Read full review
2021-06-21
4012 views
放假大家有冇去過西九龍文化區行吓？其實西九唔止係一個野餐、放狗、一家大細去玩嘅地方，仲係一個嘆咖啡、甚至係食野嘅地方。除咗有Cafe，西九仲開咗幾間餐廳，除咗包攬維港景色之外，嘢食質素都唔會令人失望，而且餐廳好多都有室內、室外位置，更加歡迎帶埋寵物一齊嚟。上次同大家介紹過Palco Ristorante，喺海港城lcx盡頭嘅呢一間意大利菜，除咗環境非常好，有室外室內位置，包攬無敵維港海景之外，佢哋嘅下午茶都相當出色，完全加入咗本身餐廳菜式嘅元素，今次介紹嘅係LUBUDS Group同一個集團，兼且係同一個大廚主理既Pano。Pano意思係Panorama，全景觀，即係270度無遮擋維多利亞海港景色，都係園內唯一一間兩層高獨立海景餐廳，盡收維多利亞港無邊景致。行政總廚既Ken Lau係本地意法料理名廚，擁有26年入廚經驗，先後任職於半島酒店內既Verandah、Chesa 同Felix，而且曾經喺香港具代表性既法國餐廳 Gaddi’s 入面工作長達五年多。好多人慕名而來體驗 Chef Ken 既非凡烹調手藝同功架，尤其係晚市供應嘅名人tasting menu 。餐廳以本地同亞洲食材，搜羅
放假大家有冇去過西九龍文化區行吓？其實西九唔止係一個野餐、放狗、一家大細去玩嘅地方，仲係一個嘆咖啡、甚至係食野嘅地方。除咗有Cafe，西九仲開咗幾間餐廳，除咗包攬維港景色之外，嘢食質素都唔會令人失望，而且餐廳好多都有室內、室外位置，更加歡迎帶埋寵物一齊嚟。
上次同大家介紹過Palco Ristorante，喺海港城lcx盡頭嘅呢一間意大利菜，除咗環境非常好，有室外室內位置，包攬無敵維港海景之外，佢哋嘅下午茶都相當出色，完全加入咗本身餐廳菜式嘅元素，今次介紹嘅係LUBUDS Group同一個集團，兼且係同一個大廚主理既Pano。
Pano意思係Panorama，全景觀，即係270度無遮擋維多利亞海港景色，都係園內唯一一間兩層高獨立海景餐廳，盡收維多利亞港無邊景致。行政總廚既Ken Lau係本地意法料理名廚，擁有26年入廚經驗，先後任職於半島酒店內既Verandah、Chesa 同Felix，而且曾經喺香港具代表性既法國餐廳 Gaddi’s 入面工作長達五年多。好多人慕名而來體驗 Chef Ken 既非凡烹調手藝同功架，尤其係晚市供應嘅名人tasting menu 。餐廳以本地同亞洲食材，搜羅本地至鮮，配合高級法國料理風格同烹調藝術，加入佢嘅個人口味、成長故事同埋港人既集體回憶，演繹出令人垂涎欲滴既Asian French料理。
其實Booking我都唔係透過電話做，因為佢哋嘅電話好似長期冇人聽，係見到佢有得係官方網上做預約，揀完人數、日期、時間，佢之後會有SMS做通知。
去餐廳既方法有幾種，可以喺九龍站圓方嗰度經天橋行過去，大概行15至25分鐘，但夏天行實在太熱，可以喺圓方的士站附近嘅小巴站搭過去，當然都可以直接喺的士站答的士過去。
Pano同其他西九餐廳唔同，佢係一樓嘅觀景台，遠處睇好似一座巨型玻璃藝術品咁，夠矚目，餐廳設計有格調，地理位置極佳，景觀開揚，四周綠草如茵，唔怕地下嘅餐廳有草地會太多人影響景觀，加上文化區內既藝術氛圍，令人可以遠離都市繁囂，享受悠然寧靜既片刻。事前有做功課，其實室外影相會更靚，但嗰日陽光實在太普照，坐出邊實在太熱，而且我冇特別係Booking request寫室外位置，本身有諗過要求室內但係近窗口位置，但當日打電話去發覺冇人聽所以要求唔到，最後係冇要求嘅情況下佢俾咗室內嘅入邊位置，因為去到已經見到近窗口位置俾人坐哂，因為喺餐廳用膳嘅唔一定係食下午茶，有啲係食緊晏晝所以一直坐緊。餐廳入邊每張枱間距適中，有充足私人空間。
-
🍰 Afternoon Tea Set 💰$328/1人份 （👅: 9.5/10）
Earl Grey Tea
$328
49 views
1 likes
0 comments
茶方面pano同palco一樣都係用twinings嘅茶包，雖然唔係佢哋自己出嘅茶，不過twinings嘅茶不嬲有質素保證，飲落夠順滑，而且再沖第二次茶，茶味仲係好濃郁。
