港式西餐廳(豉油西餐廳)越見越少,好難得同朋友興起,帶我嚟到呢間超過三十年歷史的經典扒房,呢度嘅侍應叔叔滿面笑容,感覺好親切,食得好開心! 好多款都想試,心大心細揀咗好耐,三個人點咗三個不同種類嘅餐一齊share~ 肉眼扒 配薯菜 - 肉質鬆化,係舊式扒房先做到 串標海鮮 配薯菜 - 幾得意,份量比想像中多,只吃海鮮都已經...好夠飽 豬扒拌銀雪魚 配薯菜 - 日式燒銀鱈魚本身已經夠好味,豬扒就正正常常,不過不失啦 凍檸茶、芒果布甸、啫喱 - 跟餐有飲品及甜品,個人習慣,每次食完成份扒餐,都總係好想飲返杯港式凍檸茶解膩 甜品有啫喱或布甸,絕對係經典之選,為呢一餐帶來完滿的總結。 翻查網上資料,餐廳前稱紅寶石,上世紀50年代先後在中環、銅鑼灣及尖沙咀開店,現只餘下逾30年歷史的太子店。要留住呢類港式經典,真係要繼續多支持喇!更多