譚凱琪宣告已誕一女

年初宣佈已與餐廳少東低調結婚成為幸福少奶奶嘅 譚凱琪 Zoie Tam ,6月宣佈已經懷孕。而星期一晚更經社交平台公佈已分娩正式誕下一女升任人母,據知B女重約6磅8安士。

10月10號生日嘅佢,近月雖然未有公開活動,不過不時貼出美照,正當外界一直猜度到底幾時分娩之時,Zoie就突然公佈喜訊,認真恭喜呀!

⋯⋯

Zoie又寫到:This is my kind of memorable staycation. Two people checking in and three people checking out. We feel really blessed to have this little precious one join our family. Mommy and Baby are doing fine. Thank you everybody for all your well wishes.
#譚凱琪

查看更多
圖像中可能有一人或多人、顯示的文字是「 zozotamlolo love_dog_crazy_grooming 其他人 都讚好 zozotamlolo This my kind of memorable #staycation. Two people checking in and three people checking out. We feel really blessed... 更多 查看全部65 則回應 8221theresa 恭喜 sahooleung ®田餐支爽 8分鐘前」

新劇挑戰水手服造型 Ali新劇形象百變

喺新劇《智能愛(AI)人》扮演智能機械人嘅 Ali李佳芯 ,呢日同 #陸永 仲有其他男演員拍攝外景,Ali喺劇集當中有多過形象,佢仲話會挑戰水手裝打扮,不過佢就事先聲明覺得自己完全唔性感喎。

除咗唔同裝扮之外,Ali呢個機械人角色仲要長期戴住有色隱形眼鏡,仲要唔可眨眼,就連陸永都戥佢辛苦呀。

⋯⋯

今次 @馮盈盈 會扮演一個女強人,同過往演出嘅角色大有分別,佢仲會同陸永、Ali之間展開三角戀,而 麥美恩 (Mayanne Mak) 就大爆當中嘅詭計喇。Mayanne喺《使徒行者3》客串演出一名臥底,雖然戲份唔多,不過就獲觀眾大讚表現喇。

至於扮演陸永同Mayanne父母嘅 蔣志光 Ram Chiang Fanpage 同 #盧宛茵 ,就話拍攝時笑聲不絕,仲話Mayanne反應夠快,仲非常貼心添。

#智能愛人 #李佳芯 #陸永 #馮盈盈 #麥美恩 #蔣志光 #盧宛茵

查看更多

首位香港男演員獲獎 任達華勇奪金鷹視帝

任達華 Simon Yam Tat Wah 喺湖南長沙舉行嘅第30屆金鷹獎,憑扮演澳門餅家老闆,見証回歸前後變遷嘅角色,成為首位香港男演員勇奪視帝寶座。華哥對獲獎心情興奮,仲話多謝劇組之餘,仲非常感激太太同囡囡嘅支持呀。

至於視后就由 #童瑤 憑《大江大河》嘅角色奪得,而觀眾喜愛的男、女演員,就分別由《陪你到世界之巔》嘅 #王一博,同《知否知否應是綠肥紅瘦》嘅 #趙麗穎 獲得。

⋯⋯ 查看更多

鍾嘉欣包辦作曲兼主唱 為《兒科醫生》主題曲獻聲

由溫哥華返港拍劇嘅鍾嘉欣 Linda Chung 呢日為《兒科醫生》嘅主題曲同一位小朋友一齊拍攝MV,Linda今次除咗主唱之外,仲負責埋作曲,呢日佢就話已經好耐冇為劇集主題曲獻唱喇。有份演出嘅佢就話可以更投入創作,成品仲更加配合添。

已經3個月冇同家人見面嘅佢,呢日同小演員一齊合作,難免就會令佢更加掛住屋企,佢仲話完成拍攝之後,就會飛返溫哥華見佢哋喇。

⋯⋯

今次為咗拍攝,Linda仲學咗一門新樂器,除咗配合劇情之外,佢仲話拇子琴嘅音樂可以令自己非常放鬆呀。同嘉欣喺音樂合作多年嘅 #何哲圖 就大讚Linda對音樂嘅熱誠喇。

#兒科醫生 #鍾嘉欣 #主題曲 #MV #拇子琴 #何哲圖

查看更多

新劇今晚首播 謙仔情陷Kelly秀文

新劇《木棘証人》一陣21:30就會首播,相隔4年再次演出TVB劇集嘅 @羅仲謙 HIM LAW ,劇中仲會糾纏喺律師 @張曦雯 Kelly 同嬌嗲情人 張秀文 Sammi Cheung 之間,比我就真係唔識揀喇,唔知謙仔又會點揀呢?

