謝和弦出新歌揭舊愛身份 模特兒成語蕎當年曾遭劈腿分手|香港01|即時娛樂

謝和弦出新歌揭舊愛身份 模特兒成語蕎當年曾遭劈腿分手

撰文:
最後更新日期:

成語蕎被爆出係謝和弦舊愛,二人於十年前曾經交往,而當時嘅成語蕎剛以模特兒身份入行。(imjennycheng@ig圖片)

謝和弦同老婆Keanna以及新歡莉婭(Liya)三角關係雖然尚未解決,但並未對謝和弦造成任何影響,近日更準備將10年前舊歌《Jenny》推出,歌詞中「我完全被妳吃的死死」「妳怎麼可以讓我欲死欲仙」,擺明係同過往嘅情史有關。與此同時,謝和弦喺IG上載多張與Jenny對話嘅截圖,其中一句係Jenny話:「沒想到這首歌你要發行了!」

謝和弦喺IG上載同成語蕎嘅私訊截圖,令一段舊情曝光。(chord0415@IG圖片)

有網友即時搵出原來Jenny正正係模特兒出身嘅成語蕎,現年35歲嘅佢曾經推出過EP、亦有演過偶像劇,並參加過唔少綜藝節目,但知名度一般。喺同謝和弦嘅對話當中,成語蕎語重心長咁勸謝和弦記得要去睇醫生,但得到嘅回覆完全係九唔搭八:「永遠愛你」、「你好我就好」、「你繼續去露奶吧」……其後成語蕎在IG限時動態發文表示「以朋友的立場,希望你一切都好,好好看醫生治療,『勿忘初衷』。」有網友隨即搵出成語蕎早年曾昨客《康熙來了》嘅片段,她在節目中透露曾因男友要去美國讀書而忍痛分手,點知一個星期後,佢喺卡拉OK撞見男友拖住一位女生:「一個混血兒,滿漂亮的。」成語蕎當時口中所指嘅男友,似乎正正就係謝和弦。

+34
+33
+32


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。