【十大中文金曲】林奕匡奪金曲獎多謝女友:佢畀咗好多愛我!|香港01|眾樂迷

【十大中文金曲】林奕匡奪金曲獎多謝女友:佢畀咗好多愛我!

撰文:陳奕熙 李妍樺
出版:更新:

《十大中文金曲頒獎音樂會》於九展舉行,其中林奕匡憑《有人共鳴》奪得「十大金曲獎」,他先後多謝電台、公司同事、歌迷:「歌係講要搵一個有人共鳴的人係一件好難嘅事,我仲想多謝個人,喺我人生面係『有人共鳴』,佢畀咗好多愛我,多謝我女朋友!」女朋友聽到肯定Sweet到爆!

林奕匡得獎後表示來年會做更多廣東歌:「因為上年我出了一張國語專輯,我是有怪自己放太少時間在廣東歌,(是否打算進軍內地市場?),不會,我很重視香港市場,所以2017年會放多一點時間在廣東歌,會寫更多廣東歌給大家聽。」

今次得獎,林奕匡公開多謝女友。(黃國立攝)

至於向與女友愛得高調的陳柏宇(Jason)亦憑《告別之前》奪得「十大金曲獎」,Jason一上台頒獎嘉賓曾志豪和貴花田已開玩笑叫他放閃,不過Jason未有理會,而是逐一感謝一直支持自己的團隊,又說:「希望用行動去報答大家嘅支持,做更多好歌。」臨走時,曾志豪更開玩笑話:「出世喇!」Jason聽言誤以為了講BB出世,反問了一句,曾志豪即笑說:「出世高手!」

陳柏宇今年奪得多個獎項,不再「隱世」。(梁碧玲攝)
發表評論...