22
22
5
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
近年越來越多又大隻又抵食嘅餃子專門店，仲要全部都係用無味精嘅老火靚湯做湯底，今次無意中食到呢間手作餃子專門店，每碗湯嘅顏色都好濃郁，而且又有埋紅蘿蔔，真材實料～鮮肉白菜湯餃(6隻)💰HK$38湯底真係好鮮甜，飲哂成碗都唔會覺得口渴！鮮肉白菜餃子味道就不過不失，係穩陣之選～鮮肉冬蔭公香辣湯餃 (6隻)💰HK$41貪得意叫咗呢款泰式風味嘅餃子，味道酸酸辣辣，開胃惹味，略嫌餡料唔夠紮實比較鬆散～自製清熱潤喉羅漢果茶💰HK$13味道唔會太甜，感覺清涼下火～
繼續閱讀
依家講講我喺呢間食店嘅體驗啦🍴! 今次我哋一行人嗌咗幾款餃子，每一款嗌口都唔同，刺激哂味蕾。其中個鮮肉粟米香菇煎餃，外皮煎得金黃酥脆，湊埋粟米嘅清甜同香菇嘅鮮味，真係咁食咁過癮😋! 湯餃方面，鮮肉白菜湯餃嘅湯底鮮甜得嚟又滋補，但就覺得白菜味過咗頭，餡料嘅肉味就喺白菜海裡面游咗少少。當食到鮮肉日式紫菜餃嗰陣，呢款就真係出色！鼓鼓哋嘅紫菜包裹住肉餡，咬落鮮味無窮，啱啱好嘅咸香味，摻埋一丁點魚露嘅提味，真係扣晒我哋嘅心弦🥟。至於鮮肉冬蔭功香辣餃，冬蔭功嘅那股酸辣味，係每啖都刺激到你想再嚟多啖，個人我最中意！另外，佢哋店嘅服務真係可以話係無得輸，同行朋友嘆到佢哋嘅湯正，店家即刻送多碗黎，霸氣又大方！總括嚟講，呢個價錢食到咁過癮嘅餃子，係絕對值得推介，真係溫暖到心❤️🔥! 下次還會返嚟，非常值得一試！
繼續閱讀
早前經過呢間舖頭，我不嬲都係餃子控，款式多味道好 價錢合理，而且大大粒，佢個湯餃唔錯，飲完個湯之後唔會口乾，之後叫咗個煎餃，脆卜卜，但係呢真係要彈一彈佢有啲油。食完個口油淋淋，但係咁嘅價錢你想點啊？
繼續閱讀
下午茶時間入去, 但因為下午茶冇想食既餃子口味, 唯有單叫, 叫左雞肉薯仔煎餃（+$2）上海面, $38 6隻, 再加$8要上海面, 埋單$48, 餃子質感好實好足料, 面個湯都唔錯既, 感覺味精不多, 值得一試, 係煎餃有啲多油...但我成餐有啲坐立難安, 因為等緊期間見個凍櫃後面有小強出末, 後尾又走返入去, 我諗住當見唔到, 始終食肆有小強又唔出奇既...但後尾我前面地下又見到隻, 我即刻起身調位, 同姐姐講有小強爬左上櫈, 點知姐姐好似習而為常咁, 唔出聲用毛巾包走左佢...佢地包餃子就係客人隔離, 我都擔心包包下包埋小強入去... 食個時逐隻咬開有望下, 希望佢哋衛生做好啲啦, 畢竟野食真係唔差既...
繼續閱讀
收工去屯門練射箭前約埋老友食個晚飯先，老友介紹黎呢間專門食餃子既小店，未食過就一於黎試試。小店面積唔算好細，都有約10張枱，每張都係4人位，不過位與位之間就比較密d，由於當晚客人都幾多所以唔太方便影個環境啦，坐底睇下餐牌，餃子既種類都唔少，可以揀煎餃或湯餃，煎餃就要另加2蚊。煎鮮肉車打芝士餃配上海麵有好幾款餃子都想試，今次先試下呢個鮮肉車打芝士餃，加2蚊轉煎餃，由於係即叫即煎落單後大約都等左十幾分鐘，上到枱時都好熱，外皮煎得好香脆唔會過火，皮都唔算好厚，餡料黎講芝士比例不多，只食到好輕微芝士味，主要都係豬肉，食落其實算幾好食不過偏油，成個餃子都充滿油光，怕油既朋友可能要自己拎張紙吸一吸啦，配上海麵就加8蚊，麵既質地算唔錯，軟硬適中，湯底就正常豬骨湯無特別，配料有幾塊紅蘿蔔不過有d位無刨乾淨，就咁咬左d乾淨既位都算幾甜。煎鮮肉冬蔭功香辣餃配上海麵老友揀呢份，基本上除左餃子其他野一樣，我試左一粒有少少冬蔭功果隻辣味，好輕微，味道都幾唔錯。豆漿 羅漢果茶飲品加7蚊，各叫左1杯，羅漢果水清清甜甜，豆漿老友叫既無問到感想。埋單每人$56，價錢黎講中規中矩，餃子黎講餡料還可以係煎餃比較油，不過就真係好香口，同埋新鮮做一定熱辣辣，有機會都會再黎試下其他餃子。
繼續閱讀