影片
港鐵紅磡站 D1 出口
繼續閱讀
電話號碼
23120909
營業時間
今日營業
12:00 - 14:30
17:30 - 23:00
星期一至六
12:00 - 14:30
17:30 - 23:00
星期日
全日休息
以上資料只供參考, 請與餐廳確認詳情
刺身🤩👍👍👍刺身選擇豐富，我哋緊係叫師傅發辦好似omakase咁，可以試到多啲少見嘅時令刺身。適逢春夏交替有只當造2星期嘅螢光魷魚、鯛魚白子、池魚薄切、日本生蠔同牡丹蝦，全部都令我印象深刻，佢哋嘅刺身好新鮮，質素非常出色。尤其係螢光魷魚，彈牙得嚟爆汁，又唔會似漬過個種太咸，食得出鮮味。鯛魚白子就係我呢季必點嘅時令刺身之一，師傅處理上面完全體現出功力，一般餐廳食到好易有腥味，但呢度嘅白子完全係0腥味又creamy，真係好想再食多一份，實在太太太正！池魚薄切配上柚子醋完全恰到好處，魚味鮮甜，點汁食更搭，係清新輕盈嘅口感。日本生蠔清爽略帶點礦物味，果然日本生蠔名不虛傳，細膩而純粹嘅味道突出鮮味。牡丹蝦從蝦頭膏位已睇得出非常新鮮，肉質軟綿得嚟仲十分鮮甜，一食就知來貨極新鮮。燒蝦姑干蝦姑干即係賴尿蝦，蝦干燒完後散發出濃郁香氣，同香脆口感相輔相成，係一道好好嘅前菜小食。炸豬肉餃子外皮炸至金黃十分酥脆，內裡嘅豬肉餡料鮮嫩多汁，絕對係一道令人滿足嘅小食選擇。粟米天扶良+沙追魚天扶良天扶良相等於天富羅，粟米清嫩。沙追魚鮮美肉嫩，同天富羅炸粉融合喺一起，配上自家嘅咖哩鹽，呢個配搭真係幾特別，食落都好夾。田樂豆腐豆腐炸至十分脆口，配上田樂醬汁即麵豉醬汁調料，味道豐厚，軟滑醬汁填滿豆腐表面，咬落層次突出。串燒👍👍👍我特別推薦雞肝串、鴨心串同雞腳筋串。雞肝串口感嫩滑，燒到表面微微焦香，入面仲好嫩，睇得出火喉控制出色。鴨心串燒雞心食得多，燒鴨心真係第一次食，口感冇燒雞心咁煙韌，有咬口得嚟食得幾舒服，而且完全唔腥冇內臟味道。雞腳筋串筋嘅彈脆口感令我有驚喜，唔會燒到乾硬又保持到中意食軟骨個種口感。荔枝豚肉卷配搭獨特較少見，焦香嘅豚肉微脆，包裹住甜嫩荔枝，食落有幾重口感，幾有趣又好食嘅matching 。日本青椒仔燒得非常香，爽脆可口。雞胸軟骨串呢隻軟骨同出邊一般嘅雞軟骨唔一樣，雞胸軟骨顧名思義有雞胸肉部分，食落比較嫩滑，軟骨爽脆，又係啱晒中意食軟骨嘅人。濃湯蝦烏冬👍👍👍呢個烏冬係一個極好嘅結尾。蝦湯湯底非常濃郁鮮美，烏冬煮得彈牙，蝦肉鮮甜食得出係新鮮蝦，組合一齊真係大滿足啊！👍😍😍😍呢間昭和風嘅自家料理居酒屋真係私心推薦！用料新鮮，配搭特別，師傅細心處理同火喉十分到位，少有實而不華嘅居酒屋，用硬實力取勝💯
繼續閱讀
