【解決師】在片場不與王浩信聊天的原因是? 唐詩詠:我哋都唔熟

【解決師】在片場不與王浩信聊天的原因是? 唐詩詠:我哋都唔熟

撰文:葉詩
出版:更新:

唐詩詠(Natalie)周四(3日)出席無綫台慶劇《解決師》記者會,談到自己在劇中飾演一位有社團背景的老師,及後遇上在劇中有複雜背景的王浩信。《解決師》也是二人繼《不懂撒嬌的女人》後第二度合作,但詩詠就說這兩次的愛情線感覺截然不同:「隔咗幾年再同浩信合作,今次有好多大事發生。因為劇情開始嘅時候我哋都好憎大家,所以我就同佢講:『我哋唔好(同對方)講嘢!』一開始去到現場就冇同佢傾計,完全冇理佢。」然後王浩信問:「真係唔傾計?」唐詩詠笑答:「係囉,我哋都唔熟!」詩詠就覺得這個入戲方法挺有趣。

無綫台慶劇《解決師》將在十月十四日(星期一)晚上九時半首播。(葉志明攝)

《解決師》的製作可謂落足本錢,除了取用阿萊艾美拉攝影機拍攝,又遠赴澳洲墨爾本取景,詩詠就說自己在外國的戲份較為輕鬆:「我真係好開心,去咁多日三日拍一兩場,每一個景都拍少少,比佢哋輕鬆好多。」最難忘的就是趁空餘時間去了不少地方遊覽:「同Kelly(張曦雯)去咗睇企鵝!」

+5

《解決師》的題材為警匪、懸疑、犯罪電視劇,問到會否有很多打鬥場面,詩詠笑說:「我全部都係俾人救,所以又係相對地好輕鬆;浩信就好辛苦,每一次都要嚟救我,所以今次拍得好開心。」問到會否期望在年末的頒獎禮有所斬獲,詩詠就回應道:「冇咁樣諗,反而希望觀眾會睇下。其實自己拍電視劇嘅目的係:細個成日都睇電視,因為我覺得佢好娛樂到我,而家大個咗拍戲都想娛樂大家,希望大家喺好崩緊嘅情況下,可以輕鬆一個鐘。」