【謝霆鋒舊愛】趙學而盧巧音恨再合唱

藝人趙學而、盧巧音、沈殷怡、李幸倪和曾樂彤等、下午現身九龍灣，出席ViuTV節目《Chill Club》記者會，場面相當熱鬧。為「大師姐」的趙學而和盧巧音齊齊受訪。談到上次合唱引起網民熱話，二人開心說：「最衰係夾得唔夠多，下次會準備好啲。」盧巧音說：「真係好好玩，但要時間夾多啲，唔想畀人話搶咪。」二人合唱令人重提她們曾先後與謝霆鋒拍拖，盧巧音謂：「大家唔講都唔記得。」學而接口說：「人要向前看吖嘛。」

二人又打趣今日與大批樂壇生力軍同場，覺得自己不再年輕，學而說：「好多小鮮肉，真係時候退一退！」談到繼續擔任《Chill Club》主持，她坦言未有加人工，而且由於有音樂排行榜投票權，令自己聽很多新歌。