雖然劇情圍繞住一啲案件發生,不過其實係一部輕鬆喜劇,Kelly就話自己要放低晒以往嘅形象去演出喇。不過Sammi就否認自己真我演出,大家一直都誤會咗佢咁話呀。

⋯⋯

雖然今日劇集先首播,不過佢哋就已經心急到話想開第二輯喇,想知點解,就要留意呢集 蘇可欣 Eunice So 主持嘅《StarTalk》喇。

《木棘証人》10月19號(今晚)起 21:30 翡翠台

#StarTalk #木棘証人 #羅仲謙 #張曦雯 #張秀文

查看更多

腳傷未癒拐杖助行 王君馨死頂拍新劇

早前因為拍攝《超能使者》不慎受傷嘅 王君馨 Grace Wong 雖然仍然要用拐杖撐住行,不過就已經繼續為另一部新劇《我家無難事》拍攝喇,Grace仲同我哋講話康復程度唔錯,但係就因為成日坐搞到腰痠背痛呀。

Nina Paw - 鮑起靜 扮演一對師徒嘅佢,仲話今次合作獲益威多,袋咗好多錢落袋添。鮑姐就讚到呢班後生不得了,咁唔知父子檔上陣嘅馬神 馬德鐘 又點睇囝囝 #馬在驤 嘅演出呢?

⋯⋯ 查看更多

上月升任做媽咪 張馨月母乳製番梘

9月底宣佈已經為 #林峯 誕下愛情結晶品嘅 #張馨月 早前貼出積極修身嘅倒立圖片,日前更加貼出近年非常流行嘅母乳皂相,仲話:母乳皂製作成功添。

近年開始流行嘅母乳皂,顧名思義係將過多嘅母乳製成番梘,為嬰兒沖涼潔淨所用,有指母語皂對BB皮膚好,不過亦有醫生意見指可能會引起皮膚敏感,建議小心使用。

⋯⋯

部份孕後媽媽就因為母乳分泌旺盛,為免浪費會將母乳製成番梘,清潔之餘更有人視為紀念擺設。

(微博圖片)

#張馨月 #人奶 #母乳皂

查看更多
未提供相片說明。
圖像中可能有一人或多人、鞋子和室內
圖像中可能有1 人、站立和鞋子

美棋媽媽受椎間盤突出困擾 靠運動紓緩痛楚

椎間盤突出呢個問題困擾唔少人,呢日《流行都市》就同大家一齊探討呢個問題,而主持之一 黃美棋Meiki Official 就話,原來佢媽媽都受呢個問題困擾,除咗睇醫生之外,仲要靠運動去紓緩不適添,而焦仔skybanana 仲同大家分享醫生教嘅紓緩運動添。

佢哋又講到為咗同大家搜羅更多流行好物,遲啲就會扮鬼扮馬為大家一一介紹喇。最近限聚令略為放寬,有經營餐飲生意嘅美棋就話,生意比早前大為改善,

台藝人丁小芹賣假貨判監30個月

時下流行網上直播購物,不過有藝人藉自己身份賣假名牌,最終被判監。台灣藝人 #丁小芹 2015年時經社交平台直播出售名牌,不過有顧客事後發現手袋疑為假貨,更有人錢貨兩失。

受害者事後聯合報警追討,丁小芹更發聲明道歉認錯,2018年當地法院判決13項欺詐罪成,判刑3年6個月,當時丁小芹曾要求緩刑,而法院則命令佢向受害顧客同品牌作出賠償。

⋯⋯

法院事後作出減刑,不過認為佢未符緩刑條件,今日判處17號度過41歲生日嘅佢2年6個月監禁。

(網上圖片)

#丁小芹 #直播 #假貨 #判監

查看更多
圖像中可能有1 人、特寫
圖像中可能有文字

米雪方平憶故友 追思導演鄧衍成

曾經拍攝多部知名劇集同電影嘅資深導演 #鄧衍成 ,多年嚟作品無數,好似《我和殭屍有個約會》、最近播出嘅《飛虎之雷霆極戰》等,7月時不幸因癌症離世,享年69歲。家人星期六舉辦追思會,多位曾經同導演合作嘅圈中好友都致送花圈或者到場致哀。

同導演相識多年嘅米雪、方平等,都對故友讚譽有嘉,更加分享好友生前嘅相處點滴。

⋯⋯ 查看更多

2020年10月19日(一)節目預告

7:00pm - 8:00pm
娛樂新聞報道/
8:00pm - 8:30pm⋯⋯
J2娛樂新聞報道
主播:周奕瑋 / 陳詩欣

10:00pm - 11:00pm
娛樂新聞報道
主播:鄭衍峰 / 鞏姿希

11:45pm - 11:50pm
翡翠台:娛樂頭條
(娛樂新聞台製作)

12:00am - 12:30am
J2娛樂新聞報道
主播:鄭衍峰 / 鞏姿希

快啲下載 big big channel ,揀選娛樂新聞,欣賞更多精彩內容啦!

