《蘋果日報》停刊,相信一向追開《 仙道彬手記 》、《求驗客》、
盧卡東尼牽牛守丹 等名家嘅體育迷都感到好失落。 不過小編可以同大家講聲,由今日開始,各位讀者可以喺《keymansoho》同各位名家見面喇!至於今日打頭陣係邊個?各位就要密切留意喇!

可能是 1 人和文字的圖像
keymansoho
運動

明星運動show
做得認真先好睇

噚日朝早碌下YouTube,無意中click咗入去大台今個月新節目《明星運動會》打乒乓波嗰集,最後男、女單冠軍分別落入陳展鵬同李思雅手上,但成個節目嘅製作完全畀唔到我投入嘅感覺,缺乏競爭意味同緊張氣氛咁,或者係因為我之前睇過台灣嗰邊同名咁制嘅《全明星運動會》,先會有呢種強烈對比。

⋯⋯

台灣《全明星運動會》家陣已經播緊第2季,因為第1季播完後反應好好先繼續做。呢個節目將10幾位參賽藝人分為紅藍兩隊鬥,以實境節目咁樣去拍低兩隊藝人點樣去裝備自己同培養團隊精神,然後全力以赴拼搏。班藝人雖然唔係專業運動員,水平一般,但好睇之處就係佢哋所有人好認真咁對待每個比賽項目,而邊隊贏邊隊輸後嘅反應,就好似你睇一場體育賽事一樣好真實,感染到觀眾。就係因為個節目做得好,造就咗好多之前名氣一般嘅藝人上位。至於大台咁只係「晒馬」,成班藝人排開好架勢,又有邊個會令人留下深刻印象呢?

當然,可能大台只係想藉個節目幫奧運造勢,即係性質唔同,咁就好似評述「鍾仔」咁講「你睇佢哋笑住嚟打,開心乒乓波就係咁」,咁......就繼續開心吧!

文: 盧卡東尼

查看更多
可能是 9 人、大家站著和文字的圖像

基奧特要破9號魔咒

AC米蘭正式簽咗車路士嘅34歲法國中鋒基奧特,「銀河唯一」喺英超打滾近10年雖則冇贏過聯賽冠軍,不過歐洲賽就贏晒,嚟緊點同位置有啲重疊嘅伊巴分工,就要睇睇米蘭教練派奧利。

基奧特喺國家隊咁多年都係著9號,但原來佢自2005年開始嘅職業生涯,喺6間球會都冇著過9號,今次加盟米蘭佢就揀咗9號,唔通有信心打破米蘭嘅9號魔咒?

⋯⋯

米蘭嘅9號前鋒喺90年代個個都係傳奇,雲巴士頓、韋亞到近期少少嘅恩沙基都獨當一面,不過「大恩」之後,無論柏圖、馬堤、費托、希古恩等,都做唔到9號仔要做嘅嘢,都唔好再提迪斯度、林柏度拉呢啲過客喇。

基奧特唔係第一個米蘭法國9號仔,早喺1992年嘅柏賓都著過,呢位名將入波唔多,但佢效力米蘭兩季就贏咗兩次意甲同一次歐聯,即管睇睇「銀河唯一」仲有幾多貨賣。

文: 守丹

查看更多
可能是 2 人和文字的圖像

南韓打氣標語 揭「韓版赤壁之戰」

體育不應涉及政治,呢個老生常談論調其實就好超現實,正如1964年東京第一次主辦奧運,就係俾佢哋有戰後重生機會,唔通呢個又唔算政治操作?日本南韓多年嚟無論喺運動,以至政治、經濟等都互相競爭,獨島/竹島主權之爭,加上慰安婦問題,更加火上加油,南韓今次作客東京,選手們都唔會示人以弱。

日前南韓大軍進駐選手村後,除咗走廊外掛上南韓國旗外,仲掛咗一句標語:「臣仲有5,000萬國民聲援及支持!」表面就係感謝國民嘅支持,不過熟悉南韓歷史嘅人士,就搵到呢句標語出處,改自南韓歷史人物李舜臣嘅金句:「臣仲有12艘船!」。

⋯⋯

對普遍香港人嚟講,對李舜臣就一定會較為陌生,其實佢係一位將軍,1597年日本同南韓喺朝鮮半島鳴梁海峽發生海戰,當時戰力非常懸殊,李舜臣只有12艘板屋船,配合一啲民間小船,相反日本豐臣秀吉麾下嘅海軍,就多達3百幾艘戰船。李舜臣就利用地型、水流等因素,成功以寡勝眾,擊退日軍,就好似赤壁之戰孫權劉備聯軍,擊退曹操大軍一樣經典。