跟朋友搵食先知尖東有間隱世既居酒屋🏮，一試就知唔簡單🤩認真要推介比鍾意食日本野嘅朋友♥️ 餐廳位於尖沙咀南洋中心，門面已經充滿日本風🎏，餐廳裡面係深啡木系古式裝潢，餐廳中間位置仲有半開放式廚房連吧枱，上面掛滿時令食材的menu 和日本報刊🐟。原來餐廳仲有私隱度極高嘅和室，好適合一班朋友嚟聚會！職員都好友善，會介紹當日新鮮食材，而且上菜又會跟次序，還不時會加熱茶。另外，仲介紹咗我地飲日本好hit 嘅金裝+黑啤🍺 餐廳特別調制嘅3/7比例更係✨完美比例，本身我不太好黑啤，但呢個比例入口真係好好味👍🏻🩵沃川刺身拼盤 $498旭川嘅刺身好有質素，不單止食材新鮮，仲每樣都好有厚度，全部都是大廚嚴選當日最時令刺身：牡丹蝦🦐，烏賊 🐙，八爪魚，三文魚，吞拿魚，帆立貝，劍魚腩，池魚。大大隻牡丹蝦和帆立貝都好鮮甜，烏賊彈牙又有嚼勁。吞拿魚質感軟韌適中，魚味濃郁。每款刺身都回味無窮，味覺加上視覺，真係有置身日本🇯🇵嘅感覺🥰🩵花生豆腐 $58自家製的花生豆腐，花生嘅香味完全融入係豆腐入面，濃濃既花生香加上嫩滑既豆腐，呢個凍食嘅前菜好清新。🩵鱈魚干 $48風乾後仍保留有濃郁的魚味，口感酥脆，好岩做佐酒小食。🩵海鮮天扶良 $298私心推薦呢個天婦羅好得👍🏻 有鵪鶉蛋，冬菇，鮮蝦🦐，天婦羅炸得炸皮好薄，內裡嘅食材又仍然好有水份，咬落好鬆脆😋🩵稻庭烏東 $78個人本身對烏冬都有一定要求，真心呢個烏冬好煙韌彈牙，口感唔錯👍🏻串燒🍢每樣都好出色，價錢又好合理，小妹推介荔枝🐷豚肉卷，豚肉油脂肉質豐富，而且咬落鮮甜多汁，荔枝剛好中和豚肉嘅油膩感，真係一試難忘♥️🩵雞頸肉 $78🩵日本青椒仔串 x 2 $44🩵荔枝豚肉卷 x 2 $56🩵雞腳筋串 x 2 $56🩵Suntory 啤酒🍻 買一送一 $88 ⭐️⭐️⭐️
繼續閱讀
今日又跟朋友黎揾食，黎到尖東南洋中心上一層，地方有點隱世，但裝修幾古色彩，傳統日式設施，仲有好幾間和式包箱。雖然地方隱世，但食飯時間餐廳都坐滿8成人。餐廳中間有個吧枱連開放式廚房，可以望住師傅處理食物。一入坐，職員就附上前菜，係章魚軟骨沙律。店長推薦刺身$500擺盤超靚，有空運深海池魚薄切，牡丹蝦，紅衫魚，時令鮟鱇魚肝。池魚配左個酸汁，幾清新爽口。紅衫魚刺身第一次食，幾鮮甜。鮟鱇魚肝都係第一次食，口感creamy。龍蝦沙律$88真材實料，啖啖龍蝦肉，鮮味彈牙。我有仲隱藏食法，將佢係係玉子上面，又幾夾😍自家制厚燒玉子$68玉子厚身不會散，蛋味濃。炸墨魚餅$128一上枱見到都炸得好乾身，食落超級脆口，而且啖啖墨魚，好香好惹味。燒牛小扒$198燒到五成熟左右，超juicy, 肉味濃。燒鵝肝石鍋燒飯$138食法幾得意，好慷慨有一大塊鵝肝，配左個鵝肝醬，淋上去撈匀就食得，想食飯煎就可以再等一陣。鵝肝超級軟腍😍油脂感好重，好邪惡😋海膽濃湯松葉蟹稻庭烏冬$198必叫！海膽濃湯超creamy, 裡面有蜆，松葉蟹腳，食材幾新鮮。石鍋上熱辣辣，連湯都想飲埋😋總括來說，餐廳職員好有禮貌，keep住加水同講解食物的食法等，係三五知己好地方🦾
