《星空下的仁醫》落實台慶月播放!有片!星級陣容6大必睇位 | 劇情 | 東方新地
星空下的仁醫

《星空下的仁醫》落實台慶月播放!有片!星級陣容6大必睇位

劇情

《星空下的仁醫》落實係2021台慶劇!在每年10月初開始至12月中,都係無綫的「台慶月」,台慶劇通常選在10月開播、橫跨11月19日台慶正日,去年11月無綫就推出《使徒行者3》、《踩過界II》作為台慶劇,今年11月檔的劇集尚未公布,但10月18日開播的黃金檔二線劇就落實為《星空下的仁醫》,全劇25集,結局周恰好撞正台慶正日;同樣由馬國明做主角、題材相近的醫療劇《白色強人2》會否因此無緣入選「台慶劇」?

文:東方新地 圖:TVB.com

台慶劇《星空下的仁醫》原名《兒童醫院》/《兒科醫生》

《星空下的仁醫》由《法證先鋒IV》監製方浤酌(原名方俊華)操刀、《導火新聞線》潘漫紅編劇,集雙視帝加鍾嘉欣疫情下返香港取景拍攝,今次被安排做台慶劇,立即看看以下必睇位:

必睇一:兩大視帝鄭嘉穎馬國明合體鬥戲

曾兩度榮登視帝寶座的鄭嘉穎時隔四年後再度接拍TVB劇集,更是首度挑戰醫生的角色,令觀眾萬分期待。馬國明飾演一名智商達160的兒科醫生,角色亦正亦邪、鮮明立體,非常有挑戰性。兩位視帝私交甚篤,這次碰頭互相鬥戲必定火花四濺。

【娛樂新聞台】馬明嘉穎手術袍現身拍新劇宣傳片

台慶新劇《星空下的仁醫》即將播出。日前馬國明同鄭嘉穎齊齊穿上手術袍為新劇拍攝宣傳短片。作為醫療劇專業戶,馬明接受訪問時講述拍攝手術片段時嘅難處,拍攝難度絕對唔會比動作片易㗎!而鄭嘉穎亦喺訪問中分享同小演員相處嘅經歷。

鍾嘉欣自爆片場念家落淚、鄭嘉穎催婚馬國明:

鍾嘉欣六年後首次回歸TVB電視劇《星空下的仁醫》做主演,接受訪問時佢話好掛住一對仔女,由於疫情原因唔方便團聚,嘉欣竟然喺片場一度失控落淚。同樣貴為人父嘅鄭嘉穎就同主持人一齊催婚馬國明,仲大讚馬明可愛。張寶兒話片場嘅兒童演員好聽話,羅仲謙則認為有咗BB之後會對細路仔更有耐心。

必睇二:鍾嘉欣時隔多年再度拍劇

鍾嘉欣繼《巨輪II》超煩口音Oh My God、Really之後,相隔6年後再度擔演劇集,飾演獨立果敢的兒科醫生,並與鄭嘉穎發展感情線,新鮮感十足,而且榮升媽媽級的她,在演繹醫治小朋友的戲份時感受更深、演出更具感染力。

鍾嘉欣周家怡劇集造型曝光

《星空下的仁醫》劇集造型曝光:鍾嘉欣飾演心胸肺外科醫生章以芯 ;馬國明飾兒科專科實習醫生況叢昕。(圖片來源:IG:@chungkayanlinda)

鄭嘉穎飾兒科專科實習醫生許甘楓,因為二十年前一宗手術與馬國明決裂。(圖片來源:IG:@chungkayanlinda)
鄭嘉穎飾兒科專科實習醫生許甘楓,因為二十年前一宗手術與馬國明決裂。(圖片來源:IG:@chungkayanlinda)
周家怡飾外科主管麥海琪,兩女與馬國明都有感情線。(圖片來源:IG:@chungkayanlinda)
周家怡飾外科主管麥海琪,兩女與馬國明都有感情線。(圖片來源:IG:@chungkayanlinda)

必睇三:周家怡再度與TVB合作

久未在TVB露面的周家怡去年憑電影《無雙》首度獲《香港金像獎》最佳女配角提名,演技備受肯定,她時隔九年後再度與TVB合作,大家拭目以待。

馬國明、周家怡 再續戲緣:

馬國明、周家怡兩人合作拍攝新劇《兒科醫生》,原來二人相隔八年再合作,對上一次合作拍劇係on call 36 小時,馬明係醫生,而周家怡就飾演護士仲暗戀馬明添!今次再合作,兩個人都係醫生會唔會又有戀情呢?大家到時睇咪知囉!

必睇四:首度以兒童醫院為題材

本劇由《法證先鋒IV》的監製方浤酌操刀,首度以小兒外科為題材,劇中的小朋友天真爛漫、充滿童心,將由身患不同疾病的病童帶出感動人心的情節,令人為之動容。

必睇五:醫生團隊協助打造逼真場景

本劇得到專業醫生團隊全力協助拍攝,劇中的手術和急救場面細緻度極高,病房和手術室的搭建得特別逼真,恍如實景。

必睇六:超級陣容亮的醫療團隊

醫療團隊的成員還有羅子溢、龔慈恩、郭少芸、海俊傑等。羅子溢當上爸爸後,演繹角色時增添了一份成熟感,他在劇中是飾演醫學院院長的龔慈恩之子,母子之間有關愛、期望、爭執與衝擊,演技大爆發,絕對值得期待。

《兒科醫生》劇組拍住劇歡度中秋

鄭嘉穎、馬國明、周家怡、郭少芸、龔慈恩等一眾演員,近期連日為新劇《兒科醫生》開工拍攝。適逄中秋佳節,嘉穎同嘉怡扲荷包萬歲大宴同事,齊齊歡度中秋!嘉穎同嘉怡都話係為咗大家開開心心,而馬明就話平時自己都有份請大家飲嘢,笑稱自己係「飲品部」咁話。

本劇更有多位年輕新力軍參演,包括郭子豪、何依婷、張寶兒等,青春的配搭展現出讓人驚喜的演技!

終極預告 | 劇集 《星空下的仁醫》海外版搶預告先睇|

去片:TVB節目巡禮2021 | 劇集 《兒科醫生》預告片

現實中的「香港兒童醫院」榮膺優質建築大獎最高殊榮

2020年度優質建築大獎早前公布結果,由建築署負責設計同興建嘅香港兒童醫院連奪兩項大奬,分別為大會最高殊榮嘅「優質卓越大獎」,以及「香港非住宅項目(新建築物—政府,機構或社區)」優質建築大獎。今次,黃偉綸局長邀請咗建築署署長何永賢、建築署工程策劃總監李翹彥介紹醫院設計同建築特色。

讀者留言