坦白講,我本身對李舜臣、鳴梁海戰唔多清楚,不過多得成日睇南韓電影,早幾年就睇咗以呢場海戰為背景嘅電影《鳴梁》,男主角崔岷植對好多電影迷一定唔陌生,《原罪犯》、《親切的金子》、《快樂到死》等等,真係非常好戲,做正義大將軍又得,做變態殺手又得。噢!有啲離題添,都係講番奧運,哀心希望南韓運動員可以好似李舜臣咁,發揮以弱勝強嘅永不言敗精神啦!

文: 牽牛

查看更多
可能是 4 人、大家站著和文字的圖像

意甲「禁綠令」為咗賣廣告?

歐洲各大聯賽8月中就開鑼,各大球會都推出新波衫應市,意甲就公佈一個幾令人驚奇嘅決定,話22/23年球季開始,將禁止球隊以綠色為球衣用色,甚至連波褲、波襪都要盡量避免,首當其衡係以綠色為主色嘅薩斯索羅,唔少球隊都以綠色為作客波衫顏色,而且守門員都好鍾意綠色,下季開始,呢啲波衫都會絕跡意甲。

意甲賽會話「禁綠令」原因係電視轉播公司擔心綠色波衫與草皮顏色相似,令觀眾或任何色盲色弱患者感到困難。呢個又真係幾好笑,綠茵場同綠球衣並存咗咁多年,真係又唔覺有咩色弱球迷投訴,如果咁照顧佢哋,如果球場白雪紛飛,係唔係又要禁白色波衫,如果草地保養唔好,大部份地區都冇晒草變黃土一片,係唔係又要禁黃色波衫?巴西隊去爛地場就唔可以著主場波衫?

⋯⋯

嗱,以下係我個人揣測,與Keymansoho無關;其實今屆歐國盃大家已經有懷疑,點解場邊廣告咁多係中文字樣,唔通中國企業真係咁強橫,連呢個國際球壇盛事廣告位都霸晒?其實類似科幻電影嘅虛擬技術,已經應用喺足球場,Virtual Advertising(虛擬廣告)會因應觀眾嚟自邊一個地方,就會將該區嘅廣告投放喺場邊廣告板,即係同一時間,美國、中國、歐洲球迷,都睇緊唔同廣告。

另一個虛擬技術就係將影像,投射喺球場上,如果有睇賽馬直播嘅馬迷就會了解多啲,比賽後馬會通常將頭馬馬名、騎師、練馬師等資料,投射落馬場草地上,如果身處馬場,反而係唔會睇到呢啲影像。不過呢個技術仲有個盲點,如果有綠衫球員,喺綠色草場,經過呢個影像,就會變成透明。賽會解決唔到技術問題,就用人為操作去解決,令球場冇綠色衫,避免透明人呢個尷尬場面。

文: 牽牛

查看更多
可能是 5 人和文字的圖像

多蒙特球迷今年可能會特別關注今年奧運田徑項目,因為佢哋嘅靚靚體能教練Alica Schmidt 將會參加女子 4x400 接力以及男女混合 4x400 接力賽!

Alica Schmidt 曾被美國體育網站《Busted Coverage》選為「全球上最性感的運動員」,但佢冇被呢啲名稱號充昏頭腦,仍然專注於田徑訓練,終於得到國家隊嘅徵召,進入東奧大軍名單。

「東京奧運喺度呼喚緊我,感覺好唔真實,但好激動,好開心可以實現我夢想。我開心到唔知講咩好,當國家隊教練打電話俾我時,我完全聽唔明佢講咩,我好開心可以同教練一齊渡過呢段激動人心嘅時光!」

⋯⋯

Alica Schmidt 嘅 IG 已經有170 萬人 follow,相信今個東京奧運時,會再得到更多人支持,尤其係多蒙特球迷...

