【FSG 讓步】
James Pearce 報導,球會領導層本周早前與球迷組織 Spirit of Shankly 會面,表示日後將接納球迷代表出席董事局會議,球迷代表將由球迷組織 Spirit of Shankly 負責牽頭選出。
另外,所有由提議參加 The Super League 的費用和罰款,將由班主門自付,而非由球會營運資金中提出。
【足球—東京奧運U-24日本代表OA名單已定】
日本代表兼U-24日本代表監督森保一將於明天(20日)公佈最新名單,而他昨天接受訪問時表示,東京奧運的超齡球員(OA)已經有定案。
U-24日本代表將會在6月5日及12日進行2場友賽,森保監督表示關於召集OA的過程順利,由於過去有未能召集球員的經驗,所以這次在很早階段便已經與相關球員和他們所屬的球隊協調,這次6月2場比賽及之後備戰奧運時相關球員都可以參加。至於3位OA的名字,森保監督沒有透露。
其實森保監督在上星期的訪問已經有提示—為了在奧運取得理想結果,他的想法是要盡可能鞏固防守的部分,所以會以防守球員中心,以經驗豐富的球員去建立球隊。較早時有媒體搶先披露3位OA球員是:吉田麻也、酒井宏樹、遠藤航,位置、特徵都吻合森保監督的說法,就看看明天這3位A代表重心球員會否出現在U-24日本代表名單。
原本吹有牙南
根據前 Liverpool Echo 記者,現時於 goal 任職嘅 Neil Jones,今季由利物浦外借往德甲球會柏林聯嘅尼日利亞前鋒阿禾尼爾,終於取得由英國勞工部發出嘅 2021-22 年球季嘅工作證。
阿禾尼爾喺 2015 年加盟利物浦,有「新耶堅尼」之稱。由於一直未能成功申請工作證,所以喺過往嗰 6 年,先後被外借往德國、比利時及荷蘭。喺今季,佢就外借往德甲嘅柏林聯。
利物浦已經接獲至少 7 間球會,關於喺夏天羅致阿禾尼爾嘅查詢,其中富咸及西布朗最為渴望將佢羅致。
阿禾尼爾嘅故事係點架?
阿禾尼爾喺 2015 年 8 月加盟利物浦,轉會費係大約 £400,000。
佢曾經喺倫敦參加咗一項由可口可樂舉辦嘅比賽,開始俾人注意,當時入到決賽,比賽地點喺車路士嘅 Cobham 訓練場。
第一個留意到阿禾尼爾潛能嘅人,係前史篤城及狼隊中場球員奧路芬贊拿。佢喺尼日利亞擁有 Imperial Soccer Academy 嘅足球學校,阿禾尼爾前往歐洲之前,喺呢間足球學校渡過咗 4 年。
阿禾尼爾曾經係尼日利亞小國腳,喺 2013 年,於杜拜舉行嘅 U17 世界盃,佢協助尼日利亞奪得冠軍。當時佢喺前鋒線嘅拍檔,就係現時效力英超球會李斯特城嘅前鋒伊恩拿祖。直到宜家,佢哋仍然係好朋友嚟架。
利物浦第一次留意佢,係喺 2015 年,於紐西蘭舉行嘅 U20 世界盃。阿禾尼爾本來會去瑞典球會卡爾馬試腳,但係後來轉而前往利物浦。佢話:「個感覺就好似「嘩!我的天呀!」」當時佢仲話:「呢間係我唯一想去嘅球會。」
由於申請唔到英國工作證,所以利物浦將阿禾尼爾外借往當時嘅德乙球會 FSV 法蘭克福。佢為該德國球會上陣 14 次,射入 1 球,主要係擔任後備。
喺 2016-17 年球季,阿禾尼爾被外借往當時嘅荷甲球會 NEC 尼美根。其後佢再外借往比甲聯賽,當中有兩次外借往梅斯干,合共射入咗 21 球。中間有幾個月時間,曾外借往另一間比甲球會真特,但係際遇就唔太順利。
上季阿禾尼爾外借往德甲球會緬恩斯,但係只有 12 次出場機會。喺上個夏天,佢曾經有短時間與利物浦 U23 一齊操練,直至喺 9 月份外借往柏林聯。阿禾尼爾為柏林聯上陣 20 次,射入 5 球,協助呢隊今季喺德甲聯賽異軍突起嘅球隊,有機會得到來季參加歐洲賽嘅資格。
但係佢喺 2 月份嘅時候腿筋受傷,影響咗佢嘅發展,因為受傷之前,佢係睇嚟有機會入選成為尼日利亞大國腳。喺星期六,阿禾尼爾可以後備上陣對利華古遜,協助柏林聯賽和 1-1。喺今個週末,主場對 RB 萊比錫嘅聯賽煞科戰,佢都會喺大軍之中。
阿禾尼爾今次能夠取得英國工作證嘅關鍵因素,係佢喺今季嘅德甲聯賽,有 16 次正選上陣。
利物浦相信,無論阿禾尼爾會繼續留喺隊中,定係會轉往其他球會發展,都將會開闢咗新嘅路向。
【兩成轉會費】
哈利‧簡尼高調要求離隊,引伸出熱刺可能買丹尼‧英斯取而代之。
想當日利記出售丹尼‧英斯時,附加條款可以喺佢再轉會時,得到當中兩成轉會費。假設丹尼‧英斯大約三千萬鎊轉會費咁黎計,利記都有六百萬鎊落袋,都肥仔呀。
然而,利記其實都搵緊一個識入吓波嘅九號位球員,又肯打吓後備咁,再當利記下季有歐聯踢先喇,眾裡尋他,八折買丹尼‧英斯其實有冇得諗呢?
當然新球季已經廿九歲,未必係FSG杯茶喇!
實際啲希望佢轉得成會,事業再上高峰,而利記就等數錢喇!
#LFC #YNWA #WeAreAnfields12th #A12HKMO #A12OLSC #A12LFC
如是者,咪拍,分手我怕跳樓。