120
60
36
港鐵佐敦站C2出口,步行約6分鐘, 港鐵柯士甸站F出口,步行約3分鐘 繼續閱讀
電話號碼
23787672
23787673
開飯介紹
每日供應豐富的早、午、晚自助餐,周末設有下午茶自助餐,另有中西菜式供選擇。 繼續閱讀
營業時間
今日營業
06:30 - 23:00
星期一至日
06:30 - 23:00
付款方式
Visa Master 現金 AE JCB
座位數目
130
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車
電話訂座
加一服務費
以上資料只供參考, 請與餐廳確認詳情
招牌菜
日本刺身 長腳蟹 燒海鮮 鐵板燒
食評 (242)
今日去龍堡國際食自助晚餐,依間老牌自助餐,一向以低價吸食客,質數未知係點,即刻同大家去睇吓~~**凍海鮮**黃金螺 - 幾新鮮爽口,係有啲沙。紐西蘭青口 - 都爽口,但冇乜 鮮味好淡。凍海蝦 - 幾新鮮,唔係好爽口鮮味個款,亦有啲細隻。蟹腳 - 睇落有啲污糟,蟹腳都唔算幼,蟹肉唔太咸肉質唔散,都可以食得吓。**小食**螺肉轉左中華沙律 - 間間味道都一樣,冇特別。煙三文魚 - 染左紅色,唔知係咪情人節扮花瓣。生果沙律 - 味道一般。豆腐粒同海蜇比較甜。**壽司及刺身**刺身唔係師傅即場切,係預早切好一片片,攞出嚟比客人自己夾。鯛魚及希靈魚刺身 - 普普通通。三文魚 - 幾肥冇筋,魚味都幾濃, 但唔凍仲有啲暖。四款卷物基本上冇大分別,只係外層唔同,食落發現種左伏,飯冇加醋冇味道,而且質感已雪左一段時間舊飯比較實但個質地又有啲黏,唔多好食。**生蠔**生蠔 - 唔係即開,寫住係西班牙蠔,一次只攞兩隻,蠔肉唔太CREAMY,海水味勁濃勁咸。**餐湯**有4款湯,有菠菜忌廉湯、蓮藕章魚湯、茶樹菇湯、蟲草花雞湯試左蟲草花雞湯 - 個湯有啲黃油,啖湯清左啲,冇乜味。**熱食**蘿蔔花螺煲 - 都幾辣螺肉爽口辣汁好惹味。五柳甜酸魚 - 都係暖魚肉比較乾硬,甜酸汁平衡得唔錯。柚子蜜汁鴨胸 - 鴨胸有啲硬唔夠淋,味道普通。蜜桃醬烤豬串骨 - 豬串骨肉質算淋,但冇乜味, 整體上比較淡味。燒茄子 - 幾香,味道有小小甜。炸墨魚餅 - 有啲淋,外皮幾鬆脆墨魚肉有啲削。燒水牛城雞翼 - 唔係雞翼,食落似係雞胸肉切片多啲,都幾好食幾香口,只係乾左啲。甜薯唔熱, 只係小小暖, 味道普普通通, 印度烤餅 - 烤餅唔脆太淋唔多好食。咖哩牛肉 - 非常淋,唔太辣都唔錯。時菜少蚌條 - 珊瑚蚌有啲韌,但味道唔差,蘆筍幾爽口,大部份幾嫩。時蔬 - 普普通通。**特式粉麵**師傅煮左幾分鐘就完成,可以選擇湯底清湯或麻辣湯,加左蔥花及炸蒜睇落好似幾好味,依碗係凈要送唔要米粉,裡面有牛肉,有啲韌,牛味一般。土魷都幾厚身幾爽口。豆腐福袋,裡面係魚肉,幾好食。仲有好似係鱈魚膠,唔太淋仲有啲爽口。仲有半粒魚蛋,冇乜特別。同埋有菜、金菇同芽菜。個清湯幾深色,有啲似藥材湯,又似丁麵湯粉, 唔知係乜湯,味道有啲濃。**鐵板燒**鱸魚 - 肉質嫩滑,唔加醬汁更好味 。海蝦 - 生熟剛剛好,蝦肉爽口鮮味。羊架 - 好淋,羊羶味唔濃,羊肉粉紅色冇血水,好得。**烤西冷牛及羊腿**羊腿 - 好淋唔太羶,配薄荷同芥辣醬更好食。牛扒 - 都好淋,但牛味唔太濃,一般。**片皮鴨**鴨肉連皮加上青瓜蔥及醬汁摺埋佢,鴨皮小小韌,味道唔錯。只試左幾款,綠茶芝士餅都OK,蜜桃葡撻有啲乾及凍,椰撻一般。 有啲裝飾有心心應該係尋日情人節用。** 結論**整體上款式都多,食物方面冷盤類還可以,熱食類好多都唔夠熱只係暖,鐵板及即場處理食品幾唔錯,生蠔及刺身處理上有小小怕細菌問題。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-09
