驚喜趙學而唱自己歌！糖妹翻唱對方作品答謝對方

歌手糖妹曾翻唱過陳慧嫻、陳百強、莫文蔚的經典歌，但日前「唱家班」趙學而在ViuTV的音樂節目上，卻點唱她的2016年舊作《一起不一起》，令屬原唱者的糖妹非常驚喜。

糖妹接受訪問時表示：「梗係好榮幸啦，係粉絲話我知，最驚喜呢首歌係近4年前嘅作品，依家終於有人欣賞佢啦，首歌係出自填詞人林若寧手筆，寫人生經歷寫得好好。」問覺得前輩唱得如何？糖妹大讚：「梗係唱得更有感情過我啦，我呢啲仲要等多啲人生閱歷先，覺得唱翻唱歌要還嘅，我都要翻唱吓趙學而姐姐嘅歌，先可以感謝到佢。」

談及其9月舉行的糖兄妹網上音樂會，她透露：「呢個係『糖兄妹十周年XR直播音樂Party』，會連埋boxset碟推出，最近多咗人對我唱歌有期待嘅，呢個係最開心嘅事，雖然啲歌係自己，唱過無敵次，但所以真係要練習、練習再練習。」又說近排肥了，所以要努力減磅。