袁彌明彌明生活百貨開舖「懲罰」手足 王宗堯撐譚文豪 | 蘋果日報

袁彌明開舖「懲罰」王宗堯:而家儲到1/3律師費

更新時間 (HKT): 2021.01.09 16:52

袁彌明(Erica)創辦的彌明生活百貨,位於沙田的專門店今日喬遷至另一個商場內,並邀請早前求「懲罰」的王宗堯擔任嘉賓,而除Erica丈夫林雨陽外,她家姐袁彌望和姐夫亦有到場支持。Erica表示租金較以前平,人流又多:「而家逆市開舖有機會,租金可以有得傾,但如果擴大版圖要非常審慎,因為疫情、疫苗仲有太多變數,病毒又變種,所以有好多憂慮。」

Erica在疫情期間,沒有裁減員工,早前更出了花紅,她說:「今年嘅網上生意升咗好多,消費模式轉變咗。」談到黃色經濟圈,Erica認為是客人的選擇,大家同路人是要互相幫助,會注意消費:「好似宗堯今日嚟,都係互相撐朋友。」他有沒有酬勞?她說:「有,佢係明星嚟㗎嘛!佢而家冇經理人,直接搵佢傾工作仲方便,有張簡單合約就搞掂。」對於53名民主派人士因初選而被捕,Erica不欲多談:「嗰啲唔講,下次有機會先講,今次講啲開心事。」提到袁爸爸身在美國華盛頓,她擔心當地疫情問題,要經常勸袁爸爸戴口罩勤洗手。

王宗堯早前與杜汶澤簽約,正式加入對方旗下網台,成為「喱騷」首位包薪藝人,他表示:「會拍劇、綜藝節目,《大師班》就一早拍完,睇下仲有咩幫手。」問到經濟上方面,他坦言一直可以生活到,要求「懲罰」是儲律師費:「而家儲到1/3,慢慢儲,但同時我要call好多人開工,我就要畀返錢佢哋,因為講真好多人冇工開,其實我好開心啲人搵我,但我亦都要幫返其他人。」

對於53名民主派人士因初選而被捕,宗堯說:「覺得好無力,基本上係根據現行有嘅基本法去做佢哋可以做嘅公民權利,但冇辦法,7月後大家都知係好惡,之前我哋一直相信佢哋定落嚟嘅法例或者條文,好似又好容易推翻,而家條紅線好無形咁壓到好低,所以有時間見多啲朋友,陣間我會去探譚文豪,因為佢係第一個懲罰我嘅人。」53名初選被捕人之一、公民黨譚文豪前晚成功保釋,王宗堯今日剪綵後到譚文豪探望,他並於facebook上載與譚文豪合照,留言:「captain好忙。再忙啲仲好。請唔請洗碗」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner