【#正言正片】重提「單手攀石聽電話」 謝天華：「但我覺得係特別」

由周家蔚及劉永健主持的ViuTV全新節目《友枱VIP》，每集都會邀請到不同的圈中好友上節目，新一集就請來謝天華這位型佬。

藝人謝天華2013年在TVB的告別作《神鎗狙擊》中，一場單手攀石傾電話的戲份，一直慘被網民恥笑為香港電視史其中「最膠」的一幕。不過，他近日出席ViuTV的節目時，就為自己「平反」，「有好多人話唔合理，隨時跌死你呀，但我覺得係特別，因為你兩隻手爬上山頂先聽電話都得，但係就冇新意。咁我就同導演講，不如咁樣啦，我爬到咁上下就單手接電話啦，咁佢覺得OK，冇問題。但出到嚟好多人話唔make sense，好多人挑機。」

謝天華又質疑是大家帶上「有色眼鏡」，「我覺得佢哋接受唔到亞洲人可以做到呢樣嘢，如果係一個外國人，佢哋覺得外國人冇事，點解你哋會有呢個想法呢？」