我揀咗earl grey，飲落係想像中嘅清香，食到個口腔好重味嗰時，用嚟refresh一下口腔非常適合。
-
Savories （👅: 9.5/10）
1️⃣ Scallop Tartar. Salmon Roe. Saffron Mayo （👅: 9/10）
Scallop Tartar. Salmon Roe. Saffron Mayo
$328
59 views
2 likes
0 comments
係一個帆立貝剌身配三文魚，會喺上三層架之前上嘅前菜，連同粟米湯、龍蝦包一齊上。作為前菜賣相精緻，扇貝係冷盤，食落夠冰凍，夠新鮮，入口鮮甜爽口，上面有三文魚籽做點綴，加上蕃紅花沙律醬同日本小蘿蔔，食落輕盈，冇諗過可以喺下午茶食到一個咁嘅前菜，係一個出色嘅前菜鹹點。
2️⃣ Sweet Corn Bisque （👅: 9/10）
Sweet Corn Bisque
$328
38 views
1 likes
0 comments
同帶子、龍蝦包一齊上嘅係栗米濃湯，用一個杯上而唔係平時嘅碗上，同palco係好相似 ，不過palco係龍蝦湯做前菜，又係下午茶唔常見嘅鹹點，感覺自己係食緊午餐多過下午茶，粟米湯飲落唔係凍冰冰而係暖暖地，入口香濃綿滑，粟米味夠濃郁，留喺口腔係粟米嘅甜味，絕對係將粟米濃縮到一個小杯入邊，如果係冬天飲簡直係暖身。
3️⃣ Lobster Brioche. Tartar Sauce （👅: 9/10）
最後一個鹹點前菜係龍蝦包，龍蝦絕對係palco、pano常用嘅食材因為palco有一個鹹點前菜係龍蝦湯。
龍蝦肉用他他醬調味，咬落彈牙爽口有嚼勁，夠鮮甜，麵包係法式麵包，烘得好鬆脆，食落有焦香，一爽一脆，食起黎係享受。
龍蝦包可以同粟米湯配合黎食，令到唔會淨係食包好乾。
4️⃣ Balik Salmon Sandwich. Caviar （👅: 9/10）
Balik Salmon Sandwich. Caviar
$328
98 views
2 likes
0 comments
之後又係下午茶唔常見，加左高貴魚子醬既三文魚三文治。
本身對下午茶既三文治不予期望，因為一般配料唔會太驚喜，三文治食落好乾。不過呢個魚子醬作為三文魚點綴，份量唔多唔會喧賓奪主，隨左加添左鹹鮮味之外，三文魚既鮮味更加突出，整體唔會太鹹好平衡，三文魚令到三文治唔太乾，絕對引人入勝。
5️⃣ Foie Gras on Toast. Wild berry（👅: 9/10）
食過Palco，就會覺得鵝肝唔新奇，Palco係一個鵝肝馬卡龍，而今次係鵝肝醬多士。鵝肝醬味道夠濃郁，咬落係滑溜，而上面既新鮮雜莓醬中和左鵝肝既油膩感。而多士係炸麵包底，好似食緊蝦多士咁，咬落夠酥脆，鵝肝多士永遠都係絕配。
6️⃣ Truffle & Wild Mushroom Tart （👅: 9.5/10）
Truffle & Wild Mushroom Tart
$328
137 views
1 likes
0 comments
7️⃣ Burrata Cheese. Tomato Basil. Iberico Ham （👅: 8.5/10）
用蝦片係一個明智決定，因為已經有多士、三文治、撻，蝦片係類似印尼個一種，黑毛豬火腿芝士蝦片，咬落脆到有聲，黑毛豬食落甘香，加上芝士同伊比利亞火腿，淡淡鹹香食落惹味。
-
Sweets （👅: 8.5/10）
1️⃣ Red Berry Mille Feuille （👅: 8.5/10）
Red Berry Mille Feuille
$328
113 views
1 likes
0 comments
呢個係一個紅莓拿破崙，咬落算酥脆，味道唔會話好酸，食落係開胃，中間既吉士醬幾香滑，兩者味道匹配。
2️⃣ Fresh Lemon Tart （👅: 9/10）
本身好怕檸檬撻太酸太甜，不過呢個檸檬塔唔會過酸過甜，反而食落係開胃，餅底夠酥做得出色，味道同口感拿捏得岩岩好。
3️⃣ Bailey’s Tiramisu Cone （👅: 6.5/10）
Bailey’s Tiramisu Cone
