王雙駿音樂會｜謝霆鋒激罕大騷結他功架唱《活著VIVA》：掛住你哋
撰文：鄧穎琪
出版：更新：
由【電笠】主辦、殿堂級音樂製作人王雙駿（Carl叔叔）首個音樂會《王雙駿HATS ON 音樂會 While the Music Lasts》今晚（9日）在香港會議展覽中心Hall 5BC隆重舉行，今次演出一大焦點是甚少在香港表演的謝霆鋒，激罕擔任嘉賓！
霆鋒以戴帽造型，揹著電結他登場，演繹《潛龍勿用》！（葉志明攝）
謝霆鋒一出場即自彈自唱《潛龍勿用》，大騷結他功力。（葉志明攝）
去到音樂會第10首歌，終於等到霆鋒登場，更大騷結他功架，自彈自唱《潛龍勿用》掀起高潮，全場觀眾High到企起身，有人大叫「開演唱會！」之後他說：「好耐冇見！」Carl叔叔問：「你同我講呀？」霆鋒說：「好耐冇喺香港演出，亦都好耐冇同Carl叔叔一齊演出，掛住你哋！今晚呢幾隻歌都係我自己寫嘅幾隻歌，亦都係Carl叔叔幫我監製嘅幾隻歌，希望你哋鍾意！」
謝霆鋒脫下帽子唱《玉蝴蝶》。（葉志明攝）
謝霆鋒相隔多年，終於在舞台與香港觀眾見面，全場High爆！（葉志明攝）
之後他唱出《玉蝴蝶》，然後脫去外套叫大家企起身，唱《活著VIVA》，全場尖叫聲不斷。Carl叔叔曾在訪問表示，「Guitar Hero」Jason Kui是因為聽完《活著VIVA》才學結他，所以三人在台上Jam歌，一齊彈《活著VIVA》，非常精彩！
謝霆鋒與王雙駿、結他手Jason Kui一齊Jam歌彈《活著VIVA》。（葉志明攝）
+3
霆鋒母親狄波拉都有到場支持阿仔！（葉志明攝）