ATV同學會｜車車張紫櫻37歲變美魔女 當年缺席亞視藝訓班被炒

由一班昔日亞視藝人組成嘅「A記同學會」昨晚（26日 ）舉行飯局，鮑起靜、袁敏傑、姜皓文、羅霖等人均有到場。

有「車車」之稱嘅張紫櫻亦有現身，邊個係車車？2011年加入亞視，除負責配音工作之外，亦有主持《香港有飯開》、《微播天下》等節目，不過車車喺 2012年因缺席公司嘅「演藝訓練計劃」而遭解僱，其後做過RoadShow主持，至2017年再次回巢亞視。

張紫櫻嘅姐姐係張潔蓮（Jackeline），當年佢因為與袁文傑共事，有感對方人品唔錯，於是為姐姐牽紅線，製造機會等二人一齊睇舞台劇。