謝影雪帶愛犬現身活動 重新投入訓練備戰 港隊羽毛球代表 謝影雪 Tse Ying Suet 同拍檔 #鄧俊文 喺早前嘅東京奧運奮戰得第4名,雖然未有獎牌,不過就已經令香港嘅觀眾對佢哋有更深嘅認識喇。呢日佢就帶埋愛犬「啤啤」現身一個寵物食品活動,仲吸引咗唔少球迷同支持者到場添。 一直支持流浪動物權益嘅佢,就透露啤啤都係領養嘅狗仔,不過成日要周圍征戰嘅雪雪就大爆,每次都係自己掛住佢多啲,而啤啤就有零食就會乜都唔記得喎。 10月就會再出戰嘅佢,因為早前回港要接受檢疫隔離,而近日已經重新開始訓練,為下次嘅比賽努力呀。 #謝影雪