379
12
7
港鐵銅鑼灣站 B 出口 繼續閱讀
電話號碼
31703885
開飯介紹
日式扒房,食物融合法國菜和日本菜的特色,提供扒餐、海鮮和意粉等食物,擺盤精美,適合和另一半來享受美食。 繼續閱讀
營業時間
今日營業
12:00 - 15:00
18:00 - 22:00
星期一
12:00 - 15:00
18:00 - 22:00
星期二
全日休息
星期三至日
12:00 - 15:00
18:00 - 22:00
付款方式
Visa Master AlipayHK 支付寶 現金 AE 銀聯 Apple Pay Google Pay
座位數目
38
其他資料
網上訂座
電話訂座 詳細介紹
賞訂座積分
當面支付
以上資料只供參考, 請與餐廳確認詳情
有關獎賞計劃
食評 (414)
等級3 2024-03-04
0 瀏覽
Lunch Set會有一款自選starter、主食、咖啡或茶,另外都會有小食同甜品可以add-on每個set都會有小餐包,分別有牛角包同忌廉包,味道普普通通。🌸日式燒鳥免治雞肉棒+法國油封鴨腿|$328免治雞肉棒非常juicy,入面有軟骨口感豐富,配上一球薯仔沙律,雖然系starter擺盤亦唔馬虎。鴨腿外皮薄脆,唔會有油膩感,鴨肉味道有少少似臘鴨(輕微),但肉質會更加軟淋,朋友幾中意呢道菜。🌸是日餐湯+澳洲燒牛柳|$328餐湯系蕃茄湯,creamy得黎飲完都冇負擔感,必飲。牛柳肉質軟淋,略嫌牛味唔重,表面香料味道較重,似平時醃製羊既香料。配菜有炸薯粒(薯餅既粒狀)🌸香煎法國鵝肝(add-on)|+$108非常邪惡,鵝肝好厚,油脂系個口入面爆出黎,無腥味,旁邊有蘋果蓉同黑醋,加埋一齊食冇咁油膩。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-03-03
0 瀏覽
New Zealand lamb rack 🇳🇿 紐西蘭羊架 $498大大片嘅紐西蘭羊架係其中一款popular 嘅主菜黎,裏面總共有三大舊,而且可以根據自己習慣揀返幾成熟,望落去已經超級吸引😍,執邊仲有紅蘿蔔粒🥕、翠玉瓜等等嘅配菜,相當高質啊Truffle wild mushroom cream soup 黑松露野菌忌廉湯 🍄🥣 $78呢一個黑松露野菌忌廉湯黑松露味道十分濃郁,聞落去已經香噴噴,飲落去口感creamy,又有幼滑嘅粒粒野菌,好健康Boston lobster spaghetti with homemade lobster sauce 原條波士頓龍蝦尾意粉 $468🦞🍝波士頓龍蝦尾調味裏面嘅頓龍蝦夠哂新鮮,龍蝦肉爽口冇雪藏味,而且好容易起嚟食,闊條麵用咗酸酸甜甜嘅茄醬做sauce,食落去幾開胃,值得推介呀👍🏻 繼續閱讀
(以上食評乃用戶個人意見 , 並不代表OpenRice之觀點。)
今次係我第二次去呢間法日fusion餐廳Gaijin食晚餐,整體晚餐質素同水準都好差,同第一次去食個質素差好遠。如果我用分數形容質素,第一次我俾9/10,今次我俾3/10,唔會再幫襯。當我12月中考慮緊訂邊間餐廳同女朋友食平安夜晚餐嘅時候,因為我收到Gaijin嘅WhatsApp訊息推廣節日晚餐同早鳥優惠,又話12月會有曾經喺多間米芝蓮餐廳任職嘅廚師加入,都幾吸引,所以我同女朋友決定去多次Gaijin食晚餐。**食物**首先前菜係香煎帶子配三文魚子佐甜椒汁同和風牛肉他他配味噌蛋黃汁。醬汁太濃味,遮住咗帶子本身嘅鮮味。牛肉有筋,咬唔開。其次餐廳係南瓜忌廉湯配麵包,個湯同麵包都唔錯。然後主菜我哋叫咗北海道松葉蟹肉意大利飯同寶雲酥牛柳配砵酒汁佐雜菌蓉及法邊豆。飯冇乜蟹肉,醬汁多於一切,又係太濃味。寶雲酥牛柳好冧,但質素屬於普通。整體兩款主菜冇乜驚喜。最後甜品係聖誕樹頭蛋糕,蛋糕的確賣相唔錯,但係食落真係好乾,完全唔好食。我見到枱附近幾枱客食咗幾啖都冇食到,淨咗好多。**服務**佢哋WhatsApp有提及到幾個月前人手唔夠,去到平安夜嗰晚,佢哋樓面嘅人手都係唔夠,甚至我覺得啲侍應完全唔專業,好似好多都係新人。