周柏豪爆王敏奕弱點係污糟! 連詩雅羅天宇組鬱結CP挑戰最大情緒戲 由周柏豪同王敏奕主演新劇《旁觀者》將於1月1號播出,呢日一眾演員列陣宣傳,敏奕喺劇中飾演「高敏感族」嘅女警,首度挑戰咁特別嘅角色,敏奕事前為角色做咗好多功課,對「高敏感族」認識更多。 柏豪因劇集暴露自己弱點,本身有幽閉恐懼症,今次要挑戰水底戲份,柏豪指現場有專業潛水教練幫助,敏奕同柏豪喺6米水底進行拍攝,柏豪稱幸好敏奕熟水性,潛落去已經畀咗一個好堅定嘅眼神,令柏豪頓時覺得好安心,而家柏豪有跟教練學潛水,柏豪亦爆敏奕弱點係污糟!? 連詩雅與羅天宇今次演一對青梅竹馬CP,但係佢哋用峰迴路轉形容呢條感情線,挑戰從演以嚟最大嘅情緒戲,連詩雅透露自己角色有好多鬱結,要靠內心戲去表達。 #周柏豪 #王敏奕 #旁觀者 #連詩雅 #羅天宇 馬貫東 #董敬文