工程一分鐘 #4 — 「裝修前準備~暫住、暫存」 - 鋒主義
工程一分鐘 #4 — 「裝修前準備~暫住、暫存」

「裝修前準備~暫住、暫存」

裝修前有好多野要準備,其中有兩樣野比較多人忽略。第一係暫住;第二係暫存。
先講第一樣,如果你間屋係住緊想裝修,暫住呢樣野就係你第一樣要考慮嘅野。去邊住呢? 要住幾耐呢? 一般情況,住宅裝修大約需要 2~3 個月,你可能會講 “師傅話個半月起貨 WOR”,無錯可能師傅真係可以個半月起貨,不過計埋你搬出、搬入、執手尾,實質 2~3個月無走雞。

即係話你要搵一個地方可以暫住 2~3 個月,其實住親戚朋友屋企或者酒店都可以,不過同時間你就要諗第二樣野,保留嘅野要點樣暫存呢? 講到保留物品,首先要講,到底你嗰件野係咪真係需要留呢? 一裝修你就會發覺會搵到好多已經幾年冇掂過嘅野,到底係咪要留呢? 呢個話題我地之後再講。講番要搵地方暫存,如果你住酒店或者親戚朋友屋企的話,通常都唔會夠位比你暫存埋啲雜物。所以你可能要搵迷你倉之類黎幫你喇。
呢兩樣野其實會影響你的預算,所以大家都應該計埋呢條數。如果預算鬆動,其實有啲設計公司係可以提供埋暫住同暫存服務,大家搵設計公司時不防可以考慮埋呢樣野。

工程小知識

鏡面霧氣

我相信大家都試過,沖完涼之後,成塊鏡都係水氣。抺完過幾秒又再濛過,想梳個頭都攪一大餐。咁到底有冇方法解決呢?
其實係有嘅,市面上係有一啲鍍膜產品可以令到鏡面唔會有水氣,效果係唔錯的。一般汽車擋風玻璃用嘅鍍膜都可以做到,不過有一個缺點,就係你大約每 3~4個星期就要做一次,同埋唔可以經常抺佢。我相信唔算難處理,所以有呢個問題嘅朋友,不防試試。

謝夫

#PT201839004

相關文章

9個做生意最易失預算的商業工程費用

9個做生意最易失預算的商業工程費用

[商業工程教學] 商業工程包括辦公室、商舖、樓上舖、餐廳等的裝修工程。商業裝修的目標是在管理及宣傳上最大化利潤,所以商業裝修需要切合品牌,有別於家居裝修,家居以放鬆、切合喜愛為主。所以,處理商業裝修與家居裝修的思維相異。...

9 項家居裝修中最容易忽略的費用

9 項家居裝修中最容易忽略的費用

[家居裝修準備] 很多人在裝修前都會準備好裝修預算,但其實一個工程中,有不少容易被忽略但十分重要的裝修收費,臨時才知道要花費,未免失措又失預算。 在香港,裝修洗費一般可以分為三大類: 購物、工程和其他雜項,而每類支出都包含了一些容易被忽略的洗費,現在就由我們為您一一拆解: 購物 不少家庭準備裝修預算時會忽略更換或添置家電傢俱的洗費,部份人開始時打算沿用舊有傢俬電器,但到後期因種種原因,例如:...

四個學校裝修必定要注意的細節

四個學校裝修必定要注意的細節

[學校裝修教學] 為了改善學生學習環境,不少歷史悠久的學校都會進行校舍改善工程,翻新學校設計,以更貼合現代全人教育的需要。但學校工程中亦有不少注意事項。 學校工程時間 校舍改善工程需要較多時間,學校一般會選擇在較長的假期進行工程,例如復活節、聖誕節,暑假等,以免阻礙日常教育工作,但長假期間,如果學校活動與工期相撞,不但打擾到學生和教職員,也妨礙工程進度。所以,進行學校工程前,校方和工程公司必須有一個明確工期,不但包括何時開始和結束、總工程日數、每星期工程日數等,如有需要,更需定明何日何時不可進行工程。 2. 學校裝修預算...