983 瀏覽
🔹️晚上到位於尖沙咀龍堡國際酒店 “園林閣咖啡室” 自助餐🍽 地方寬敞、服務貼心👨‍💼👩‍💼厨師友善👨🏻‍🍳價錢親民💰性價比高👍🔸️食物種類不算多, 但質素OK, 自助晚餐只需$298免加一🤭, (農曆新年除外)食物有生蠔🦪刺身🍣長腳蟹🦀牛扒🥩羊架🐏片皮鴨🦆湯麵🍜甜品🥧雪糕🍨蛋糕🍰自助飲品🍹等等🍴 繼續閱讀
(以上食評乃用戶個人意見 , 並不代表OpenRice之觀點。)
等級4 2023-12-07
2146 瀏覽
用餐日期:2023/11/25可用餐時段:07:00-10:30,3小時30分鐘用餐費用(每人):成人$168+1,長者$128+1餐廳環境:餐廳坐位整體整潔乾淨 冷氣足 檯與檯之間闊落 坐得舒服 但餐廳的洗手間很舊且有很難聞的味道服務:服務員服務有禮貌態度好 收碟及時 沙律吧:沙律菜和配料選擇很少 醬汁有2款 味道一般 不推薦乳酪:有4種味道 味道正常穀物:有2款穀物 1款牛奶 沒乾果 沒果仁 沒凍麥皮 不推薦麵包:有4款包類 1款pancake 提供1款牛油 2款果醬 2款芝士 1款火腿 Pancake煎好的都沒保溫 口感偏實硬 芝士切得很薄味道也一般 不推薦熱食:有蛋檔提供煎蛋+Pancake 沒麵檔 熟食有十多款 中式有粥 麥皮 炒麵 炒飯 炒蛋 2款點心等 西式有正常烤炸物 中式味道一般 西式的薯餅又凍又稔 表面一點鬆脆感都沒有 自助早餐中少見的難食 不推薦 水果:有3款,味道正常鮮甜飲品:有熱茶 2款果汁 咖啡類型沒選擇 只有齋啡,牛奶要另加 加了奶的咖啡也是超苦 不推薦總結:這家自助早餐的選擇不多但價錢偏貴 沙律選擇少 熱食味道一般 沒麵檔 薯餅更是難食 同樣價錢絕對有更好的早餐自動餐選擇 所以不推薦這家早餐自助餐 繼續閱讀
(以上食評乃用戶個人意見 , 並不代表OpenRice之觀點。)
之前朋友係kkday自助晚餐買一送一用餐時段:6:30pm 至 9:30pm冇分兩輪👍🏻有三個鐘慢慢食每人HK$368 包加一服務費見到咁平,當然去試吓⭐️蒜蓉粉絲蒸扇貝⭐️呢個係全場重點之一蒜蓉份量非常之多,粉絲充滿蒜蓉味🤤扇貝幾新鮮👍🏻因為呢個蒸要時間,加上一人一籠所以都幾多人排隊呢個係回本位之一🔥⭐️海鮮⭐️長腳蟹、生蠔、青口、凍螺、蝦、刺身食咗長腳蟹都幾多肉,味道正正常常🦪生蠔任食生蠔唔係即叫即開🧐冇腥味,唔算太肥美呢個價錢嘅自助餐唔可以要求咁多🙈⭐️熱食⭐️有鐵板燒牛仔骨,虎蝦及魚片碗蒸鮑魚櫻花蝦飯咖喱炸物中湯⭐️飲品⭐️有無限量玻璃樽汽水今時今日真係好少餐廳有得飲玻璃樽汽水仲有Coke Zero👍🏻⭐️甜品⭐️甜品種類都算多最好食係Mövenpick 雪糕🍧 繼續閱讀
(以上食評乃用戶個人意見 , 並不代表OpenRice之觀點。)
早排去尖沙咀食自助晚餐,有生蠔、凍蟹腳、威靈頓牛柳、蒜蓉蒸扇貝、Movenpick雪糕,總共每位只需$317!有提供生蠔嘅自助晚餐,應該都係數佢最平!生蠔大部份鮮甜唔錯🦪,鱈蟹腳就普通D🦀。威零頓牛柳ok(但唔係包風乾火腿,而係包普通火腿,唔正宗),蒜蓉粉絲蒸扇貝有驚喜,片皮鴨唔得...中湯例如蟲草花雞湯、咸菜豬肚湯都唔錯🍲甜品就真係主要食movenpick雪糕🍨人均價錢非常平,所以基本上一定返到本,亦唔會覺得特別中伏,食到一肚氣。服務正常,收碟速度都好快計埋加一先$317,性價比之選! 繼續閱讀
(以上食評乃用戶個人意見 , 並不代表OpenRice之觀點。)