦米腸都麻麻D，釀青椒就吾知點解有D酸酸的的感覺！吾通魚肉壞左變味，反而排骨鳳爪飯算好味，用煲仔煲的也，總算來說，普普通通吾算特別好味，中規中舉吧！

今日同阿媽去飲下午茶，一入到去冇人理我地都算喇，半個茶樓係空嘅都照樣叫我地搭臺，仲同我地講話要準備晚餐所以先叫我地搭臺，但個陣先3點左右，解釋個陣嘅態度又極劣。野食方面，我地叫左香片，但實在太難飲，之後我地直接飲水就算。另外，我地叫左幾樣點心，幾surprise嘅係呢到竟然有鵪鶉蛋燒賣同蝦餃，呢兩樣都幾好食，不過個脆皮奶皇應該改名做硬皮奶皇，又硬又凍，難食都頂透。總結：蒸嘅點心係幾好食，但其他就敬謝不敏。

今日約左朋友係將軍澳行山，10點就出發啦。我地預計行到3點左右。不過到最後我地行到一半就放棄左，因為太熱啦，同真係太少行好攰。。所以我地就決定去飲茶休息下啦。行番落泥見到有明德商場，入面有酒樓就一於上去食。。。呢間酒樓2點半下午茶，不過早小小入去可以坐下先，等到2點半先落單。。估吾到屋邨酒樓都好full場喔。可能係假期，好多一家大細飲茶。。。而且價錢吾會特別貴。。我地點左以下點心👇🏻👇🏻👇🏻鵪春蛋燒賣：一籠有3粒，每粒上面有有鵪春蛋咖。。我見好少酒樓有得食，通常都係上面放蝦。所以我覺得好特別，吾同平時既燒賣，佢無用黃色皮包住。都幾好食既，同平時豬肉餡一樣，都好大粒咖。。鮮蝦腐皮卷：我好中意食呢個，炸到脆卜卜，點喼汁真係好好食素菜餃：我覺得係剩低既菜乜都塞入去甘，蘿蔔絲，冬茹絲，椰菜絲甘。個皮淋patpat，吾好食，好彩啲餡係好食。清清地就岩哂鮮蝦菜苖餃:同素菜餃一樣，個皮吾好食。餡料入面都有好多蝦咖，吾會得菜燒腩仔米線:一碗係滿滿既米線，吾會得啲湯。而且燒腩仔都有6件，個皮脆卜卜咖！又吾會好肥，不過就略嫌太咸同吾夠熱南瓜餅:呢個無乜南瓜🎃味。入面係芋蓉餡。而且煎得好油個外皮又吾夠脆身。

今晚點了七碟小菜，其中一味是蒜茸炒白菜，其他六味已經吃完但白菜還未上枱。叫侍應跟進一下，點知換來一碟白烚白菜加上蒜花蓋頂。問經理為何菜式失水準，炒菜变烚菜，這名店長竟然回答：有何不妥？全香港的炒菜都是這樣的，就算到消委會投訴都無用。原來帝豪不只食材質素差，店長的素質更差，今時今日仲用這樣的服務態度對客。

鳳爪有曱甴，同員工講話換過碟，佢諗都唔諗就話換過碟都一樣喎，心諗你其實係冇睇咩問題定係真係碟碟都會有一隻先？直接退單。野食好淡味，然後淨係講籠燒賣夾起身就散開左一舊舊，唐記點心啲燒賣都好食好多，又好食啲又平啲。紅油抄手得酸味，丁點辣都冇，隻珍珠雞出入面仲係有啲凍既想點？成間野係得籠蝦餃冇任何問題。服務就，上面有講啦換過碟都一樣喎，有啲人叫佢見倒你望你兩眼，再回頭望多眼唔理走開左。除左價錢算係幾好我寧願食唐記外賣。

從未遇過咁差勁嘅茶樓，今晚兩圍枱晚飯，食品本身都唔好食，叫人沖茶冇人應，埋單時搵個待應嚟數人頭，之後個部長再以非常差的態度嚟再數一次！環境差、食物差，服務非常差！

自從轉左手，佢生意好左好多，之前果間叫百勝，垃圾到不行😪同親戚黎食都覺得失禮。但依家轉左呢間帝豪，好似令成個屋邨起死回生，朝氣勃勃咁😂起碼大時大節都真係要等位先丫，啲野食都好食左，係咪超抵食又未算既，但唔洗行到大商場又唔洗等好耐，都算值嫁喇～😛但朝早飲茶既質素我又覺得都係一般般，所以可以留意返個晚市得喇，好似講到股市咁添，哈哈～佢晚市有一個係蜜瓜味既炸物，都幾好食，我啲表弟表妹都妹中意食，小朋友都應該幾中意，不防叫下丫～😛

呢間酒樓轉咗名後第一次嚟食晚飯，其中一個朋友係大胃王而且鐘意食海鮮覺得材料新鮮，味道唔會差太遠，所以我哋四人叫咗海鮮九大簋餐半席再另加一個炒飯。其實呢度客人唔多，味道同服務係可以，但有一個小插曲令我哋覺得唔係咁老實。我哋叫嘅套餐只中一樣係豉椒炒蘇格蘭蟶子6隻，有一名男職員同我哋講蟶子沽清，可唔可以轉元貝，朋友多口問一句係唔係售價比較平，隔離女職員搭口話仲貴啲，但我哋睇餐牌係蟶子比較貴。職員解釋咗沽清所以轉都唔緊要，但問題就係話只比四隻元貝我哋。元貝嘅價錢已經比蟶子平，仲要少兩隻，係因為我哋只有4個人叫半席所以份量就唔比足。最後朋友反問返佢哋，佢哋亦解釋唔到，比返6隻我哋。帶子豆腐海皇羹，味道唔錯，唔會太鹹。生灼游水海蝦，蝦都夠大隻又新鮮。花尾龍躉二食：翡翠炒斑球，魚肉有啲鞋。蒜蓉蒸頭腩，味道幾好。果皮蒸鮮活鮑魚，鮑魚細隻咗啲，果皮唔夠香。蒜蓉粉絲蒸元貝，元貝大隻，開邊嘅肉有一隻匙羹咁大，粉絲亦夠多。魚湯雲耳珍菌浸時蔬，清清哋幾好。薑蔥焗頂角膏蟹仔，幾惹味但肉唔多太細隻，我又唔係咁識食。帝皇蒜香一品燒雞，皮又薄又脆，唔會太重味。炒飯少油乾身。