【誇世代．大結局】佘詩曼驚喜現身 究竟咩事？仲話有續集？
撰文：黃梓恒
出版：更新：
《誇世代》做了50集終於大結局了，最緊要當然是交代七小姐（江嘉敏飾）和Walking（張繼聰飾）的關係，原來他們兩個完全沒有血緣關係，原來是當初在南斯拉夫已經不小心掉包了。之後當然要講Mike（陳豪飾）的結局喇，原來Paris（李佳芯飾）身體出現了毛病，不適合懷孕，媽媽和肚裡面的龍鳳胎只能選一個。
七小姐和Walking終於可以喺埋一齊。（電視畫面）
當Mike、Walking和宋仲基（歐陽振華飾）扭打在一起後，宋仲基為了感化Mike說了一番說話：「2047！好好一個香港，變成廢墟，全街都係喪屍！我喺香港出世，香港長大，讀香港大學，我唔想香港變成咁樣，你應承我，阻止呢場災難發生。」結果Mike為了香港的將來和Paris的生命，決定跟Paris靈魂交換。
Mike要與Pairs靈魂交換。（電視畫面）
之後要諗吓點樣可以阻止核電廠，原來該地有好多歷史文物，將會被列入為文化遺跡，所以結果核電廠起唔成，未來香港還原本來的模樣，無核電廠無喪屍，2047香港無變廢墟，咁都得？！之後當然就所有事走向正軌，無綫仲搞gag一次過交代51-100集，當然個個都大團圓結局喇，Walking當然無dead三兄分又做返兄弟，咁就大結局喇，好彩無BBQ渣！
大團圓結局喇！（電視畫面）
+6
去到最後，節目已經播完，磅重機又再出現！一位婆婆去了玩，而且得到了一張重返28歲的卡，最後竟然出現了佘詩曼！原來今次佢係客串一幕，仲要酬勞免費！至於一班監製編劇在現場直播的畫面講到會否有續集時，編審關頌玲一開始表示一定有續集，不過之後又表示真的未知道，只係叫大家投《誇世代》一票喎，可能如果頒獎禮結果好真係有機會有續集呢！
竟然有佢！（電視畫面）