死不悔改，呢啲咪黃友本色囉！話說審計報告一刀插入港台心臟，直指出港台開台以來的種種弊病，當中就叫市民O嘴就係收視竟然近零（按此重溫相關報道）。點知港台見到份報告之後，唔單止唔打算改善，仲要死雞撐飯蓋話報告計法唔啱，又左又右咁，認真醜怪！不如學著名導演李力持話齋，認認真真「同香港人做個交代」！

賴計法唔啱

港台節目製作人員工會主席趙善恩面對鐵錚錚嘅數據，仲有臉去駁嘴，都幾厚面皮。佢話喎，港台電視日日都只係播19個鐘，不過報告就計每日24個鐘，所以收看人數拉起來就低啲。之後又話，港台係公營廣播機構，要照顧小眾口味，唔應該用收視率「定英雄」。呢個時候就話自己係公營機構、要照顧小眾，懶有光環。點解唔見佢解釋港台啲時事節目咁深黃啊？

對於港台呢張嘴臉，真係人人見到都嬲。李力持都忍唔住喺Facebook怒轟，「麻煩港台同香港人做個交代」！

如果有心改善都仲好，不過港台依家就擺明唔知錯。咁樣不如早啲摺埋，唔好浪費公帑喇！

原圖：李力持Facebook、文匯報

https://www.facebook.com/leetailik/

http://paper.wenweipo.com/2011/09/28/ED1109280031.htm