【公共年金好過私營？】香港6大年金計劃比較

「年金」對香港人嚟講可能算陌生，其實係泛指一筆過或者分期落一個戶口度，然係到退休後就個個月定期好似出糧咁出，直至指定年期或者係過身，俾退休人士多一重生活保障。年金呢期備受注意，因為政府同按揭證券公司即將會響2018年推出香港嘅第一個公共年金計劃，而坊間嘅保險公司其實都有推出類似嘅年金產品，公共年金計劃對比起私營年金計劃有乜著數？等MoneyHero.com.hk同大家比較下啦！

甚麼是年金計劃？

年金（Annuity）可以算係保險理財產品之一，目的係保障供款者退休之後嘅生活，私營保險公司可能會同人壽保險合併銷售。年金可以分成一次過供款或者分期供款，前者就好似即將推出嘅按揭證券公共年金計劃，主打即將退休而又有多少積蓄嘅人；分期供款者就有私營保險公司嘅年金計劃，供款年期由退休前一刻到幫剛剛出世嘅下一代供嘅都有。

派發方面，市面上唔同產品有唔同派法年期，如果年金係終身派發嘅，好似公共年金計劃或者個別嘅保險公司年金計劃咁，最簡單講就係派到死為止！但係如果係有年期限制嘅話，好似係10、15、20年咁，或者係派到100歲之類（香港人平均壽命係男81、女87左右）。

同回報無關嘅「年金率」

想投保年金計劃嘅人士，首先要留意嘅就係「年金率」喇。公營年金計劃嘅年金率有7%，而私營年金就由3%起跳，年金率並唔係指本金回報率，而係指供款後每年可以獲分派嘅錢，當中有本有利。假設供款$1,000,000，5%年金率，一年響個本金度拎返最少$50,000，大約每月$4,167。

計法就係：當你響60歲時放咗$1,000,000落個年金率保證5%嘅plan時，每年保證派5萬，即20年後就拎返晒果筆本金，而中間會再加埋其他嘅分紅、獎賞同利息，呢啲額外嘅錢，就叫「非保證年金金額」，由投資年金結餘而嚟。不過，話明非保證金額，就會受市場波動影響喇。有啲保險公司，好似宏利嘅年金產品會中途可能會按某個百分比咁遞增，叫做追下通脹咁。有20年限期嘅，就20年咁派返晒，連本帶利，仲會有一截非保證金額；至於用終身派錢計劃、或者係去到100歲嘅，咁響第21年──即係81歲就開始賺凸，如果真係成有百歲嘅話，之後20年就恭喜晒先，然後再恭喜晒，因為響年金度又賺咗一個開(+100%)！

由於係退休保障嘅一部份，所以選擇年金時，亦要睇下究竟回本期係幾多同萬一派發期間過身嘅話有乜嘢安排，當過咗身之後，年金係繼續定期發放，還是係本金結餘一次過作為身故之後俾指定受益人嘅賠償，都係要注意嘅地方。

香港6大年金計劃比較（截至2017年12月）

* 如45-65歲投保，入息期至85歲; 45-70歲投保，入息期至90歲

香港退休保障一直都比較輸蝕，無年金呢樣嘢，唔似得好似鄰近地區，好似台灣、日本、新加坡咁，都有公營嘅年金體制去俾退休人士養老，雖然成效不一，但係都算係退休安全網嘅一部份。除咗個別私人企業早就有嘅僱員公積金、2000年先開始推出強積金同行業集成積金、同埋係響2000年前入職做公務員先可以享有嘅「長俸」之外，香港退休人士基本上都係食自己──響以前高息年代，有多少積蓄做過定期、買幾隻藍籌收息，追過通脹唔係特別難。但係今時今日，有錢人戶口開個新資金巨額定期超優惠先得嗰年利率1%；買藍籌好彩賺息蝕價，唔好彩兩者皆輸……如果除咗現有嘅投資同必備嘅強積金以外，都仲有其他用嚟退休時養老嘅積蓄的話，咁臨退休時，將部份積蓄放入年金計劃度，亦可能係另一個可以keep住有得穩定定期分派嘅安排。

政府於2019/20課稅年度新增了3項可扣稅項目，分別是合資格延期年金、自願醫保以及強積金自願性供款，合計扣稅上限為HK$68,000，只要懂得活用年金扣稅、自願醫保扣稅、強積金扣稅這「三寶」，不只可提升醫療和退休保障，更可以助你精明慳稅。

MoneyHero.com.hk為香港最大金融產品比較平台，即時幫你比較旅遊保險、信用卡、出糧戶口、私人貸款及按揭，幫你節省日常生活及財務支出！立即比較

延伸閱讀：【年度總結】比較2017年各強積金表現及回報

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！