$328
102 views
1 likes
0 comments
因為我個人好鍾意食Tiramisu，所以對Tiramisu嘅要求幾高，喺香港食過唔錯嘅Tiramisu，自然會同真既Tiramisu比較。
佢係一個cone上邊有啲Tiramisu既慕絲，造型好似一個雪糕幾得意，Cone插住下邊既應該係朱古力脆脆，我其實有食過少少，但味道唔重，食完諗緊係朱古力定咖啡碎，但食完店員叫我唔好食，可能佢哋冇expect過客人會攞嚟食，應該裝飾為多或者要重用。
慕絲因為份量太細，其實好難將一個完美嘅tiramisu 濃縮到落去，一個好嘅tiramisu應該要食到cream、咖啡味、酒味，每一樣嘅味道都要平衡，不過依個嘅Tiramisu只係食都好表面嘅味道，食唔到好有層次嘅三種味道，味道都唔算話好濃郁，至於佢個cone 我覺得係敗筆，因為咬落去完全係腍唔係脆，腍即係佢整咗好耐擺咗好耐，或者本身冇好認真想整好呢個cone，整體來講呢一個甜品係成個Tea set最差既一道菜。
4️⃣ Homemade Scones. Clotted Cream & Jam （👅: 8/10）
Scone都係自家製，食落幾鬆軟，唔會好乾，牛油味食到，不過切開時易散開，Clotted cream 味道幾香濃，食落夠滑，略嫌scone大細比起出邊細咗啲。
5️⃣ Pistachio Bavarois （👅: 8.5/10）
用開心果整既甜點比較小見，呢個係一個開心果巴伐利亞，用小杯盛裝既開心果布甸，開心果味道濃郁，咬落係輕盈順滑，入口即化，上面仲會有粒粒開心果碎，令到口感倍添層次。
6️⃣ Homemade Basil & Citrus Sorbet （👅: 9/10）
Homemade Basil & Citrus Sorbet
$328
63 views
1 likes
0 comments
7️⃣ Selection Ice-Cream （👅: 9/10）
Selection Ice-Cream
$328
22 views
1 likes
0 comments
當日雪糕係雲呢拿味，唔會剩係得雪糕，食落入面係滿滿雲呢拿籽，加上牛奶味濃厚，係有誠意嘅雪糕，都係一個有誠意嘅結尾。
-
🌟 總括黎講，同palco一樣，鹹點比甜點出色，鹹點一貫作風都係用上一啲常用既高級食材，海膽、鵝肝、黑松露都係常用嘅食材，嘢食睇得又食得，而甜點我覺得比起palco更出色，甜度控制得啱啱好，而且好多甜點的都係甜酸夾雜，食晒都唔會覺得膩，平時嘅下午茶多數都會食剩一兩件甜品，但呢一間完全係清哂，松露蘑菇撻係有驚喜，甜品嘅雪糕同雪葩都係令人印象深刻。以食物質素來講，我覺得佢係我食過咁多間下午茶最出色嘅一間，食完下午茶我有信心去試吓佢嘅主菜。
價錢來講係正常，唔算係最平個啲下午茶，都唔會係離地嘅價錢，甚至比起一啲酒店下午茶仲要再平，但質素絕對唔會輸比酒店嘅質素，以呢個價錢來講性價比係好高。
唯一挑剔嘅當然就係位置，絕對係要特登過去先食到嘅下午茶，因為西九文化區唔會係你無端端經過嘅地方，位置偏僻交通唔算非常方便，但正正就係佢咁偏僻，先可以有咁靚嘅景，夏天坐室外可能會熱啲，涼少少坐出邊應該係一流，我覺得無論係環境定係食物質素，都係值得山長水遠一試，如果你係有養寵物更加適合黎呢一度，甚至約埋同樣有養寵物嘅人一試呢一間餐廳。
因為我係生日月份去，Booking嗰時有寫到係慶祝生日，不過去嗰日自己都唔記得，到去上三層架嗰時，見到上面有塊生日牌同蠟燭就記得原來自己有填過，店員會幫手影相，而且影完相會幫你收走個蠟燭，服務好好好全面，另外一題餐廳通常五點就會落場，店員會有提醒，因為要準備晚餐，所以如果book太晏嘅話，可能會唔夠時間食或者盡興。
無論你想夏日炎炎嘆返杯清涼嘅飲品、定係冬天淺酌一杯暖粒粒嘅粟米湯、喺夜晚欣賞本地意法料理名廚嘅料理表演，定係放假同朋友知己望住維港嘆下午茶，都可以嚟到西九文化區嘅呢一間法國菜創意料理，感受一下中西合璧嘅盛宴，同時係視覺、味覺、嗅覺、聽覺既多重感官享受。
-
👅味道: 9.5/10
🍴環境: 9/10
💰消費: $328/ppl (服務費: 10%)
Post
