【3點3啦喂】西九龍中心Food Court $8平到喊 雞髀+德國腸?! | 飲食 | 新假期
【3點3啦喂】西九龍中心Food Court $8平到喊 雞髀+德國腸?!
【3點3啦喂】西九龍中心Food Court $8平到喊 雞髀+德國腸?!

【3點3啦喂】西九龍中心Food Court $8平到喊 雞髀+德國腸?!

話說深水埗多平嘢食就係人都知,不過行經 西九龍中心Food Court,竟然俾我見到一份雞髀+德國腸都係$8?! 平到咁?$10有找?另外仲有雞髀配炸蟹鉗都係$8份,唔理啦,叫一份睇下係咩料先!

西九龍中心Food court 平到喊$8餐

好彩 西九龍中心Food Court 未俾大企業同化,未變到一式一樣嘅連鎖式食肆,呢度嘅Food Court有好多特色小店,今次小編行到呢間有韓式豬肋骨、又有啲西式意粉鋸扒、兼且仲有芝士乜乜乜嘅餐廳停低咗,點解呢?因為我竟然望到一份雞髀+德國腸都係賣$8!同埋另一款雞髀+炸蟹鉗都係$8!

個牌其實唔係太起眼,$8,無睇錯,真係$8!

西九龍中心food court

不過呢,正當長期糧尾嘅小編勁興奮地想叫返個$8餐嚟試下,Oh!原來係要跟餐先可以+$8點,不設散叫……(人地個牌其實一早寫明,興奮過頭睇唔到)不過其實呢度嘅午餐其實都唔太貴,都係$30~$50。

B2

另外都有啲西式嘢食~有羊架、德國腸、意粉等等。

B3

不過意粉同啲扒都唔夠呢個芝士韓式豬肋骨吸引,即叫即整,小編係非繁忙時間都等咗大約15分鐘,真係熱辣辣到唔可以直接拎起個錫紙兜,睇落賣相都唔差,好多Mozzarella芝士鋪晒係意粉上面,豬肋骨面頭仲有韓式甜辣醬。

B4
邪惡芝士豬肋骨配意粉/飯 $55

雖然意粉表面全部都係芝士,但對於超級芝士控嚟講,如果想每件豬肋骨都捲幾圈芝士,睇嚟就唔係幾夠用啦。而豬肋骨肉質都夠腍但就比較少肉,而且個汁偏甜左啲,食多幾啖就開始膩,兩個女仔share一個已經夠。

B5

重點嚟啦!跟餐先叫到嘅$8餐,Er……說好的雞髀呢?點解會變咗做雞槌嘅?幻想破滅……不過隻雞槌睇落都幾多肉嘅,而條德國腸都四四正正,$8仲可以要求啲咩?不過一心諗住有雞髀食……真係好失望!

B6
雞髀+德國腸 $8

雞槌食落都唔錯嘅,肉質都算滑,而且食有陣蜜糖甜味。另外德國腸味道就麻麻,雖然腸身彈牙,但乜味都無。

B8

試埋另一款$8餐,個蟹鉗炸得香脆,口感彈牙,都食得過。

B7
雞髀+炸蟹鉗 $8B10

Food Court入面有好多位,可以坐低慢慢食。

f4-1024x683 (1)

星級小品

地址:深水埗欽州街37號西九龍中心8樓美食廣場8F-31 (顯示地圖)
營業時間:12nn-9:30pm
電話:從缺

堅平! $10有包冷麵

食完豬肋骨,正想離開呢一層,又俾小編發現有抵嘢!學生時代成日食嘅冷麵,由舊時嘅$1一包餸,已經加價到而家$4一包餸,點知!西九果然係平嘢集中地,呢間冷麵零食舖竟然$10有6包撈麵!平到喊!不過唔好以為平就無得揀,有五款麵可以揀,仲有成廿幾款餸任揀。唔怪得之一到放學時間就有好多學生排隊!

係Food Court嘅另一邊,近住溜冰場個邊就會見到呢檔冷麵檔。

A8

有選擇困難症嘅你大鑊啦,麵有5款可以揀,餸有廿幾款。$10/6包,我諗都係全港最平。

A1

所有餸都有獨立包裝,再放係雪櫃入面,夠衛生!

A2

當然,冷麵最後指定動作係加蒜、加醬同加紫菜再撈埋一齊!

A3

簡直係學生嘅恩物!拎上手仲要好有份量,一啲都唔係輕飄飄。

IMG_0163
自選冷麵 $10

係5個餸入面,小編叫咗鴨胸、鮑魚片、海蜇皮同鳴門卷,其實食落又ok喎,鴨胸有鹹香,鮑魚片爽彈,海蜇皮夠Q彈爽脆,而且每樣餸都有4-5件,就算平都無偷工減料。

A5

反而菠菜麵食落就無咩味,但份量驚人啊,呢度只係一包麵嘅份量,勁多!

A6

除咗冷麵之外,呢度仲有少少零食賣,經過可以幫襯下婆婆啊。

A7

冷麵(無檔名)

地址:深水埗欽州街37號西九龍中心8樓美食廣場,近溜冰場 (顯示地圖)
營業時間:10am-9pm
電話:從缺

最平甜品 $12/5球雪糕

食完正餐當然要搵甜品嚟食啦!果然沒有最平,只有更平!同一層裡面發現咗$10/4球雪球,夠平未?未?!痴線價:$12/5球雪糕!點解可以平到咁?而且都有啲幾特別嘅雪糕口味可以揀,好似烤番薯、益力多味等等,至於味道伏唔伏呢?就見仁見智啦!

門口大大個牌寫住$12五雪球,真超荀價!

IMG_20160510_145029

一眼睇晒,雪糕有26款味,不過有部分雪糕要另外加錢,貓山榴槤、益力多、香蕉朱古力、香橙朱古力椰皇同Tiramisu要另加$2。

C1

C2

仲有朱古力醬、士多啤梨醬同彩針任加,勁慷慨!

C3

每粒個size就同乒乓波差唔多,今次試咗烤番薯、靜岡草莓、海盜蜜瓜(我都唔知咩係海盜蜜瓜 XD )、牛奶雲喱拿同豆腐味。雪糕食落都有奶味,亦都滑溜嘅。烤番薯食落甜甜哋,隻味一食就估得出!牛奶雲喱拿比一般雲喱拿雪糕再甜啲;豆腐味只有少少豆香,但食落都算清新,而蜜瓜同靜岡草莓就最唔掂,雖然一食都估到係蜜瓜同草苺,但陣味超級假,直頭係香精味!

C4
自選雪糕 $12/5球

C5

雪糕達人

地址:深水埗欽州街37號西九龍中心8F-74舖(顯示地圖)
營業時間:11:30am-10:30pm
電話:從缺

最新吃喝玩樂資訊

Footer