心情起伏大　袁偉豪深宵狂呻：永遠錯重點

藝人袁偉豪（Ben）最近轉做歌手，曲詞編監唱、和音、結他部分同MV導演都係佢自己做埋，加上頻頻見人做宣傳，工作壓力似乎好大，咁啱尋晚《愛．回家之開心速遞》最新一集，就以佢早前喺社交網拋下一句「我欠咗你哋班傳媒？」一事抽水，種種事情加埋，令佢壓力爆煲，今日（19日）佢喺社交網再次爆Seed，意有所指咁發文狂呻，同時亦向大眾指自己依家冇失落，最差最壞嘅都已經捱過：「點解啲報道，永遠都係錯重點？明明係宣傳新歌，講吓近況，但係永遠出嚟就係錯重點嘅呢？又繼續無限放大？請大家千祈唔好覺得我仍然好失落，最差最壞嘅都已經捱過，我現在好好，真的很好，好開心。」惟之後佢已將限時動態刪除。