上網方法大比併　旅行點用最穩陣？

聖誕節及新年剛過，月尾又迎來農曆新年，相信大家都訂好機票，準備趁大假出走一下。旅行期間，唔少人都會用手機搵地圖、傳訊息或上載相片到社交平台，數據網絡自然不可缺少。市民於外地使用數據網絡，主要會使用電訊商的漫遊服務、購買當地數據卡，或租用WiFi蛋。外遊上網方法眾多，市民用過又有何感覺？

身為主婦的吳小姐直言，會視乎外遊情況選用不同方法上網，她說：「如果join咗旅行團要contact就會買data卡，返大陸就會買電話卡，打電話方便啲。」不過，另一位主婦黃小姐則指，使用數據卡有不方便的地方，就是要更換電話卡。

至於從事市場銷售的石先生則不太喜歡用數據卡，認為「無咁穩定」，所以選用WiFi蛋，因為「數據穩定啲、多啲」。市民對上網方法各有所好，究竟邊個方法較方便、網速較穩定？就等東網為大家詳細比較一下。

1.當地數據卡

如果以價錢睇，買當地數據卡絕對係三者之中最平，以日本為例，最平$68就可以用8日！不過，大部分都有限定數據用量，如每日200MB，對無時無刻都上網的人而言，便需要「就住用」。

至於使用方法，當地的數據卡需要於抵埗後前往購買，每每都要大排長龍，耗費時間，購得數據卡後更要拆機換卡，甚至要設置移動網絡數據的APN，真係未必個個都識。

2.租用WiFi蛋

如果同朋友一齊去旅行，唔少人會選擇WiFi蛋，雖然有權威機構去年底調查發現，不同公司價錢差異極大，以日本為例，日費介乎40至65元，相差逾6成，不過WiFi蛋仍是不少市民的外遊之選，貪佢可以share畀幾個裝置一齊用，而且到埗後開機便能使用，非常方便。但要留意，租用WiFi蛋難免要親身前往取機和還機，如果遲咗還機，會被收取罰款。

3.電訊商漫遊服務

使用當地數據卡同WiFi蛋都各有好處，其實大家仲有一個更方便選擇，就係使用由電訊商推出的數據漫遊服務，只需於出發前用手機輸入短碼，落地即用得，唔使事前專登出去租蛋或去到當地排隊買數據卡，而且網絡係直接連接到手機，上網的穩定程度對比WiFi蛋都有優勢。

價錢方面，現時電訊商備有不同日數組合，包全日數據用量，並非以傳統漫遊般逐日或逐KB收費。以中國移動香港推出的「數據漫遊多天通行證」為例，由即日起至2月15日期間，有限時優惠，熱門亞太地區如日韓星馬泰，連續3日收費$168，連續5日更抵，只需$258，平均每日只係$51.6，同WiFi蛋相若；而在美國使用，連續5日收費$398，連續8日則係$498。

如果係經常到澳門、內地或台灣旅遊或公幹的人士，東網還有好介紹！中國移動香港推出的「飛常大中華」4G服務計劃，只需一個月費，就可以用盡中港澳台4地4G數據，絕無額外漫遊費用，月費最平低至$198，使用這個計劃，不用浪費本身月費的數據，更免卻換卡的煩惱，真係物超所值！