曉姆斯同Alica Schmidt 賽跑片段: https://youtu.be/9Jl5qPRORgE
曉姆斯同Alica Schmidt 拉筋片段: https://youtu.be/16DmGW-snJo

文:麵撈

查看更多
可能是 2 人、大家站著和文字的圖像

二次元東奧

日本係一個將二次元文化發揮到極致嘅國家,每當有體壇大事就梗會見到動漫聯乘,好似《足球小將》作者高橋陽一,每次足球大賽梗會出招撐吓日本隊。

今次奧運都唔例外,男女足嘅比賽用球就係出自高橋老師手筆,男足嗰個仲有戴志偉射波嘅名場面,不過個波成兩萬yen,入唔入手就睇你幾有愛。

⋯⋯

奧運咁大件事,一眾國民級漫畫家就梗係要出手助興,日本角川就出咗本《東京2020奧運公式Program》嘅特刊,除咗老正介紹各項比賽之外,仲收錄咗《One Piece》作者尾田榮一郎、《美少女戰士》作者武內直子、《進擊的巨人》作者諫山創等大師,為奧運幾項新競技創作嘅彩稿,呢本特刊只賣2500yen,體育迷同動漫迷不妨入手。

文: 守丹

查看更多
可能是 1 人和顯示的文字是「次 元 東 奥 KAT T 求驗客 f keymansoho 」的卡通

今次邀請到香港花式足球第一人:旺角美斯- 施寶盛,做我哋比賽嘅評判!
佢當然會重點為大家講解,「花式足球王」呢個比賽項目啦。
留心聽,記低點報名參加喇!

今次「花式足球王」嘅獎金禮品總值超過$6000,想show下自己嘅技術,又想贏獎金嘅朋友,唔好猶豫喇。玩法非常簡單,你只需要拍一條30秒嘅花式控球表演片段,再WhatsApp俾我哋就得㗎喇!評級最高嘅8位就可以進入我哋7月30 日晚上喺車路士足球學校舉行嘅決賽,競逐「花式足球王」寶座。

⋯⋯

想知道更多資料,請參閱比賽詳情。
報名截止日期為7月19日,大家快啲報名喇。

比賽詳情:https://qrgo.page.link/mUqTr

#車路士足球學校 #花式足球 #足球 #足球課程 #網上比賽 #staycation #酒店 #足球之心

查看更多

白先生連環不幸事件?

《大叔的愛》大結局全城熱話,「田田」Edan喺成套劇入面由「瘦田冇人耕,耕開有人爭」,KK、阿牧同梓芊爭住愛,或者連佢自己都估唔到咁搶手,呢位「白先生」賓韋治Ben White何嘗唔係。

今個夏天前,可能好多人聽都未聽過賓韋治個名,但英格蘭領隊修夫基就搵佢填阿歷山大阿奴退隊空缺,而唔係大家期待嘅連加特。白禮頓之後即刻將佢身價抬到5,000萬鎊,似乎預咗有球會出手,結果係呢位後衛成屆賽事都坐冷板,修夫基或者只係貪佢冇名氣夠聽話,唔出佢都唔會多多聲氣,又或者都想賓韋治嚟坐下攞經驗。

⋯⋯

不過,白禮頓5,000萬鎊嘅標價其實冇算錯,阿仙奴真係出呢個價搶人,盛傳賓韋治一放完大假,就可以去倫敦體測簽約。只係被抬到咁高,對23歲嘅佢未必好,尤其英格蘭以往水貨後衛唔少,當年去皇家馬德里長傷嘅活基治就係最好例子,而兵工廠自身防線都唔掂,搵個考牌中嘅人嚟擔正,受壓下恐怕對佢發展仲差。

Edan有首《E先生連環不幸事件》,係講人都會面對好多不幸情況,但就係啲不幸或唔開心,先會令到你成長,做好自己最緊要。我暫時唔知「白先生」係幸定不幸,但可能呢個幾月發生嘅一切事,都要等佢自己慢慢消化完。

文:盧卡東尼

查看更多
可能是 2 人和文字的圖像

東奧冇得吹乒乓

相信好多同小弟一樣係80年代小學雞,都會經歷過公共屋邨石枱打乒乓球嘅歲月,或者呢個係唔少人人生首次遇到嘅修羅場。每逢放學、星期六日,石枱旁都堆滿人「猜枱」,流星大戰友誼,留波留板,小流氓輸打贏要,仲有石枱永遠估唔到嘅地雷,各處鄉村衍生嘅各處例,咩新例、新舊例、國際例,總之贏又好輸又好,點都要拗一餐;宜家?石枱得番公公婆婆打十五胡,或者成為曬棉被木棉花咸魚嘅地方。

今屆東奧都有唔少所謂「防疫例」,乒乓球都有新例,就係唔准球手開波前向乒乓波吹氣,亦唔准球手比賽期間用手觸碰波枱,中港兩地教練都話,呢啲都係球手平時小動作,對實際比賽影響唔大。講真,對我嚟講,呢兩個所謂防疫例,只有4個字「矯枉過正」。

⋯⋯

如果一個球手,吹完乒乓波,口水接觸到波面,再將新冠肺炎病毒,傳俾對面嘅球手再染病,我覺得機會率等於小弟參加奧運拎到男單金牌。如果奧委會執到咁嚴,跑步接力交棒,支接力棒交接之前,係唔係應該先拎俾工作人員消毒先。拳擊比賽,拳手打完對方一拳,拳套係唔係又要消毒下,先可以再比賽?

