壓力爆煲狂脫髮　袁偉豪帶乜嘢傍身？

藝人袁偉豪出席「維新烏絲素髮現光彩 袁偉豪一日店長活動」，頭髮看似濃密的他談到護髮心得時坦言：「37歲喇，男性喺廿幾三十歲嘅時候，荷爾蒙改變大，護髮不可乏視。其實之前屋企有事，加上拍劇嘅壓力，我都試過狂脫髮。（爸爸多頭髮，遺傳就唔驚啦？）但我媽媽啲頭髮幼，唔知遺傳邊個嘛。」

進入無綫10年，他直言試過剃頭及黐頭套，亦有段時間夏天瘋狂揸電單車颷汗，稱都是男性脫髮的起因：「依家會做多啲護髮功夫，同埋會帶黑芝麻喺身、食嘢撈落去，我無論個人或頭髮，都有重新感覺，其實做人最緊要開心囉。（長髮定短髮旺你？）兩種髮型都試過，但我覺得冇關係，心哋好就得。」

談到與家人的旅行，他表示已出機票，下月將到日本旅行：「日本似乎幾啱家人旅行，女友同行、我帶隊。」