帖子

❗️光榮結業告示❗️

多謝沙田區同青衣區既街坊呢五個多年頭既支持,冇你地幫襯,本小店經營唔到咁耐。因人手不足,本小店將經營至本月28日,試過我地啲野食想番尋咪就盡快啦,未試過既都親最後機會試下啦。

我係店主士丹尼,襯最後同大家分享一下少少既心聲。

⋯⋯

當初第一次創業,乜野都唔識,做出黎既野唔好,送外賣遲到乜咁,生意仆直,連自己都冇糧出,我地冇放棄,不停改善,每次都咬緊牙關,捱過每一個低谷。每朝就算窮到褲穿窿,冇錢增值八達通,都望住塊鏡同自己講,付出一定會有回報,努力就一定會有成果。就係咁樣,五個年頭捱過了。因為每一日我都諗呢一個問題。

點解個客要幫襯你?

睇落似好簡單,但其實真係好難好難。去到最後,我既答案係:

一份精緻,豐盛,有誠意既外賣。

要做到客仔一收到打開個盒話:「嘩,正喎,好靚,」食完話好味,cp值夠高,會再幫襯,我地先算成功完成一單銷售。

聽落係咪好虛無縹緲呢... 現實係點樣做到?! 好簡單,就係我同我嘅戰友每日都做13至14個鐘,由落單、整野食、送埋外賣,都係我地幾個,仲要唔可以求其,要高質仲要準時。如果大家有留意的話,我地送到黎個時好多時候都係成身麵粉,滿頭油煙。

好多人問我咁做法辛唔辛苦,我每次都話好x辛苦,好x攰。但知道客仔怒讚,再幫襯同有介紹個陣就覺得一切都值得了。

當然會有做得差既時候,野食唔好食、唔夠熱、賣相唔正,重有最緊要個樣... 遲到... 比客仔怒幹,要賠,仲要比佢地唱衰。每次都百般滋味在心頭。會體諒我地好難經營,會容忍錯失既客仔唔少,但仲好笑既係客仔叫外賣會講價... 但我知佢一定唔會問m記可唔可以平啲。

過時過節,問我地點解遲咁多,我真係唔識答,我只知 pizza hut 都覆你最少兩個半鐘以上同埋唔會覆實你幾點送到。好多客仔知小店難揾生意,好恰。唯有比佢恰啦,佢地先係老闆,我邊有得揀。

經營小店好難,難在好多時200%既努力同付出,回報可能係得50%,有苦自己知。

最後了,仲想感受我地呢份誠意既話就打黎落單啦,遲左送黎請不要幹。再一次感謝支持過我地既客仔同埋公司上下一齊戰鬥過既手足。我係頭髮長長個位外賣仔。

—————————————————————

另外本小店亦搵緊頂手,價錢可儀,齊生財工具。大家如果有興趣或身邊朋友有興趣都可以隨時聯絡我地。

查看更多
未提供相片說明。

新春期間Ti Amo將會照常🤤🤤
Hello 👋🏻 大家好 Ti Amo 祝大家新春快樂 身體健康🎊💪🏻💪🏻新春期間我地會照常營業 營業時間為11:00至20:00☺️快啲約埋親戚朋友打黎63708786 叫外賣啦🤤

影片
鹿兒島黑豚肉定食
14
芝士汁龍蝦意粉
7
火炙芝士溶岩蛋包飯
16