譚仔三哥×望月「雙椒相遇二人餐」 買餐送2款蝴蝶酥

向來鍾意創新及支持本地創意產業嘅譚仔三哥米線（譚仔三哥），將與本地人氣烘焙品牌「望月」合作，推出兩款融入譚仔三哥「香麻辛辣」精髓嘅「實小勒麻辣味蝴蝶酥」及「土匪雞翼味蝴蝶酥」，並隨期間限定嘅「譚仔三哥X望月︰雙椒相遇二人餐」送出。黛安聽聞，譚仔三哥為隆重其事，特別喺11月11日舉辦「11秒『酥』Time」對望挑戰活動，喺5間指定分店免費派發呢盒蝴蝶酥，畀大家感受「香麻辛辣、意想不到嘅相遇」，作為三哥粉絲嘅男團P1X3L成員Marco，更率先試食呢款二人餐同埋2款蝴蝶酥，仲即場與三哥姐姐親身演繹真人版宣傳海報，及大玩對望遊戲。

公關姊妹話，即日起至本月16日，凡惠顧上述期間限定嘅二人餐，即可免費獲贈蝴蝶酥乙盒，當中包括2款口味各2塊，送完即止。另外，11月11日下午2至4時，喺元朗西菁街、荃灣南豐中心、筲箕灣形薈、深水埗南昌薈和大埔八號花園分店，出示含米線嘅譚仔三哥即日收據，即可參加對望遊戲，完成挑戰都可獲贈蝴蝶酥㗎。詳情可參閱當日遊戲攤位嘅條款。