搬咗嚟深水埗之後最唔慣係比較難有機會同小朋友去踩單車，不過都多咗其他嘢方便嘅，因為好近西九龍中心，所以今日可以同哥哥嚟試新嘢 - 就係踩冰啦！
仲記得自己對上一次踩冰已經係廿年前嘅事囉
真係依家一把年紀先至同個仔嚟踩番冰
我本來以為自己都應該仲好記得點踩，但係點知...
我哋一家朝早食過Bruch之後
就嚟到西九龍中心
因為芊芊仲好細個嘅原故
所以佢同媽咪只好喺場外睇我同哥哥玩
今日係公眾假期所以係每位大小同價$65玩全日
如果平日一點前會平D
如果要用Locker就要加$6
但係記住$6係只限鎖櫃開櫃各一次！
如果中途想拎嘢再鎖番櫃就要俾多次$6
跟住Hysan去度腳睇吓要著幾號鞋
佢今日係第二次嚟踩，上一次係媽咪帶佢嚟，
因為媽咪冇帶電話所以佢嘅第一次我見唔到
Hysan今日期待咗好耐，上次踩完之後一直都話要再同Daddy, Mummy, 芊芊一齊嚟多次
終於落場啦！襯佢未跌之前同佢影番張相先
場邊只有這個同佢一樣高的牆做佢嘅扶手
相比起Megabox又一城太古城，真係都幾殘舊！
我自己以為應該都可以
但係真係相隔廿年唔係好記得點踩
我一步一步咁試！慢慢Warm Up
Hysan仲要鼓勵番我！同我講U SEE, U CAN DO IT! ^.^
踩咗幾個鐘之後都開始習慣適應了
我哋開始唔駛再扶住可以慢慢咁溜過對面
但係呢個大冬瓜終於跌咗一嘢
可憐嘅妹妹隔住塊玻璃望住我哋但係又冇得玩，喊得好慘！
所以媽咪就帶咗芊芊上樓上嗰層玩「歡樂天地」註：我哋通常統稱呢d地方做呢個名
之後到哥哥踩完冰就上嚟搵妹妹喇！
Photo by CANON 5D Mark III, Len | EF 24-70mm f/2.8L IS II USM
呀劍評分: 7分
呀劍評語: 好耐冇踩過冰真係好驚跌！一路擔心佢哋跌倒會屈親或者手指唔識收埋！下次知道要帶手套可以絕住個地，其實都好好玩，不過假日真係太多人，所以唔可以太自在去溜！
飛龍冰上樂園 簡介
17,000平方呎真雪溜冰場，彷如置身於自然冰雪世界。
地址
九龍深水步欽州街西九龍中心8樓
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。