香港早前出現社區變種病毒個案，初步基因排序發現係N501Y變種病毒株，屬於最初喺南非發現嘅變種病毒株。N501Y嘅變異，改變左病毒表面關鍵嘅部分，令佢地更容易進入人體細胞，增加病毒嘅傳播風險。

自疫情開始，新冠病毒一直進行變異，大部份變種病毒株都唔會對人類構成威脅。經過流行病學分析後，發現當中有一啲變種病毒株會增加病毒傳播風險同死亡率，呢類有機會導致更大規模傳播嘅病毒株受到科學家嘅關注，需要受到密切持續嘅監測。

受到關注嘅新冠病毒變種病毒株例子：

病毒株名稱：20I/501Y.V1

支系名稱： B.1.1.7

首次檢測到：英國（2020年9月）

特性：傳播率增加約50％、增加發病時的嚴重性和死亡率

病毒株名稱：20H/501.V2

支系名稱： B.1.351

首次檢測到：南非（2020年10月）

特性：傳播率增加約50％、增加發病時的嚴重性和死亡率、可能減低疫苗效用

病毒株名稱：20J/501Y.V3

支系名稱： P.1

首次檢測到：日本/巴西（2020年12月）

特性：傳播率增加約50％、可能增加發病時的嚴重性和死亡率、可能減低疫苗效用

印度疫情持續嚴重，大部分個案屬於本土「雙重突變」病毒株 B.1.617，其次係最初喺英國發現嘅變種病毒株 B.1.1.7。最近更喺樣本入面驗到第二種「雙重突變」嘅變種病毒株，「雙重突變」指喺一個病毒株中出現兩個突變，科學家正進一步研究兩度變種後嘅病毒，會唔會更具傳染力或者減低疫苗嘅效用。 大家喺呢個時候記得唔好掉以輕心，要繼續做好防疫措施呀~

參考資料：世界衛生組織、美國疾控中心、歐洲疾病預防控制中心