所以真真正正想搞好今屆奧運,真係唔好搞咁多形式主義舉動。

文: 牽牛

查看更多
可能是 1 人和文字的圖像

雙曼新衫致敬傳奇

曼市雙雄先後發佈新主場波衫,兩件都係向球會傳奇致敬,不過年代就差好遠喇。

先講紅魔,佢哋下季心口由贊助咗7年嘅雪佛蘭,變成軟件公司TeamViewer,至少會贊助呢隊上屆英超亞軍5季,轉心口贊助之餘,新波衫例牌又話會有紅魔DNA,白圓領白幅邊又真係食正old school風潮,曼聯官網就話呢件衫嘅設計靈感係嚟自60年代,會令球迷回想番佐治貝斯同卜比Sir嘅輝煌時代,同時亦希望曼聯新生代可以著住呢件衫,留低屬於佢哋自己嘅印記。

⋯⋯

另外,喺今次呢批官方相,小弟特別留意到雲迪碧,何解?上季冇乜上陣機會嘅佢,著起呢件「TeamViewer」真係令人忍俊不禁。

同市死敵曼城嘅致敬對象就係英超最強外援,曼城喺2012年首奪英超,最大功臣一定係幫球隊絕殺昆士柏流浪嘅阿古路,新衫好低調咁表揚呢位去咗巴塞嘅阿根廷前鋒,喺衫入面用計時fonts印咗9320,紀念「阿古獸」絕殺一刻,細心啲睇個2字隱藏咗個1字,粉藍色嘅「10」就代表阿古路,不過當年佢係著16號波衫嘅。

曼聯經典波衫多不勝數,要揀最深刻印象嘅sponsor,小弟一定揀SHARP同Vodafone(Sorry又係Umbro),至於曼城,你覺唔覺得係Brother嗰件呢?

文: 守丹

查看更多
可能是 5 人和顯示的文字是「 TeamViewer TIHAT IRWAYS 雙曼æ–°衫致敬傳奇 Gr WHI HI SARP brother 求驗客 93:20 f keymansoho 」的圖像

日本傳媒《NHK》透露,烏干達有運動員走佬,日本警方正追尋下落。

非洲國家烏干達為數9人嘅代表團,上個月已經到達東京, 由於有兩名人員被驗出感染病毒,開始進行隔離。當本月成功通過病毒後,喺大阪訓練。隊中舉重選手Julius Setitreco因為排名問題,未合符資格出戰初賽, 被通知要提早返國。呢個時候,Julius 突然失蹤,工作人員只能夠喺其房間搵到佢留低嘅字條: 「我想留喺日本打工,而唔係返到生活難苦嘅國家!」據悉日本警方初步調查到Julius坐新幹線前往名古屋,目前仍尋找其行蹤。

文:麵撈

可能是 2 人、大家站著和文字的圖像

東奧「網」戰星太少
大坂 祖高域撐得起?

日本疫情升溫,東京都日前確診個案再創半年新高,但東奧繼續唔理三七廿一,就算國內幾多反對聲音都勢必要搞,懶理最後閉門冇觀眾,總之一諗起如果搞唔成就要履行合約賠錢,日本政府點都頂硬上。不過,運動員有選擇權,尤其網球呢項比較個人化嘅運動,做咩決定幾乎向自己交代就得,家陣喺病毒籠罩下,出現退賽潮都好正常。

⋯⋯

事實上,網球壇本身好似NBA咁,已經有好完整健全嘅機制,個個球手以追逐四大滿貫為目標,為國出征奧運雖然係一份光榮,但拎完金牌冇乜獎金,又冇ATP或WTA積分,同四大滿貫嘅待遇差咁遠,吸引力本身就一般。

至於今屆東奧,病毒下有咁多風險存在,其中一樣就係網球手嘅教練同體能訓練員,人工或旅費一向要由網球手本人包埋,家陣仲要承擔埋佢哋嘅健康責任,諗諗下博唔過;其實5年前里約奧運,寨卡病毒肆虐,都已經有部份球手選擇唔去巴西,道理一樣。

家陣唔玩東奧嘅球手,包括有費達拿、拿度、細威、姬芭、添姆、華連卡、簡倫同艾莎蓮嘉等,對呢班大牌球星嚟講,更加唔使靠奧運嚟谷人氣。當然,女單仲有想喺自己國土封后嘅大坂直美大戰芭迪,男單就有祖高域啱啱落實會打,加埋新生代嘅麥維迪夫同施華利夫,以及想一鋪翻身成就3連霸嘅梅利,你覺得係咪未算太趕客呢?