繼續閱讀
【油尖旺區】【沃川自家料理】同浣紗娘食飯，初初佢話想食另一間但被我 ban 咗。咁 ban 完橋就掟橋出嚟啦，最後就揀咗呢間喺尖東嘅日本嘢。其實我哋都唔係第一次食飯，唔係話咁隆重其事，所以都冇乜所謂。坐低叫嘢，上咗 $20 嘅「前菜」，幾好食喎。佢食 $168 嘅「沃川魚生飯」，一般呢啲都係啲刺身嘅頭頭尾尾，但呢碗唔似，整得唔錯，浣紗娘一嘢就被佢俘虜咗，話佢好好食，連呢位對飲食有要求嘅朋友都話正，就冇問題啦。我食 $88 嘅「明太子茶漬飯」，正常水準。我嗰份嘅驚喜唔算大之下，叫啲串燒食吓，$38 嘅「牛舌」幾滑，燒得唔錯，估唔到。而另外我哋仲叫咗 $32 嘅「青椒仔豚肉卷」，呢串都好好食，估唔到食食吓都感覺幾好，至少坐得舒服、恬靜、服務到位、食物可以。食埋 $68 嘅「自家製厚燒玉子」，呢碟好多餐廳都整得好食，佢哋唔算好突出，不過價錢唔貴係抵讚。浣紗娘飲 $28 嘅「梳打水」，另外加埋一之後埋單價係 $508，我覺得喺尖東食呢餐日本嘢嚟講，成個用餐體驗唔算貴。。。（地址：尖沙咀麼地道75號南洋中心UG樓5-8號）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖東 #尖沙咀 #紅磡 #1am紅館 #沃川自家料理 #日本料理 #前菜 #沃川魚生飯 #明太子茶漬飯 #串燒 #牛舌 #青椒仔豚肉卷 #自家製厚燒玉子 #梳打水 #1am1305 #1ambackup
繼續閱讀
尖果係昔日香港最繁榮嘅地方 呢度亦有一間屹立不倒嘅日本居酒屋🏮有氣質🤍花生豆腐 $40 豆腐同埋花生搞埋咗一齊，味道幾特別，凍凍地嘅雪魚干 $58 一塊一塊好似餅乾一樣🤎🎣🌊刺身 $500 叫咗今日嘅廚師推介，分別係鮟鱇魚肝、白子、生蠔、鯖魚刺身🐟四款刺身都好新鮮，其中鮟鱇魚肝味道濃郁，好味🤤 白子點咗醬汁毫無腥味，好有感覺😜鯖魚刺身幾濃味，而且比較少食，感覺幾特別🥟雞皮餃子2串 $48 雞皮好脆，係半烤炸嘅感覺，而且雞皮仲有少少脂肪，好有口感 餃子既肉亦好新鮮🍿荔枝豚肉卷 $56 有一大粒荔枝喺豚肉卷入邊，一咬入口啲汁跌晒出嚟，正🍢雞全翼 $64 啲鹽味幾好味，而且雞翼燒得外脆內軟，啲肉好腍🧡海膽濃湯松葉蟹稻庭烏冬 $198 熱辣辣嘅鐵鍋，入邊就有海膽汁 + 蜆 + 松葉蟹，係一個海鮮烏冬海膽濃湯真係可以當湯飲🥦野菜天扶良 $128 天婦羅嘅款式有好，最特別嘅係有炸葉茄子都幾好味🧀北海道芝士夾水晶梨 $78原來係芝士 配合水晶味，薄薄的一片包埋一齊，原來係有咁特別嘅味道！大家都可以試吓呢度嘅侍應都好有禮貌，服務態度好，而且不斷幫我哋斟水🤪
繼續閱讀