我訂咗位,我哋上到去要企喺度等多1分鐘先有侍應招呼我哋,安排位置嗰位侍應又唔清楚我哋應該要坐邊。傳菜過程中,侍應完全唔會同你講呢道係咩菜式,粒聲唔出放喺我哋枱面就走咗,放低嗰陣時撞到枱面啲餐具佢哋都冇反應。最搞笑係上甜品嗰陣時,唔俾餐具,淨係舉手想問佢哋攞返餐具,都起碼要等多2分鐘先有第一個侍應見到我哋舉手,但係佢自動波走咗去收銀機度出單,我哋再搵第二個侍應先俾到餐具我哋,完全一啲歉意都冇,放低就走咗。唔夠1分鐘,剛才嗰位侍應拎住張單過嚟叫我俾錢,我哋問返佢幾時要求過埋單?佢就咁答我因為出咗單,所以要求我即時埋單冇得一陣俾,我甜品都未食,佢都要求我即刻俾錢先,有冇搞錯?**總結**食物平平無奇,咁嘅質素甚至我覺得有啲浪費緊食物,人均HKD 500食啲咁嘅嘢,其實都唔平,嗰啲HKD 500二人餐餐廳可能仲煮得好食過Gaijin。成餐服務安排都好求其,餐廳又冇留意服務細節,仲係唔係叫fine dining呢? 繼續閱讀
(以上食評乃用戶個人意見 , 並不代表OpenRice之觀點。)
等級3 2024-03-03
0 瀏覽
今次係第二次來呢間餐廳食fine dining,第一次係年頭來食,由於第一次來嘅時候,真係非常好食,staff都非常貼心同專業,所以2023年嘅平安夜,都選擇左同一間餐廳點知,呢個係一個非常錯誤嘅決定,真係唔會估到,1年都末夠,間餐廳係可以差左咁多前菜包係同年頭一樣,都好味嘅之後係上前菜,睇個樣都幾正係咪?但係帶子係無鮮味嘅,我啊媽係超市買急凍刺身級嘅帶子都好食過他之後仲有個生牛肉他他,身為他他之鬼,每次係餐廳見到生牛肉他他我都會叫,係末試過有一間餐廳嘅生牛肉他他係會有筋嘅🙄配牛肉他他嘅脆芝士條唔係自己整,係用即食餅乾,我都算啦,個他他有筋真係唔得啊之後就到湯,都不過不失嘅,南瓜湯正常味道,不過唔明點解唔係跟住d包來,係食完前菜先來跟住到主菜啦,我哋叫左寶雲酥牛柳同北海道松葉蟹意大利飯牛柳都幾好食,不過個份量有d少,整體來講ok北海道松葉蟹意大利飯,d蟹依然係無乜鮮味,用左零食脆蟹仔來裝飾又幾得意,幾有創意嘅最後嚟到我哋最期待嘅甜品,但係呢樣真係災難,個樹幹蛋糕超級實淨,完全冇蛋糕應有鬆軟嘅質感,絕對差過你係屋企樓下嘅普通麵包店買到嘅普通蛋糕另外,幫我哋上甜品嘅嗰位女侍應完全無俾餐具我哋去食呢一個甜品,我哋等咗好耐先至有另外一位男侍應見到我哋,但係他誤以為我哋係要埋單,他就print咗張單出嚟俾我哋,我哋話唔係要埋單係我哋無餐具去食甜品,他先至恍然大悟,然後竟然同我哋講,咁你介唔介意買咗張單先?我已經print咗出嚟我哋今日係來食 fine dining,唔係茶餐廳喎,食呢種質素嘅食物,呢種質素嘅服務,真係不了 繼續閱讀
(以上食評乃用戶個人意見 , 並不代表OpenRice之觀點。)
見到Openrice推介呢間fusion菜,加上有85折,一於試試佢😋我地選擇嗌Set Dinner:落單後有麵包,色香味一般,同其他西餐的法包比唔算出色前菜:-清酒牛油燒鮑魚 和 巴馬火腿配蜜瓜-鮑魚爽口彈牙,炙燒後後再配上牛油醬汁十分香口,唔錯👍🏻-至於火腿表現一般,蜜瓜好甜,火腿鹹香味品嚐不太出,可以再調整蜜瓜和火腿的份量-另外仲加錢嗌咗個香煎法國鵝肝,油脂唔錯但味道都一般,鵝肝味道唔夠濃,呢個價錢可以做得再好啲。餐湯:-是日餐湯係南瓜湯,南瓜味香濃,入口順滑主菜:波士頓龍蝦尾意粉 和 澳洲燒牛柳-意粉掛到龍蝦汁,龍蝦味夠出,意粉軟硬適中,龍蝦尾肉口感彈牙,喜歡龍蝦口味的朋友會喜歡🫶🏽-燒牛柳表現就一般,牛味唔濃,肉質亦不是十分易咬,呢個價錢配此質素不夠滿意,下次再食會揀其他steak.甜品:Cheese cake配雲尼拿雪糕,味道不過不失折後埋單$1040,唔算得上抵食,成餐飯令人驚艷的菜式僅在前菜;上菜速度和服務質素一般,環境尚可,以fusion菜黎講可以一試但性價比應該唔係最好嗰批 繼續閱讀
(以上食評乃用戶個人意見 , 並不代表OpenRice之觀點。)