查看更多

余思霆返台暫別香港

2017年國際中華小姐冠軍 余思霆 霆霆 stitch 星期日下晝喺社交平台出Post,宣佈暫時離開香港返回台灣,仲貼出同一班老友包括男友 Brian朱敏瀚 早前去主題樂園玩嘅圖片告別。佢仲依依不捨咁留言話:

在飛機上...⋯⋯
這趟路程有點不捨但去充滿著希望
我要短暫的離開香港啦!
公司讓我回台灣 希望我能有更多更好的作品
能夠帶給大家歡笑~
這次回去暫時是張單程機票,
不知道什麼時候能再回香港, 半年?一年?
可能我3個月就回來了?
這個暑假我認識了一些新朋友和貴人,
謝謝你們讓我更捨不得香港,
也讓我知道我在香港也有很疼我的朋友們!
霆霆不會讓你們失望的!
休息了大半年,是時候爆發霆霆小宇宙!
努力衝一波啦!
我會很想你、你們的!

據知思霆今次返台,將會繼續拍攝節目,大家要繼續留意喇。

(Instagram圖片)

#余思霆

查看更多
圖像中可能有天空
圖像中可能有1 人、天空、戶外、水和大自然
圖像中可能有7 人、大家站著、天空和戶外

何超蓮上海做跟得女友 公主打扮與竇驍出活動

有何家最索千金之稱嘅 Ho Chiu Lin Laurinda 何超蓮 同內地男星 #竇驍 經常出雙入對,仲齊齊喺內地出席活動,呢日佢哋就以高貴打扮齊齊現身喇。

超蓮仲話今次係為咗將自己嘅牛肉麵生意帶入內地,進行咗一啲前期工作,而男友竇驍早前為一部古裝劇演出一位大臣,仲話新劇應該好快就會同大家見面喇。

⋯⋯

同場嘅仲有 #張雪迎 以低胸打扮出現,不過內地氣溫已經下降,佢就同大家分享自己嘅秋冬打扮技巧喇。

#何超蓮 #竇驍 #張雪迎

查看更多

李克勤年初至今零收入 謝嘉怡食螺絲惹爆粗疑雲

籌款節目《善心滿載仁愛堂》星期六舉行,大班藝人出席支持,出心出力幫手嘅 李克勤 Hacken Lee 就話因為受疫情影響,所以由年初至今都係零收入,所以年底將會北上內地搵真銀喇。

而應屆3位港姐 謝嘉怡 Lisa-Marie Tse #陳楨怡 同 #郭柏妍 都有參與節目,不過Lisa就因為太過緊張而食螺絲,搞到爆出爆粗疑雲,事後佢就解釋係大頭蝦唔記得對白所致。

⋯⋯

而日前《C9特工》一集驚現 HANA 菊梓喬 現身,正當大家都以為佢有份客串之際,呢日佢就解釋原來一切都係美麗嘅誤會,仲話希望快啲有機會再拍劇添呀。

而有份演出《金宵大廈2》嘅 胡鴻鈞 Hubert Wu 就透露自己已經開工,仲話自己有份嘅單元係同 #連詩雅 合作多啲添。

呢晚擔任嘉賓嘅 王馨平,早前誤傳佢長居台北嘅爸爸 #王羽 過身,呢日佢就澄清爸爸身體情況穩定,目前有看護貼身照顧。而日前生日嘅 泳兒 Vincy 就甜蜜分享男友為佢準備嘅生日驚喜呀。

早前 傅嘉莉Kelly Fu蔣家旻Angel Chiang 為《流行經典50年》擔任嘉賓,不過唱功就被指仍需加倍努力,呢晚有份演出嘅佢哋,都話玩遊戲同演戲在行多啲呀。

#善心滿載仁愛堂 #李克勤 #謝嘉怡 #陳楨怡 #郭柏妍 #菊梓喬 #胡鴻鈞 #王馨平 #傅嘉莉 #蔣家旻

查看更多

劇情拍開生日P 大小姐順便慶祝44歲生日

日前同大家講過,星期六係大小姐 林淑敏 Mandy 嘅生日,而唔知係咪幕後人員刻意安排,咁啱噚日《愛.回家之開心速遞》嘅劇情,就係拍大小姐嘅大型生日派對,大家就自然順勢開一個真嘅Party喇。

