「懲罰」退出歐超聯　皇馬拒賣奧迪加特

最強博彩盤路過關神器《串績王》：http://win.on.cc/football/　

由皇家馬德里會長皮里茲牽頭搞嘅歐超聯，因為「英超Big6」退出而土崩瓦解，據英國《太陽報》報道，皮里茲對於6支英超球會「背叛組織」仍然耿耿於懷，其中阿仙奴更可能率先受到「懲罰」，喺收購馬田奧迪加特一事上將被皇馬為難。

身兼歐超聯主席嘅皮里茲，日前仍然堅持歐超聯會搵方法繼續進行，對於6間英超球會退出當然不滿，阿仙奴依家陣中有丹尼施巴路斯同馬田奧迪加特兩位借將，報道指阿仙奴原本希望用2,500萬鎊，將馬田奧迪加特正式買斷，但皮里茲經過歐超聯事件後，已決定唔會賣人情畀阿仙奴，唔單止拒絕延長外借，而就算最後決定賣人，價錢都會叫高好多。

阿仙奴另一位皇馬借將丹尼施巴路斯，據報「兵工廠」並冇打算買斷。至於由皇馬外借去熱刺嘅加里夫巴利，由於皇馬一直都想搵人接手，所以如果熱刺決定買斷，皮里茲都唔會作出阻撓。