文: 盧卡東尼

查看更多
可能是 2 人、大家站著和顯示的文字是「東興 「網」 戰星太少 中 大 坂 食心心 直 美 祖 高 域 撐 得 起 ? f keymansoho 求驗客」的圖像

世界板仔板女踩入東奧
幾時到港將?

印象中,香港踩板文化90年代先興起,記得以前睇大台啲星期幾檔案,見到好多年輕人夜晚流連喺尖沙咀文化中心學踩板,但多數都係負面少少去探討呢種社會風氣,講到佢哋係無所事事,出現家庭問題或者讀書唔成被排擠,先淪落做板仔,仲會掂埋毒品,冇真正去介紹呢種街頭文化。

⋯⋯

不過,時代變咗,港人慢慢亦開通咗,開始更多了解踩板嘅樂趣,接觸呢種源於美國嘅文化。小弟讀書年代未有《狂舞派》,反而係LMF喺【大懶堂】隻碟有首歌叫《我要踩下去》,令我好奇呢班人係咪真係咁hea,直到後來覺得如果真係有心學嘅人,每個動作嘅細節點控制,點樣帶嚟美感,係極大學問。

今屆東奧就新增咗滑板呢個項目,呢種文化終於走入「大台」,算係體育文明一大進步。東奧嘅滑板賽分兩類比拼,一個係街式賽(Street),一個係公園賽(Park),近期多人講起嘅英國11歲天才滑板女Sky Brown,參加嘅就係喺U型場地進行嘅公園賽。不過,我就特別想睇家陣最當紅嘅滑板界一哥、嚟自美國嘅Nyjah Huston,佢玩嘅係街式賽,即係喺樓梯、欄杆扶手、路壆同斜坡做出高難度花式動作。呢位仁兄好犀利,4奪Street League Skateboarding系列賽總冠軍,網上都好多佢啲威水片,包括上年有段佢挑戰喺一架林寶堅尼上滑過,click rate高達139萬。

香港其實都有滑板高手,佢叫陸俊彥,喺香港滑板界冇人不曉,但因為政府對滑板唔重視,要自己申請資助,去海外參加積分賽先有得躋身奧運,咁啱撞正疫情,夢想落空。所以如果未來奧運想見到香港板仔板女,前題係政府先要帶頭推動 ------ 我係咪唔好咁天真呢?

文: 盧卡東尼

查看更多
可能是 2 人、大家站著、戶外和文字的圖像

作為忠實球迷,有咩開心得過愛隊奪冠?就係見證過愛隊歷來奪冠路程。

意大利有位101歲人瑞Francesco ,佢見證過國家隊由1934年首奪世界盃開始(當時佢14歲),直至到啱啱捧起歐國盃呢6次大賽冠軍,佢都有幸見證過!
Francesco 應該係最強嘅意大利球迷,唔講唔覺下年係2022世界盃,唔知佢會唔會睇到意大利第五次捧起世界盃冠軍呢?

⋯⋯

文:麵撈

查看更多
可能是 1 人和顯示的文字是「 1934 世界盃 14嵗 1938 世界盃 18嵗 1968 歐國盃 48嵗 Francesco 1982 世界盃 62嵗 2006 世界盃 86嵗 2021 歐國盃 101嵗 f 意大利人瑞見證過國家隊 所有奪冠歷程 keymansoho 」的圖像

有汗出冇糧出 球員悲歌

「有汗出冇糧出」,係蘋果日報停刊當日,全港最大銷量報紙,形容蘋果員工嘅景況,好可笑吧!其實欠薪、拖糧,一直係本地球會常態,今季港超結束後,已經先後有愉園同飛馬,涉及欠薪同拖糧問題。

