Plum Wine
網上對祥興評論尚算不錯,第一次做西裝,冇指定舖頭同師傅,所以決定一試祥興。
因為冇經驗,喺鋪頭都幾迷惘。而兩位師傅講嚟講去都係嗰幾句對白,係咁講做西裝嘅好處,對揀布料同設計冇特別大幫助。
因為我想做灰色西裝,師傅好快喺檯面拎起幾塊布話喺嗰度揀。期間問外套設計上有咩option可以揀,不過佢話黎黎去去都係嗰啲,冇嘢揀,所以喺師傅不斷催促下,好快度完身同俾錢就走左。後來諗諗吓其實應該唔止檯面嗰幾隻布料可以揀,所以折返問其他布版既分別,雖然師傅唔係好答到,不過俾我慢慢重新揀過布。
第一次試身嘅時候由另一位師傅負責,我多口問西裝外套袖口同領口位係咪跟新式設計,後面有冇開叉,佢先同我講原來有得揀。改過啲設計同試完身之後,好快大約一個禮拜左右就可以拎到執好咗嘅西裝。
返到屋企覺得袖有啲短,所以再去鋪頭改長少少。拎返嗰陣,袖口鈕竟然由四粒變咗做五粒!問師傅發生咩事,佢話一定要喺咁,如果唔係會唔靚!但喺我冇人同我講過需要呢個改動,而家因為已經打左鈕門,冇得改,好無奈!
今次真係當買左個教訓!
1