藝人戴祖儀在無綫熱播劇《多功能老婆》中飾演一名幼稚園老師呂嘉怡，而袁文傑就飾演高級超巿集團CEO邢維迅。當戴祖儀遇上袁文傑，會有咩事發生？咪就係電燈柱掛老鼠箱囉。戴祖儀在社交網上載二人合照，雖然戴祖儀嘅長腿已經好搶眼，不過都唔夠二人身高差咁吸睛，連佢自己都自嘲：「明明我都有米7啊～怎麼站到旁邊～就變了小矮人啊。」咁當然啦，話晒袁文傑身高1米89，唔好話女藝人好難襯得上佢，就算男藝人都好少可以同佢平頭。
東網網站 : https://on.cc/
東網Facebook專頁 : https://www.facebook.com/onccnews/