前特首經常叫大家北望神州,向大灣區發展,早幾年香港球壇仲有好多掌聲,球員如果去到中國落班,不論中超,甚至中甲、中乙,人工都幾何級數上升,不過泡沫都幾有爆破一日,2月先發生最大醜聞,上屆冠軍江蘇蘇寧,因為贊助、去企業化、限薪令等政策問題,宣佈退出中國職業球壇。因為疫情,新一季中超勉強有16隊角逐,亦要喺泡泡賽區角逐,新一輪賽程已經展開,分為廣州及蘇州賽區,28日要踢10場波,以宜家炎炎夏日,保證唔到有糧出,不過就一定有汗出。

⋯⋯

中超球隊財困、欠薪問題亦未有停止,重慶兩江欠薪多時,球隊股權終於改組,不過只保證今季會發放兩個月人工,其餘暫時用欠單頂住先。過去揮金如土嘅廣州,母公司恆大都唔多掂,已經冇晒以往豪氣,兩位大牌球星:前巴塞中場保連奴,同另一位巴西兵泰利斯卡,表面因為疫情理由而離隊,實際原因?心知肚明啦。其他盛傳或已離隊嘅大牌外援,仲有北京國安嘅巴西國腳連拿度奧古士圖、大連人委內瑞拉前鋒朗當,歐國盃有入波嘅奧地利前鋒阿奴杜域,亦都準備離開上海,回流意甲效力博洛尼亞,中超,仲係唔係歐洲、南美球星掘金嘅福地?

文: 牽牛

查看更多
可能是 4 人和文字的圖像

三球十二碼令歐國盃三過英格蘭家門不入,英軍球迷最期待嘅畫面,最終未能出現。

修夫基嘅十二碼安排成為眾矢之的,不過有部份球迷亦會質疑拉舒福特、辛祖窒步射十二碼嘅習慣。其實,每位球員射十二碼都有唔同嘅習慣,譬如般奴費南迪斯喺起腳前會跳起一下,觀察龍門反應、普巴嘅助跑特別慢,有啲球員希望捉龍門路,於是助跑嘅時候窒步,睇完龍門嘅反應再起腳,又有啲球員會一早揀定射門嘅方向,唔理龍門嘅反應。

實際上, 有研究指出,射十二碼嘅時候捉龍門路會大大減低12碼嘅入球率,因為捉龍門路,會令調整射門方向嘅時間減少,同時令射門嘅準確度降低。另外,有數據分析網站亦指出較長的助跑距離會令入球率顯著提高,而超過5步嘅助跑距離係入球率最高,但如果淨係助跑5步,入球率又會係最低。

⋯⋯

唔知各位讀者心目中十二碼最穩陣嘅球員又係邊位呢?今屆歐國盃決賽固然會成為十二碼嘅經典畫面,但原來本地波十二碼都有唔少經典畫面,大家又無咩回憶呢?

文:竹木心

影片來源:STARECAT.COM

查看更多
可能是文字的圖像

睇人氣王八村回味大AIR

奧運從來都係隻金蛋,雖然今年疫情下就冇海外觀眾,大家「鄉下」嘅旅遊業就梗係…….不過既然賽事照搞,各大品牌都梗要諗計搵銀,其中一樣產品就係籃球鞋。

主辦國日本自1976年蒙特利爾奧運後再戰男籃賽事,主將梗係打NBA巫師嘅八村塁,呢位簽咗「飛人牌」嘅貝寧x日本混血兒,今次會著AJ36出戰,特別嘅係品牌為佢出咗對黑紅色嘅PE(Player Exclusive)色,同日本件波衫都算襯。其實23歲八村人氣都幾勁,皆因佢會聯同摔跤新星須崎優衣一齊做日本嘅持旗手,佢亦會係第一個為日本「揸旗」嘅混血兒。

⋯⋯

不過呢類實戰版波鞋,如果要出街著可能未必咁易襯,以前因奧運而出嘅波鞋就唔同喇,如果要揀最代表性嘅,小弟一定揀1996年亞特蘭大奧運:美國夢幻隊8號、柏賓嗰對寶藍/白色嘅「大AIR」,呢對經典嘢到家陣喺街仲係咁多人著,奧運色上年再次復刻,不過喺香港,鞋迷總係一鞋難求,Better luck next time啦。

文: 守丹

查看更多
可能是 3 人、鞋類和文字的圖像

小編次次見到 施寶盛 控球控到咁出神入化,有時真係想拜佢為師。

25,049 次觀看
施寶盛

非常榮幸成為西甲聯賽新賽季專用足球 Adrenalina 代言廣告!!!😍

大家好快可以見到呢個足球!

#theheartoflaliga⋯⋯
LaLiga
PUMA
PUMA Football

查看更多