[獨家回應] 岑杏賢親公佈一索得男 舊年11月同圈外男友結婚嘅 岑杏賢 Jennifer Shum 7月對外宣佈懷孕5個月嘅消息,近日更盞傳Jennifer已經提早卸貨榮升新任媽咪喇。 呢日Jennifer就親口回應呢件喜事,承認日前已經正式分娩,同老公一索得男,BB英文名叫Preston,認真恭喜呀!佢仲話BB重6磅10安士,比預產早咗出世兩星期,而且相當為食添。 Jennifer早前已經因為懷孕減少喺《愛.回家之開心速遞》嘅演出,而9月5號播出嘅一集,佢扮演嘅「Icy」仲因為有新歡而同「KC」 歐瑞偉 AU SUI WAI 分手,唔通係為「移情別戀」BB,全力照顧佢成長而鋪路?不過呢日KC同Terry 李偉健Terry(小甜健) 就非常開心,仲唱晒歌祝賀Jennifer呀。 #岑杏賢 #一索得男