除咗Mandy之外,今個月仲有大龍生 #羅樂林 同啱啱宣佈快將結婚嘅 岑杏賢 Jennifer Shum 都係10月之星,大家齊齊慶祝就自然更加開心啦,而阿滕 Joyce Tang 滕麗名 仲預早準備好蛋糕添。

⋯⋯

難得有一班咁親切嘅同事,難怪Mandy留詔言話希望以後都同大家繼續慶祝喇,佢話:

今年其中一個生日願望係: 下年可以同爸爸和Jennifer 一齊過😍。因為繼續愛回家,就可以繼續見到我所愛的大伙兒 #我感恩包圍著我的

為咗呢個目標,我要求天父给我身體健康啊💪🏻每年都啜啖你地🤤,阿門!

#愛回家 #大小姐 #林淑敏 #Icy #岑杏賢 #大龍生 #羅樂林 #十月之星

查看更多

10月18號係 #羅文 離世18周年,佢嘅歌曲同聲線依然令大家非常懷念,1994年佢仲曾經同已故嘅 #大傻 #成奎安 一齊同當屆港姐齊齊演戲。羅記當時話無論唱歌定係做戲,都一定要投放感情,佢認為咁先會投入演出同感染觀眾呀,一齊回顧當時嘅片段吖。

#羅文 #成奎安

【大台寶藏】羅文好戲嚇怕康華
51,581 次觀看
TVB 在「大台寶藏」發佈了 1 段影片。

【大台寶藏】羅文好戲嚇怕康華

羅文除咗係唱家班之外,演戲亦都有一手;佢不但教康華佢哋演戲嘅竅門,仲特登假扮受傷,嘛到佢哋雞毛鴨血添!

#大台寶藏 #羅文 #康華 #黃𨥈瑩 #演技⋯⋯
立即下載 big big channel睇更多啦!
iOS 版本:https://goo.gl/mKdpgY
Android版本: https://goo.gl/koAb9o

查看更多

回歸TVB新劇首播 羅仲謙盼傳歡樂氣氛

羅仲謙 HIM LAW 事隔4年再為TVB拍攝嘅新劇《木棘証人》下周一(19號)就會首播,已經一段時間冇喺電視螢光幕見大家嘅佢,又話希望新劇嘅輕鬆氣氛會為大家帶嚟歡笑咁話呀。

新劇屬於警匪喜劇,謙仔就話拍攝時一樣輕鬆有趣,仲大爆因為 #韋家雄 太百厭而令台前幕後都笑到肚痛呀。

⋯⋯

4月升任人父嘅謙仔,既要為《木棘証人》宣傳,同時又忙住拍攝《兒童醫院》,令佢同小珍珠冇乜時間相處,搞到佢一有空閒時間就要同寶寶囡視像通話解相思呀。

#羅仲謙 #木棘証人 #小珍珠

查看更多

戴祖儀醉心現代藝術 為日名家辦香港展覽

相信近月大家都發現 Joey Thye 戴祖儀 鍾意現代藝術呢個嗜好,收藏多多嘅佢仲同朋友合資開公司經營買賣同舉辦展覽活動。早前佢仲幫日藉藝術家 #橋爪悠也 搞香港展覽,當中部份展品仲以Joey為設計主題添。

其實展覽本來有一個一比一等身大嘅Figure展出,不過最後就因為海關問題而未能如期送到,令Joey有啲失望呀。佢仲話自己心願係希望將藝術同自己嘅歌曲作品融合,所以佢已經拜托橋爪悠也,希望新碟推出時再次合作呀。

⋯⋯

嚟緊Joey又會同另一位本地藝術家合作,Joey仲話叫大家要繼續留意添。

#戴祖儀 #橋爪悠也

查看更多

姊弟戀緣盡消瘦 周興哲坦承未忘情

台灣歌手 周興哲 Eric Chou 早前與年長6年嘅前主播女友 #趙岱新 分手,呢日出席活動時明顯為情消瘦,連佢自己都坦承仲未走出失戀傷痛,仲處處維護女方添。

同場出現嘅仲有靚女 鬼鬼 吳映潔郭雪芙 Puff ,早前減磅成功嘅佢仲大方同大家分享減肥心得添呀。至於入圍今屆金馬影帝提名嘅 @林柏宏 就話自己對獎項抱平常心,因為能夠入圍已經非常開心,反而要準備拍攝新戲就令佢更加緊張喇。

⋯⋯ 查看更多