無綫資深監製衞世輝心臟病猝逝 終年62歲 ***新增曾志偉回應 同衞世輝相識多年嘅 #曾志偉 ,下午現身活動時亦都回應事件詳細情況,佢話衞世輝凌晨因為心臟不適送院,可惜最後返魂乏術。志偉隨即安排同事幫手安撫家人情緒,又形容對方係TVB綜藝科嘅最重要人物,除咗帶領龐大團隊,處理大量節目工作之外,近來嘅《明星運動會》、奧運轉播等節目都由佢負責。 衞世輝亦正著手籌備今年底「節目巡禮」同明年回歸25周年、大型慈善節目。志偉指對方對公司非常重感情,因為佢任職多年來由場務職員到高階主管,一直以來都對所有同事非常好,係公司內出名嘅好好先生。 志偉又話因為明年係TVB嘅55周年台慶,噚日(16號)仲同對方開會直到下午5點,佢又指衞世輝心臟一直有問題,所以對身體健康非常注重,而佢嘅太太同弟弟亦都一齊任職TVB,志偉亦話TVB主席 #許濤 指示,公司會負責後事同提供適切需要。 講到衞太太嘅心情時,志偉就話事出突然,已經安排同事陪伴,而自己同衞世輝相相識30幾年,算係合作最多亦係最幫忙監製。 ************************************************ ***15:10 新增企業傳訊部聲明 無綫電視資深製作人、非戲劇分部經理衞世輝先生今(17日)晨離世,本台深表惋惜,人事科同事已聯絡其家人致以深切慰問,並會盡力協助其家人,提供適切協助。 衞世輝先生入職無綫四十年,曾參與製作眾多極受歡迎的綜藝節目、大型綜藝及特備節目,慈善節目方面,歷年分別與東華、明愛、保良、仁濟、博愛及仁愛堂等機構合作製作之慈善籌款節目,鼓勵市民共襄善舉,籌得眾多善款,造福社會。 而領導製作組參與製作之大型特備節目則包括多屆之《香港小姐競選》、《香港先生選舉》、《TVB最受歡迎廣告頒獎禮》、《萬千星輝賀台慶》、《萬千星輝頒獎典禮》、《無綫電視節目巡禮》、慶祝香港回歸祖國文藝晚會及奧林匹克運動會等,感染全球華人觀眾,成績備受肯定,為香港電視行業作出貢獻,是行內一位舉足輕重的資深製作人。 電視廣播有限公司 企業傳訊部 ************************************************ 無綫電視資深監製兼非戲劇分部經理 #衞世輝 17號因心臟病病離世,終年62歲。上周衞世輝先獲邀同行內一班多年同業好友聚餐鈙舊,但係今日就突然傳出惡耗。曾同佢合作嘅藝人聞訊後都難以置信。 人稱輝哥嘅衞世輝80年代加入TVB,多年嚟喺劇集、節目等多個唔同範籌嘅幕後工作都有涉獵,90年代起出任多個大型節目嘅編導工作,後期升任監製,成為《萬千星輝賀台慶》、《香港小姐競選》多個重點節目嘅幕後推手。 近年佢亦為多個節目監製,例如《盛女愛作戰》、《Ben Sir睇樓團》同《#後生仔傾吓偈 》,仲有月前嘅東京奧運系列節目等。 #衞世輝 (Facebook圖片) #衞世輝